Lesbók31.08.08 — Enter

Jæja. Þá erum við mættir til vinnu. Ekki seinna vænna, enda allt á leið hraðbyri til tengdamóður andskotans.

Ritstjórn gerði sér það helst til dundurs að skella sér á Íslendingaslóðir Norður-Ameríku, við mikinn og gagnkvæman fögnuð.

Ferðin var í alla staði stórfengleg og alveg er það raunar frámunalega merkilegt að allt kurteisa, fallega og gáfaða fólkið skuli hafa flúið land meðan það hafði tækifæri til. Sko það. Eða svo maður vitni í hæstvirtan stjórnarformann Baggalúts á liðnum ríkisráðsfundi: „Nú er bara að þýða allt fokkings draslið á ensku og drullast héðan.“

En hvað um það. Annað er helst í fréttum að ægivinsæll og umdeildur hljómsveitararmur samsteypunnar er að leggja lokahönd á tímamóta gleði- og samkvæmisskífu fyrir alla fljölskylduna. Hún mun heita því vel til fundna nafni „Nýjasta nýtt“ – og eitthvað mun heyrast af henni innan tíðar. Ef þið verðið stillt og prúð.

Annars er það bara stuð, stuð, stuð og gleði, gleði, gleði.

Áfram Ísland.

 
Enter — Sálmur
 
Myglar — Sálmur
 
Númi Fannsker — Sálmur
 
Enter — Sálmur
 
Kaktuz — Forystugrein
 
Kaktuz — Sálmur
 
Kaktuz — Sálmur
 
Enter — Leikrit
 
Númi Fannsker — Sálmur
 
        1, 2, 3 ... 179, 180, 181, 182