|
Söngur: Karl Sigurðsson
Lag & ljóð: Bragi Valdimar Skúlason.
Raddir: Kristbjörn Helgason & Guðmundur Pálsson.
Stjórn upptöku: Guðm. Kristinn Jónsson.
Gítarar: Guðmundur Pétursson.
Bassi: Sigurður Guðmundsson.
Trommur og slagverk: Kristinn Snær Agnarsson.
Píanó: Daði Birgisson.
Rafmagnspíanó: Davíð Þór Jónsson.
Lúðrar: Jim Hoke, John Hinchey, Steve Herrman.
Strengir: Chris Carmichael.
Hljóðritað í Hljóðrita, Hafnarfirði
og í OMNIsound studios, Nashville.
|
Söngur: Guðmundur Pálsson
Lag & ljóð: Bragi Valdimar Skúlason.
Stjórn upptöku: Guðm. Kristinn Jónsson.
Gítarar: Guðmundur Pétursson.
Bassi: Sigurður Guðmundsson.
Trommur og slagverk: Kristinn Snær Agnarsson.
Farfísa: Daði Birgisson.
Raddir: Sigríður Thorlacius.
Lúðrar: Jim Hoke, John Hinchey, Steve Herrman.
Hljóðritað í Hljóðrita, Hafnarfirði
og í OMNIsound studios, Nashville.
|
Söngur: Guðmundur Pálsson
Lag: Bragi Valdimar Skúlason
og Guðmundur Pálsson.
Ljóð: Bragi Valdimar Skúlason.
Stjórn upptöku: Guðm. Kristinn Jónsson.
Gítarar: Guðmundur Pétursson.
Bassi: Sigurður Guðmundsson.
Trommur og slagverk: Kristinn Snær Agnarsson.
Farfísa: Daði Birgisson.
Raddir: Karl Sigurðsson, Sigurður Guðmundsson og Kristbjörn Helgason.
Lúðrar: Jim Hoke, John Hinchey, Steve Herrman.
Hljóðritað í Hljóðrita, Hafnarfirði
og í OMNIsound studios, Nashville.
|
Söngur: Guðmundur Pálsson & Karl Sigurðsson.
Lag & ljóð: Bragi Valdimar Skúlason.
Stjórn upptöku: Guðm. Kristinn Jónsson.
Gítar: Guðmundur Pétursson.
Bassi: Sigurður Guðmundsson.
Trommur: Nisse Törnqvist.
Petrof flygill: Mikael Svensson.
Lúðrar: Jim Hoke, John Hinchey, Steve Herrman.
Strengir: Chris Carmichael.
Hljóðritað í Hljóðrita, Hafnarfirði
og í OMNIsound studios, Nashville.
|
|
Ekki hringja, það þýðir ekki neitt
nota ekki síma, sé þig hjá klukkunni klukkan eitt.
Sýp á sjenna, set á mig góða lykt,
bý um bælið – burðist ég heim með yfirvigt.
Þá er kallinn klár.
Það er laugardagskvöld, það er gleðin við völd
það var sagt mér að það væru píur hérna,
sem vilja reyna sig við mig.
Það er laugardagskvöld, það er gleðin við völd
það var sagt mér að það væri partí hérna
sem vantar bara mig í sig.
Kallinn sáttur, kominn í öruggt var.
kóngurinn mættur, nú vantar bara drottningar.
Græja drykki, gaumgæfi framboðið.
Gamall lager, hér er mér ekkert samboðið.
Svona á fyrsta bjór.
Það er laugardagskvöld, það er gleðin við völd
það var sagt mér að það væru píur hérna,
sem vilja reyna sig við mig.
Það er laugardagskvöld, það er gleðin við völd
það var sagt mér að það væri partí hérna
sem vantar bara mig í sig.
|
Þær búa alnetinu á
innlyksa hver í sinni skrá.
Þær eru fjarska fallegar
fullkomnlega stafrænar
og allir blíðu þeirra þrá.
Ég stundum leggst í leit að þeim,
læðupokast höndum tveim.
Og ef ég ramba á rétta slóð
og ef hún reynist vera góð
þá jafnvel sæki ég þær heim.
Stúlkurnar á Internetinu
þær ylja okkur í mesta hretinu.
Þær eru afskaplega sællegar að sjá
Þær liggja bara heima og hugga sig
og hafa alltaf tíma fyrir mig.
Og segja ekki nokkrum manni frá.
