Sjá þetta viðurstyggilega glott á honum Núma, það er óvenju slepjulegt í dag. Alveg út undir eyru. Það mætti halda að mannfýlunni hafi áskotnast arfur. Eða Fannar litli sé fluttur að heiman. Eitthvað er það.

Guð minn góður. Svo byrjar hann bara að flissa upp úr þurru. Þetta er nú ekki heilbrigt. Vill hann ekki bara festa páskalilju í hárið á sér og taka nokkur danssp .... aaa. Nú veit ég hvað hann minnir mig á; Julie Andrews í Sound of Music. Maðurinn er sjúklega hamingjusamur.

Andskotinn hafi það.

Jæja. Ég þoli þetta ekki lengur. Nú fer ég og set sítrónu út í kaffið hjá honum.