Ég hef verið að velta fyrir mér leiðum til að ná fram réttlæti.
Hvað segið þið um eftirfarandi?
Eitt ár í útlegð fyrir hvern afskrifaðan milljarð. Og svona til að vera ekki of ósanngjörn þá fyrnist útlegðin í 7. ættlið.
---
Athugið að hér vísa ég að sjálfsögðu til þeirra sem afskrifa – ég þarf að lesa mér ögn betur til í aðferðafræðum píningameistara miðalda áður en ég legg til hæfilega refsingu fyrir þá sem fá afskrifað.
Þá eru furstarnir hjá Esso búnir að hækka bensínið um tværogfimmtíu. Hvernig í andskotanum stendur nú á því? Fyrir tveimur mánuðum hækkaði bensínið um annað eins!
Skv. mbl.is "ákveður [Skeljungur] í dag hvað félagið tekur til bragðs".
Tekur til bragðs??!! Ber að skilja það svo að nú séu þeir sem öllu ráða hjá Skeljungi að pissa í buxurnar yfir því að vera nú einu sinni lægri en annað olíufélag?
Samkeppnin á ekki að snúast um hver er með hæsta verðið - apakettirnir ykkar, heldur lægsta! Í virkri samkeppni er nefnilega alltaf spilað nóló.
» Sálmar | » Gagnrýni | » Sögur | » Leikrit | » Siðir | » Heimsljós
