Einhverntíman var kallinn minn að horfa á formúluna sem ekki er í frásögur færandi nema hvað að ég held að íþróttafréttaritarinn hljóti að hafa verið með doktorsgráðu í eðlisfræði því þetta voru ný vísindi fyrir mér:
,,Það er auðvitað svo erfitt að hafa stjórn á bílnum í svona beygjum því miðflóttaraflið dregur hann til hægri og vinsti og beint áfram!"
Annars held ég að einhver fréttamaður hafi nagað sig í handabökin eftir að hafa sagt að sendiherra N-Kóreu hafi verið "myrkur í máli" þegar hann ávarpaði SÞ um daginn þegar hann var einmitt mjög ómyrkur í máli um afleiðingar þess ef einhverjir færu að skipta sér af kjarnorkuáætlunum þeirra.
Hví segja menn annars að fólk sé ómyrkt í máli þegar fólk svo gott sem bölvar í sand og ösku. Ómyrkur þýðir einmitt, teljum vér, bjartur, og eigi getur staðizt að fólk sé bjart í máli yfir því er það er mjög andsnúið.
Einhver íþróttasnillingurinn var að lýsa landsleik í handbolta... og leikmenninrir eru allir á annann meter!!
Heppni að engin var undir einum metra !!
Ætli þeir séu ekki að meina ,,ómyrkur" í merkingunni ,,skýr"....
Annars hugsa ég að pælingin hjá fréttamanninum hafin einmitt verið sú að hann hafi verið alvarlegur/þungur í tali...
Fjármálaráðherra var að segja að eitthvað fyrirtæki (man ekki hvað) ætti að horfa í eigin rann.
Klórar sér í höfðinu
Ég hef ekki heyrt þetta fyrr, hann ber kannski eitthvað á brjóstunum karlgreyið. Ég ætti kannski að vera búin að skilja fyrr en skellt er hurðum og átta mig á að svona hefur þetta máltæki alltaf verið?
Nýja efnið frá Cillit Bang er víst "eins og skapað fyrir erfiða bletti". Nú hélt ég að þetta efni væri einmitt skapað af einhverjum vísundrum til að leysa upp þessa bletti. Maðurinn lætur þetta hljóma eins og tilviljun.
Ég heyrði eftirfarandi textabrot í útvarpinu áðan:
„Dagar ganga í barndóm, ég sest hjá sólinni...“
Brestur í óstöðvandi grát
Júróvísa ein inniheldur hryllinginn: "Skaut mér skelk í tá..."
Kastar upp
Kannist þið við orðatiltækið "Þvott eftir þvott verður hvítur þvottur grár"?
Kannist þið við orðatiltækið "Þvott eftir þvott verður hvítur þvottur grár"?
Mér finnst ég hafa heyrt þetta í auglýsingum.
Kannist þið við orðatiltækið "Þvott eftir þvott verður hvítur þvottur grár"?
Jú, og svo hefir einnig heyrst: Notið þetta þvottaduft svo grái þvotturinn verði hvítur. Hverju á að trúa?
Sá minningagrein um daginn sem innihélt þessa stórkostlegu setningu...
"Fréttin um andlát þitt kom eins og þruma úr heiðskýru fjalli og bernskuminningar mínar lömuðust..."
Úff! Hafið þið séð keppnir í hlaupi nýlega? Það er nefnilega ekki mjög spennandi íþrótt, en með þennan þul, sem lýsir þessu með svona mikilli innlifun er eigi hægt að gera annað en að líta við og horfa.
Kannist þið við orðatiltækið "Þvott eftir þvott verður hvítur þvottur grár"?
Jú, og svo hefir einnig heyrst: Notið þetta þvottaduft svo grái þvotturinn verði hvítur. Hverju á að trúa?
Ef þér horfið vel á auglýsinguna sjáið þér að þegar konan dýfir skyrtunni ofan í vökvann blikkar pínulítill texti, "6 tímum síðar". Svo dregur hún skyrtuna upp úr vökvanum! Allt saman auglýsingabrellur!
Börn geta verið miklir orðtakahryðjuverkamenn og gera tilræði við hvert orðtakið og málsháttinn og orðvenjuna á fætur annarri. Barn sem ég heyrði af um daginn sem var eitthvað ósátt við mömmu sína, því hún hafði bannað því eitthvað sagði við hana: "Hvernig geturðu gert mér þetta ég sem er framburðurinn þinn".
Flissar
Þar sem þarf að því er mér skilst tvo til svo barn verði til, hlýtur barnið að vera samanburður foreldranna.
<Frussar>
Kannist þið við orðatiltækið "Þvott eftir þvott verður hvítur þvottur grár"?
Jú, og svo hefir einnig heyrst: Notið þetta þvottaduft svo grái þvotturinn verði hvítur. Hverju á að trúa?
Ef þér horfið vel á auglýsinguna sjáið þér að þegar konan dýfir skyrtunni ofan í vökvann blikkar pínulítill texti, "6 tímum síðar". Svo dregur hún skyrtuna upp úr vökvanum! Allt saman auglýsingabrellur!
Já, og það merkilegasta er að skyrtan er skraufþurr!
Hér er ein óheppilega orðuð auglýsing: "Sérstakur hádegisverðarmatseðill: Kjúklingur eða buff kr. 600, kalkúnn kr. 550, börn kr. 300. "