Eda Morgan Kane?
Morgan Kane = Clint Eastwood. Búið að filma hann. Bara fært til nútímahátta. Hómóerótíska sambandinu milli hans og Charlie Katz var bara sleppt.
Svo maður gerist nú svolítið málefnalegur og haldi sig við upphaflegan tilgang þráðarins, þá langar mig bara að segja þetta:
Mýrin er mikil tímamótamynd og einstaklega vel unninn tæknilega og uppfull af sviðsetningum sem maður hefur ekki áður barið augum í íslenskum ræmum, en helsti galli hennar er náttúrlega sá sem Sigurjón Kjartans benti réttilega á í harðri gagnrýni sinni, en hann er sá að maður fær enga samúð með persónunum, því að engu púðri eða tíma er eytt í að kynna þær til sögunnar. Til þess að gera slíkt hefði myndin alveg mátt vera tveggja tíma löng.
Já, svona þegar að þú minnist á það þá er það eiginlega alveg rétt. En hverjum er ekki sama?!
Ég er bara ánægður með það að loksins sé farið að búa til íslenskar myndir sem eru þess virði að sjá.
Mér fannst fínt að sjá myndina, sparar hellings tíma fyrir mig sem lestur bókarinnar hefði tekið Glottir
Satt best að segja var gaman að þessari mynd, þrátt fyrir að vera með þennan venjulega Íslenska drungalega blæ. Það vottaði meira að segja fyrir húmor í henni. Bíómiðinn var hverrar krónu virði, enda bauð vinnan til sýningarinnar. Brosir út að eyrum og lyftir báðum höndum upp fyrir höfuð til merkis um að sér hafi þótt þetta afskaplega fyndið
Ég sá sýnishorn úr annarri íslenskri glæpamynd sem er á leiðinni, Köld slóð.
Ég gat ekki annað en varist brosi við að hlusta á Bruckheimer tónlistina sem dundi undir sýnishorninu.
Ég sá sýnishorn úr annarri íslenskri glæpamynd sem er á leiðinni, Köld slóð.
Ég gat ekki annað en varist brosi við að hlusta á Bruckheimer tónlistina sem dundi undir sýnishorninu.
Ég hef einmitt sjaldan séð samansafn af jafn lélegum leik í einu sýnishorni, allt sem unga leikkonan Anita Briem lét út úr sér hljómaði eins og hún væri að kynna vöru í sjónvarpsmarkaði... Eða er maður kannski bara svona hrikalega óvanur því að heyra íslensku í svona ameríkaniseruðum sýnishornum?
Annars fannst mér Mýrin allt í lagi, var eiginlega búin að heyra of góða hluti um hana og varð fyrir smá vonbrigðum. Hafði þó mjög gaman af öllu gróteska kjötátinu.
Ég óttast að þarna komi saman helstu veikleikar íslenskrar kvikmyndagerðar; lélegur leikur, léleg handritaskrif, léleg leikstjórn. Það að maður er óvanur að heyra íslensku í þessum kringumstæðum ætti að spila inn í en það á að venjast á nokkrum mínútum (amk. gerist það ef maður horfir á glæpamyndir á framandi tungu). Ég óttast að maður venjist þessu ekki.
Búinn að sjá Mýrina og fannst hún mjög góð. Aldrei var dauður punktur í henni, flétta var í gangi og einhver óljósheit sem gekk upp. Eftirminnilegar voru senur eins og sviðaátið og viðtalið við Elliða á Litla-Hrauni. Ég persónulega hafði samúð með persónunum og fannst það ekki ofleikið.
Ef eitthvað var neikvætt við þessa mynd að mínu mati var það að leikur var þrátt fyrir að vera í heildina mjög góður, misgóður eins og vill verða í íslenskum kvikmyndum. Leikstjóri verður að henda áhugaleikara inn á milli atvinnuleikara.
Ég er feginn að ég las aldrei bókina. Ég er viss um að ég hefði upplifað myndina öðruvísi hefði ég gert það.
Vita menn ekki að hin eina formúla að Íslenskri stórmynd inniheldur tvö frumefni; framúrskarandi frábæra leikstjórn Hrafns Gunnlaugssonar og óendanlegan kynþokka Sveins heitins Eiðssonar. Það hefði vel mátt hætt að hugsa um frekari kvikmyndaframleiðslu á Íslandi við fráfall Sveins.
Þar verð ég að vera sammála Hrepparanum, Sveinn Magnús Eiðsson var konungur hvíta tjaldsins!
Hver er nú það? Klórar sér í höfðinu
Sá sem lék svo stórkostlega eiturlyfjaneytandann og nauðgarann í Land og Synir.
(Hann var víst hálfbrennimerktur af hlutverkinu alla tíð síðan.)
Já, ég meina Óðal feðranna; ég rugla þessu alltaf saman.
Oj...þú áttir við óðal feðrana?
Einn M. Sveiðsson... ég meina Sveinn M. Eiðsson var leikarinn sem fékk fátt að segja en túlkaði hlutverk sín á óaðfinnanlegan hátt!
Sveinn M. Eiðsson þurfti ekkert að túlka neitt hann var bara svona.
En vinkona mín sem fór á Mýrina hafði það um hana að segja að þarna færi dæmigerð formúla: vinsælasta bókin eftir vinsælasta höfundinn, vinsælasti leikstjórinn, vinsælasti leikarinn, kynþokkafyllsti nýliðinn meðal leikara, vinsælasta skoffínið. Öllu hrært saman af litlum metnaði, en það gerir ekkert til því þau mega það og eru náttúrulega hafin yfir alla gagnrýni.
Starir þegjandi út í loftið
Svo ég þori ekki fyrir mitt litla líf að fara á myndina og verða bálill að hafa eytt peningum í eitthvað ofmetið dót.
Ákveður að bíða eftir að myndin komi út á DVD