Hér er þráður sem býður upp á ókeypis rými til þess að skella inn smáauglýsingum um hitt og þetta svo sem víða má sjá á veraldarvefjum.
Ég mun ríða á vaðið:
Skáldfákur, skáldfákur! Einstök gæðaskepna.
Leigi hann til undaneldis. Skammturinn er á kynningartiboði fyrst um sinn.
Sendið skilaboð á mitt pívat pósthólf eða hringið í skiptiborðið í keisarahöll heimsveldisins.
Leirmundur Geirdal (Leiri).
Þessi valmöguleiki stóð nú einhvern tíma til boða minnir mig. Gott ef slíkar smáauglýsingar hafi ekki verið fjarlægðar á sínum tíma, ekki man ég af hverju. Engu að síður er þetta lofsvert framtak hjá þér góði.
Neglir upp auglýsingu á vegginn
Til sölu:
Amma. Notuð en vel með farinn og í góðu ásigkomulagi. Hefur reynslu af uppeldi, barnabarnapössun, eldamennsku og saumaskap. Selst hæstbjóðanda.
A.v.á
Ef ég man rétt þá er Amma Hakuchis einstaklega gott eintak... er ekki rétt að hún kann að prjóna, baka pönnukökur og að stoppa í sokka... Íhugar kauptilboð
Ég samdi eitt sinn kvæði um Ömmu Hakuchis... þessar vísur eru bernskubrek en birti þær aftur hér:
Feitlagin og heilsuhraust
Hakucha gráa amma
glaðlynd er og grínalaust
góð hún kyssir kjamma
Börnum væn og blaðrar vel
um brælu og hrognkelsi
Saumar kjóla, sögur les
særir fram bakkelsi
Pönnukökur panta skal
og prufa ættfræði
góð hún er við gestaval
gerir lambið æði
drekkur ei og dundar sér
duflar í lotto vélum
gamla strandastúlkan er
stundum út á melum
Minni þitt er óbrigðult sem fyrr Skabbi minn. Jú amma mín er afar fær í öllum ofangreindum íþróttum. Ennfremur er hún útsjónarsöm í fjármálum heimilisins þar sem hún er sparsöm, nösk á að finna hluti á tilboðum, fjárfesta á afleiðumörkuðum - einkum í SA-Asíu og hún er refur í að prútta niður verð í Kolaportinu.
Hjartans þakkir fyrir að birta þetta guðdómlega kvæði á ný Skabbi.
Þú fangar yndislegheit ömmu í öllu sínu veldi.
Þurrkar tár úr auga
Samviska fæst fyrir lítið, orðið nokkuð gömul og mikið notuð. Þarfnast MIKILLAR aðhlynningar. Gæti verið stirð þar sem hún hefur ekki verið nothæf til margra ára.
Upplýsingar hvorki veittara hér né í síma.
a.v.á.
Vjer óskum hjer með formlega eftir að kaupa vel alið astronaut. Öll tilboð verða skoðuð með opnum huga.
A.v.á.
Hef í hyggju að auka Ákavítisbyrgðir mínar til muna... öll skipti koma til greina... á fyrirliggjandi fjórtan sokka á vinstri fót... gulgræna... einnig þarf ég að losna við fimm kíló af dúfum...
Forstjóri ÁTVB... Skarpmon Skrumfjörð...
Færeysk föt á kostaboði!
Örlítið rifin og blóðug en að öðru leiti í góðu lagi!
Áhugasamir hafi samband póstleiðis.
Nema þið séuð Færeyingar, þá megið þið koma í heimsókn.
Hef til sölu á svörtum markaði talsvert magn af leyniefni fyrir kakó. Ekki má gefa kaupin upp til skatts og hvergi má koma fram hvar það er keypt!
A.v.á
Dýraafurðir fyrir garðinn, get útvegað mikið magn dýraafurða fyrir garðinn. Hafið samband við Dýrið (með góðum fyrirvara)
Eru þær dýrar?
Nei nei framleiðslukostnaði er haldið í lágmarki. Það er líka hægt að fá mismunandi áferðir en í sumum tilfellum er það dýrara því þá þarf annað hráefni en venjulega.
Brosir út að eyrum og lyftir báðum höndum upp fyrir höfuð til merkis um að sér hafi þótt þetta afskaplega fyndið
Notuð kona gefins.
Fylgir smurbók?Glottir eins og fífl
Nei ekki frá upphafi, en hún hefur oft verið smurðglottir
Þarf hún fjölþykktarolíu? Starir þegjandi út í loftið