Baggalútur

Sálmur – Enter

Þetta ljóð var samið á nýársdag 1994.

síðasta sólin er fölnuð
sósan er orðin köld
kampavínstappinn er týndur
tregar sín horfnu völd
kötturinn fetar úr fylgsni
fnásar við gluggatjöld

ég stend með hjálm á höfði
hjör mína, rifinn skjöld
og gala á nákalda nóttina
á nærtæka stjörnufjöld

"slengjum þeim glösum í gólfið
sem glumdu hér fyrr í kvöld
nafn okkar brennum með blóði
á blásprengd sögunnar spjöld
stikum svo fífldjörf með fánann
í flasið á nýrri öld"

17/9/01

Fréttir

Enter – 23/5/13

Ný ríkisstjórn verður í háskerpu

Enter – 21/5/13

Kolbeini kapteini meinaður aðgangur að kommentakerfum

Enter – 20/5/13

Paul McCartney semur fyrir Brúðubílinn

Enter – 18/5/13

Norður–Kórea lýsir yfir sigri í Eurovision

Númi Fannsker – 16/5/13

Búin að eyða endurgreiðslunni

Útgáfa

Lesbók frá fyrri tíð

Riddarar briddsborðsins

Nú er að duga eða drepast. Eftir hvern stórsigurinn á fætur öðrum er íslenska ólympíuliðið í briddsi komið með 293 í riðlakeppninni. 293 stig!

Einungis ein umferð er eftir - og í þessum skrifuðu orðum berjumst við hatrammri baráttu við blóðþyrst og úrræðagott lið Letta, sem hefur raunar átt undir högg að sækja.

Ég vil að þið áttið ykkur á mikilvægi sigurs og því að við komumst áfram í 16 liða úrslit. Sýnum alþjóðasamfélaginu í tvo heimana. Því þó við séum dvergar að burðum á risavöxnum leikvöngum boltaíþrótta, fimleika og annars líkamlegs erfiðis þá erum við enn risar við ferhyrndan leikvang rökhugsunarinnar.

Áfram Ísland. Ykkar skál! Bermúdaskál!

E.S. (bætt við 14:45)
VÚHÚHÚ! Við komumst áfram. Ég hef aldrei verið glaðari. Aldrei.

Enter 29/10/04