Er ekki löngu kominn tími á stjórnarskrá fyrir baggalútíska heimsveldið? Ég býð fram krafta mína við hannesun slíks plaggs.

Löngu kominn tími á það.

Ef þetta værir ekki þú Goggur sem hefur máls á þessu, þá héldi ég að óvinir ríkisins stæðu á bak við hugmyndina. ‹Horfir strangur og afar rannsakandi á Gogginn› Hugmyndin er ekki síður hættuleg en hugmynd Grétu Skýs um að upplýsa óvinina um höfuðborg Baggalútíu.‹Hneikslast›

Til viðbótar því er Golíat bendir á grunar oss að einhversstaðar sje til gamall stjórnarskrárþráður.

Hinsvegar ber að benda á að stjórnarskrá er almennt sjeð óæskileg þar eð hún getur bundið hendur stjórnvalda hættulega mikið í baráttu gegn óvinum ríkisins. Efni hennar má a.m.k. alls ekki vera opinbert (eigi hún á annað borð að vera til).

Ég hélt einmitt að stjórnarskráin væri til fyrir - bara ekki opinberlega.

Nú hef ég kannski sagt of mikið ...

Það er ekki til nein stjórnarskrá Baggalútíu. Það hefur aldrei verið til nein stjórnarskrá Baggalútíu.

Alls ekki, ef greinar hennar eru orðaðar nægilega lauslega og ef hæstiréttur sá, er sér um að túlka greinar hennar eru nægjanlega hallir undir okkar málsstað, þá er ekkert vandamál. Nefnum bara Sovétríkin sálugu sem dæmi.

Afskaplega lítið að gera í vandamálaráðuneytinu þessa dagana svo að ég hef hafið einhverja hannesun. Breytingartillögur afskaplega æskilegar.

FYRSTI KAFLI

1. Baggalútía er heimsveldi með sérvalinni stjórn.
2. Forseti, keisari og konungur Baggalútíu ásamt ráðherrum fara með löggjafar-, framkvæmdar- og dómsvald. Og öll önnur hugsanleg völd sem þeir kjósa.

ANNAR KAFLI

3. Forseti, konungur og keisari Baggalútíu skulu vera skipaðir ævilangt.
4. Nú deyr forseti, konungur eða keisari, segir starfi sínu lausu eða er rænt af óvinum ríkisins. Tekur þá varaforseti, varakonungur eða varakeisari við embættinu þangað til forseti, konungur eða keisari snýr aftur úr gröfinni, snýst hugur eða sleppur úr haldi óvina ríkisins.
5. Skal næstkomandi forseti, konungur og keisari skipa varaforseta, konung og keisara í sinn stað eigi síðar en 4 vikum eftir að viðkomandi aðili tekur við embætti. Valið fer einvörðungis eftir geðþótta forseta, konungs og keisara, burtséð frá embættum og öðru slíku.
6. Nú snýr fyrrverandi forseti, konungur eða keisari til baka eftir að nýr hefur tekið við. Skal þá fyrrverandi forseti, konungur eða keisari taka aftur við starfinu ogf skipa nýjan til vara.
7. Aðsetri forseta, konungs og keisara skal ætíð haldið leyndu vegna ævarandi ógnar óvina ríkisins.
8. Forseti, konungur og keisari sjá í sameiningu um að skipa ráðherra, ákveða tölu þeirra og skipta með þeim störfum. Þeir eru skipaðir ævilangt eða þangað til þeim er rænt af óvinum ríkisins. Valið fer einvörðungis eftir geðþótta þeirra.

Mikið afskaplega dauðleiðist mér...

Semdu hegningarlög.

http://www.youtube.com/watch?v=eBGIQ7ZuuiU

Þetta er hið ágætasta hegningarlag.

‹liggur hálfdauður á jörðinni eftir að hafa heyrt óhljóðin›

Svo ég taki mér það bessaleyfi að koma með drög að næstu greinum.

9. gr. Forseti má hafa með höndum launuð störf í þágu opinberra stofnana eða einkaatvinnufyrirtækja. Svo er og um alla þá, er æðri embættum gegna.
Ákveða skal samkvæmt geðþótta greiðslur af ríkisfé til forseta og þeirra, sem fara með forsetavald. Óheimilt skal að lækka greiðslur þessar.
10. gr. Forsetinn vinnur engan eið né drengskaparheit, er hann tekur við störfum, né aðrir þeir, er æðri embættum gegna.
11. gr. Forseti er ábyrgðarlaus á stjórnarathöfnum. Svo er og um alla þá, er æðri embættum gegna.
Forseti verður ekki sóttur til refsingar, né aðrir þeir, er æðri embættum gegna.
Forseti verður ekki leystur frá embætti, né aðrir þeir, er æðri embættum gegna.

Hefur páfi Baggalútíu ekki einhverja bittlinga?

Með embættisfarganið og bjúrókratíuhorrorinn sem er heimsveldið Baggalútía vorkenni ég sárlega þeim her lögfróðra manna sem nauðsynlegur verður til að fullgjöra stjórnarskrá svo vel sé, á sama tíma að halda henni svo loðinni og sleipri (engar dónalegar samlíkingar!) sem frekast er unnt.

Getur einhver gerst svo yndislegur að gera hegningarlög?

Þá geri ég smá hluta af þeim sjálfur.
1. Hver sá, er móðgar,lemur eða fer einhvern veginn illa með Enter, Núma , konung , keisara eða forseta Baggalútíu verður umsvifalaust étinn af Tigru.

2. Hver sá er elskar ekki blút, kóbalt, hexíukakó, kóbalt, eða ákavíti verður framseldur til óvina ríkisins.

3. Hver sá sem hefur eitthvað samband við óvini ríkisins verður skorinn í þrennt með gæðahnífum frá Hvæsa.

Óskaplega vekur það með mér mikla trú á mannsandann að sjá ameríska kerlíngaengsku svo lauslega íklædda íslenzkum lörfum (við lestur þessarar setningar skiptir kunnátta í járnsmíði ekki mjög miklu máli, en þekking á annarslags járni þess heldur).

Sögnina 'að elska' notum við þegar við tjáum ást okkar á annarri manneskju. Ekki þegar við lýsum yfir hrifningu á einhverju. Þá er hægt að nota eitt af eftirfarandi orðum, eða önnur líkrar merkingar, sem öll ættu það sameiginlegt að vera íslenzka, annað en dæmið hér að ofan (svo notuð sé sama setningagerð og í dæminu hér að ofan): Hverjum sem ekki líkar við, hver sem ekki kann við, hver sem hrífst ekki af, hver sem kýs ekki, hver sem dáist ekki að, hver sem ekki fellur í stafi yfir, hver sem er ekki dolfallinn af, hver sem hefur ekki upp til skýjanna og svo framvegis og framvegis.

„I looovvve this“ eða illa falin gerð þessarar upphrópunar með sögninni 'að elska' er viðurstyggilegasti útmálunarmáti hrifningar sem hægt er að skera í eyru hvers unnanda íslenzk máls með sem fyrirfinnst.

‹Kiknar í hnjánum› Gunther, ég elska það hvernig þú pakkar liðinu saman þegar kemur að íslenskuleiðréttingum!

Þar sem forseti vor er af hinum eðalborna græna kynstofni, þá þýðir ekkert fyrir litverpingana að vera að gala hérna.
‹Vonar heitt og innilega að forsetinn hafi rænu á að skipa þá grænu í æðstu stöður›