— GESTAPÓ —
SAMHENDUÞRÁÐUR
» Gestapó   » Kveðist á
        1, 2, 3, 4, 5, 6, 7, 8, 9, 10  
 • Svara • Vitna í •  Senda skilaboð Senda póst
Loki 13/9/08 21:51

Þrjár á fjalli á ég ær
ein er mórauð, gráar tvær,
sex ég heimti hangilær,
heilmikið ég elska þær.

 • Svara • Vitna í •  Senda skilaboð Senda póst
Skabbi skrumari 4/10/08 20:25

Þær sem drekka breezers böl
bláeygar sem þurrkað söl
ættu'að fá sér frekar öl
svo fái ekki magakvöl.

To live outside the law, you must be honest.
 • Svara • Vitna í •  Senda skilaboð Senda póst
Z. Natan Ó. Jónatanz 20/10/08 01:17

Kvöldin gerast kuldaleg,
komið haust um norðurveg;
skröltir sál mín tóm & treg.
Tæpast er ég sjálfur ég.

 • Svara • Vitna í •  Senda skilaboð Senda póst
Skabbi skrumari 20/10/08 10:39

Ég hef löngum lagt mig við
að látast oftast strjúka kvið.
Langt er þar til fæ ég frið
að finni'ég ró er nokkur bið.

To live outside the law, you must be honest.
 • Svara • Vitna í •  Senda skilaboð Senda póst
Andþór 22/10/08 20:28

Bíð ég eftir betri tíð
blómunum er skreyta hlíð.
Þá úr hýði þunnur skríð
þegar mætir sólin blíð.

Áróðursmeistari forsetans og sendiherra Suðurskauts, norðurskauts og annarra heimsálfulausra ríkja.
 • Svara • Vitna í •  Senda skilaboð Senda póst
Skabbi skrumari 22/10/08 20:36

Blíðu finn á Baggalút
er bægir frá oss allri sút
og veitir okkur viskíkút
og vorið kemur með lambhrút.

To live outside the law, you must be honest.
 • Svara • Vitna í •  Senda skilaboð Senda póst
Kífinn 22/10/08 21:05

Lambhrút upp að munni lagði
ljúffengan ég át og þagði.
Bar það að í einu bragði:
baabaabaabaabaa hann sagði

[Obbobbobb... þú ert á vitlausum þræði (karlrím skal vera- þ.e. rím með einu atkvæði t.d. hús, mús, lús og bús)
... auk þess sem of langt er á milli stuðla í fyrstu og þriðju línu... kv. Skabbi]

 • Svara • Vitna í •  Senda skilaboð Senda póst
Regína 24/10/08 21:54

Lambhrúturinn leit upp skjótt,
lagði svo á flótta hljótt,
þannig honum leist að ljótt
líf hans myndi enda fljótt.

Drottning Baggalútíu. Varaforseti Baggalútíu. Dulmálssérfræðingur Hlerunarstofnunar. Meykóngur.
 • Svara • Vitna í •  Senda skilaboð Senda póst
lappi 6/11/08 13:12

Fljótt nú galar gaukurinn.
Gæjist úr vasa baukurinn.
Grimmur horfir haukurinn.
Hreinn er ættarlaukurinn.

lappi
 • Svara • Vitna í •  Senda skilaboð Senda póst
Regína 24/11/08 10:48

Ættarlaukur leikur sér
líkt og barna siður er.
Kubbum raðar, krybbur sker,
kát í tölvu strax svo fer.

Drottning Baggalútíu. Varaforseti Baggalútíu. Dulmálssérfræðingur Hlerunarstofnunar. Meykóngur.
 • Svara • Vitna í •  Senda skilaboð Senda póst
Skabbi skrumari 24/11/08 10:55

Ferill lífs er bylgja breið
blómum prýdd og efst svo greið
hátt er fall er hendir neyð
hundfúl er á niðurleið.

Hér er betri útgáfa, vona ég:

Ferill lífs er bylgjan breið
brött og kröpp, á tind ég skreið
á hátindi ég henni reið
hundfúl verður niðurleið.

To live outside the law, you must be honest.
 • Svara • Vitna í •  Senda skilaboð Senda póst
hvurslags 24/11/08 12:30

Á niðurleið er næstum allt
(nema verð þess sem er falt).
Afhroð mikið Glitnir galt
og gengið bráðum flýtur valt.

Yfir kalda sítrónu, einn um nótt ég bauva.
 • Svara • Vitna í •  Senda skilaboð Senda póst
6/12/08 03:15

Veltur allt, sem oltið gat -
oní saltað vaskafat.
Eitt er víst - já, akkúrat -
annað brýst út Pereat!

 • Svara • Vitna í •  Senda skilaboð Senda póst
hvurslags 6/12/08 03:43

"Pereant!" þeir púuðu
á presta sem þá kúguðu.
Að því bili brúuðu
þeir blótsyrðunum hrúguðu
en tali öllu trúuðu
tóku og Guðinn þúuðu.

Yfir kalda sítrónu, einn um nótt ég bauva.
 • Svara • Vitna í •  Senda skilaboð Senda póst
Regína 20/1/09 22:11

Þúuðum við alltaf einn
yngismann sem hét víst Steinn.
Hann var frakkur, frekur, seinn,
fullur hroka, iðrabeinn.

Drottning Baggalútíu. Varaforseti Baggalútíu. Dulmálssérfræðingur Hlerunarstofnunar. Meykóngur.
 • Svara • Vitna í •  Senda skilaboð Senda póst

Beinn er sjaldnast boginn neinn.
Bein- er jafnan þráðbeinn -teinn.
Óþrifinn er aldrei hreinn.
Yngismaður kallast sveinn.

 • Svara • Vitna í •  Senda skilaboð Senda póst
Loki 21/2/09 20:52

Sveinninn jóla sénever
sýpur, eins og vera ber,
til þess ögn að ylja sér
áður hann til byggða fer.

 • Svara • Vitna í •  Senda skilaboð Senda póst

Feroza er frábær bíll,
finnst hér enginn betri díll.
Yfir henni´ er stakur stíll;
stórkostleg & hraust sem fíll.

        1, 2, 3, 4, 5, 6, 7, 8, 9, 10  
» Gestapó   » Kveðist á   » Hvað er nýtt?
Innskráning:
Viðurnefni:
Aðgangsorð: