Hljómsveit Baggalúts er skipuð nokkrum valinkunnum hljóðfæraleikurum og hjartkremjandi söngvurum sem töfrað geta fram sjóðbullandi stemningu hvar sem er - hvenær sem er. Fullmönnuð telur sveitin á annan tug liðsmanna, en semja má um að brjóta hópinn niður í smærri einingar ef tilefni þykir til.
Sveitin tekur að sér að leika fyrir dansi og við hátíðleg tækifæri önnur, innan lands sem utan, gegn ríflegri þóknun.
Hægt er að komast í tæri við sveitina með því að senda póst á baggalutur@baggalutur.is og/eða kiddi@baggalutur.is.
Baggalútur er hýstur með stolti hjá SKÝRR
Baggalútur
Þessi hljómskífa Baggalúts er undir sterkum áhrifum frá Hawaii tónlist auk þess sem hún inniheldur hefðbundið innsveitaköntrí í bland. Skífan inniheldur 21 sönglag og leggja fjölmargir gestir hönd á plóg, þ.á.m. Björgvin Halldórsson, KK og Valgeir Guðjónsson að ógleymdum Borgardætrum.
Baggalútur
Fyrsta hljómskífa Baggalúts sló öll met í sölu kántrítónlistar á árinu 2005. Meðlimum köntrísveitar Baggalúts var fagnað sem þjóðhetjum auk þess sem lagið „Pabbi þarf að vinna í nótt“ hlaut íslensku tónlistarverðlaunin fyrir lag og texta ársins - en þau verðlaun þykja afar merkileg í ákveðnum kreðsum.