Madaman fékk klór á tærnar og það á sjálfan rafmælisdaginn, ja fuss.

Sniðugt, ég ætti kannski að sulla klór í stígvélin mín. Það ætti allavega að drepa þennan fjandans snák.

Þú hefur greinilega klikkað á einni af grundvallareglum kúrekans. „Aldrei að gera sér snákaskinnsstígvél úr lifandi snákum“
Þessa reglu er gott að muna svo ekki komi til þráfaldra fótaeymsla.

Geta snákar klórað manni á tánum? ‹Setur klór á höfuðpaurinn›

Ég vaknaði með glerbrot í löppinni í nótt, hvernig það komst þangað er mér ráðgáta en blóðugt hefði orðið stolt af því...

‹Svimar af blóðleysi›

Það sprakk á óæðri bifreið Kargsbúsins í dag. Þegar ég ætlaði að setja varadekkið undir var það auðvitað loftlaust. Þetta var þó alls ekki það versta sem kom fyrir mig í dag, það var sú sorglega staðreynd að ég kom tvisvar í borgarnes í dag. ‹Strunsar út af sviðinu og skellir á eftir sér›

Ég svaf af mér kvöldmatinn.

Letin var að drepa mig.

Ég fékk harðfisk sem var ekki góður. Hann var næstum því vondur.

Jú ég fór í búð til að eyða peningunum mínum og keypti þessa dýrindis stuttermaboli fyrir son minn, svo fór ég heim til að máta hann í þá og þá komst ég að þeirri undarlegu staðreynd að þessir bolir voru kjólar. Sem var svo allt í lagi því að dóttir mín gat að sjálfsögðu notað þá þó strákabolslegir væru ‹Glottir eins og fífl›

Hvernig var það nú hægt?

Hið versta, er oss henti í dag hlýtur að vera þegar vér stungum oss á spúni í veiðiferð dagsins.

Hann var þurr og morkinn. ‹Brestur í óstöðvandi grát› En ég studdi gott málefni. ‹Starir þegjandi út í loftið›

Mér varð kalt.

Ég hafði of lítið að gera.

Ég vaknaði kl. 5:30 í morgun með kvef í hausnum. En dagurinn er svo sem ekki búinn enn. ‹Dæsir mæðulega, lítur út um gluggann og snýtir sér hraustlega›

Ég lagði í stæði á milli tveggja bíla, drap á bílnum og setti hann í handbremsu, ríghélt svo í stýrið og trampaði í angist á bremsunni því að bíllinn rann stjórnlaust afturábak, á jafnsléttu!
Svo áttaði ég mig á að bílarnir sitt hvoru megin við mig voru báðir að fara af stað áfram í einu.

ÉG fékk verk í bakið

Vaknaði með helstíflaðan sínus.