Baggalútur

Forystugrein – Enter

Enter

En smart nafn. Einfalt, stutt, traustvekjandi og auðskiljanlegt. Þjóðlegt. Þjált. Gagnsætt.

Stendur að líkindum fyrir Nýji BankInn, eða eitthvað svoleiðis. Mjög töff.

Ekki skemmir fyrir að það er í svo ljómandi dágóðum félagsskap National Bureau of Investigation á Filippseyjum, Niels Bohr Institutet í Danmörku, The National Business Initiative í Suður-Afríku, National Bridge Inventory í Bandaríkjunum og svo auðvitað Newcastle Bioinformatics Initiative í Bretlandi. Ekki amaleg skammstöfun það.

Svo býður þetta upp á ægilega skemmtileg gælunöfn á borð við Nebbinn, Nabbinn eða jafnvel Nubbinn. Mjög sætt.

Þannig að ég segi bara: Til hamingju með stórkostlega velheppnaða nafngift, sem hæfir virðulegri íslenskri bankastofnun og er til þess fallið að endurvinna traust þjóðarinnar á bankanum.

Og mikið skelfing er ég feginn að ekki var bara hlaupið til í taugaveiklun og eitthvað orðskrípi af handahófi valið , nú eða einhver torkennileg merkingarleysa sem gamli Landsbankinn átti á lager.

Svona á að gera þetta. Lengi lifi ENNBÉI.

Megi þetta fagra nafn lifa með þjóðinni meðan land byggist – eða í öllu falli eitthvað fram eftir næsta ári.

27/10/08

Fréttir

Enter – 23/5/13

Ný ríkisstjórn verður í háskerpu

Enter – 21/5/13

Kolbeini kapteini meinaður aðgangur að kommentakerfum

Enter – 20/5/13

Paul McCartney semur fyrir Brúðubílinn

Enter – 18/5/13

Norður–Kórea lýsir yfir sigri í Eurovision

Númi Fannsker – 16/5/13

Búin að eyða endurgreiðslunni

Útgáfa

Lesbók frá fyrri tíð

Sannleikurinn lifir enn

Ritstjórn Baggalúts snýr nú aftur úr sumarfríi, endurnærð. Sumarfríinu vörðu ritstjórnarmeðlimir í gagngera endurmenntun; þ.á.m. þriggja vikna power-námskeið í stjórnun fjölmiðlasamsteypna, helgarnámskeið í sálarrannsóknum og heilun, mánaðarnámskeið í hirðsiðum og æðri kurteisi og þriggja stunda tilsögn í angólskri útskurðartækni.

Nokkuð er um nýbreytni. Sérstaklega skal bent á baksíðu Baggalúts, sem nú er í fyrsta sinn aðgengileg á Internetinu. Þar má m.a. finna skrípó, þrautir og tilsögn í mannasiðum.

Einnig bjóðum við í fyrsta sinn upp á útprentanlegar myndir í djarfari kantinum í veggpjaldastærð á síðu 6.

Helsti styrktaraðili Baggalúts, hinn geðþekki Tino Martini mun svo opna nýja, allerótíska og spennandi síðu á næstunni.

Að lokum er rétt að minna landsmenn á að Köntrískífa Baggalúts er á leið til landsins með brynvarinni fílalest og er væntanleg í verslanir á allra næstu dögum.

Njótið vel.

Enter 14/8/05