Allt þeirra líf er tölvutækt,
tilveran öll í netið flækt.
Og við sinn kísilbætta barm
þær bera hljóðan innri harm.
Og gráti þær þá gjörist netið hægt.
Stúlkurnar á Internetinu
þær ylja okkur í mesta hretinu.
Svo yndislega settlegar að sjá.
En finnst þeim ekkert vont að vera þar?
Að vera svona opinberaðar?
Skiptir máli hver er að horfa á?
Píurnar á Internetinu
þær ylja okkur í mesta hretinu
Svo dásamlega saklausar að sjá.
Þær höfðu sjálfsagt eitthvað annað plan
en enduðu í Langtíburtistan,
yfirgefnar á ókunnugum skjá.
Skvísurnar á Internetinu
þær ylja okkur í mesta hretinu.
Svo fjarskalega fullnægðar að sjá.
En líf þeirra er ósköp berrassað
og líklega er ekkert verra en að
hafa gjörvalt mannkyn gónandi sig á.
|
Þjóðhátíð '93.
Þar var ég – og líka þú.
Ölir menn í leit að illa girtum meyjum.
Planið að sverfa burt sveindóminn
á þjóðhátíð í Eyjum.
Sleitulaus hátíðahöld.
Hælalaus, ámigin tjöld.
Dalverpið alsett gallspúandi greyjum.
Planið að álpast á ástina
á þjóðhátíð í Eyjum.
Kófdrukkið kvennaval
kaffærir Herjólfsdal – þrjá daga á ári.
Slíkt ber að nýta sér.
Því skaltu flýta þér
og reyna að góma mey
meðan þær geta ekki hlaupist burt úr Heimaey.
Yfirfullt unglingastóð
með ólyfjan og hverskyns viðbjóð
eigrar um dansgólfið í dauðateygjum.
Planið að skemmta sér þokkalega
á þjóðhátíð í Eyjum.
Í brekkunni ég brölti til þín
og ég bauð þér pent að skríðí tjaldið til mín.
Við enduðum í erótískum svefnpokaslag
á meðan Árni Johnsen jarmaði svona lag.
Að lokum rann víman úr mér
en hvorki fann símanúmer
né þig í hrúgaf úldnum sportsokkum og -treyjum.
Ég get ekki munað hver setti í hvern
á þjóðhátíð í Eyjum.
Kengdrukknar kellingar
kaffæra Herjólfsdal – þrjá daga á ári.
Slíkt ber að nýta sér.
Því skaltu flýta þér
og reyna að góma eitt grey
meðan þær geta ekki synt á brott úr Heimaey.
|
Skelfing er ég leiður á því að húka hér.
Ég hugsa að þú þurfir einhvern að strjúka þér.
Ég þrái það að komast klakklaust heim á ný.
Æ, komdu við í ríkinu – ekki gleyma því.
Ég ætla að byrja á því að demba mér í
furunálafreyðibað.
En ekki fara eitthvað að dúlla þér þar,
þú veist mér leiðist það
- þá kemst ég aldrei að.
Sæktu sloppana, ég skal poppa
það er kósíkvöld í kvöld
- vídeó, rauðvín og ostar.
Sötrum rósavín, deyfum ljósin
það er kósíkvöld í kvöld
- rólegheit, hvað sem það kostar.
Algert óhóf, spennulosun og spilling blind.
Sparistellið, franskar vöfflur – og hryllingsmynd.
Mér áskotnuðust vindlar, við skulum púa þá.
Ég væri til í pottinn, nennirðu að skrúfa frá?
Meðan við kúrum saman tveir fær enginn
máttur skilið okkur að.
Æ, viltu auka leti mína og sækja
pínu meira sjokkólað?
- Og eitthvað útí það?
Svæfðu krakkana, sæktu snakkið
það er kósíkvöld í kvöld
- kavíar, rauðvín og ostar.
Sæktu flísteppið og rjómaísinn
það er kósíkvöld í kvöld
- dejlighed, hvað sem það kostar.
Smelltu límonaði í sódastrímið
það er kósíkvöld í kvöld
- kamparíís, kex og ostar.
Skelltu Donóvan á grammófóninn
það er kósíkvöld í kvöld
- kærlighed, hvað sem það kostar.
Fáðu þér vinur minn, dass af gini
það er kósíkvöld í kvöld
- smávindlar, trúnó og ostar.
...
|
