Þessi mjög svo menningarlegi leikur felur í sér að gagnrýna hljómsveitir eða sjálfstæða tónlistarmenn og koma með mjög svo fastmótað álit á ákveðnum hljómsveitum og tónlistarmönnum. Má þar gagnrýna lagasmíðarnar, meðlimi hljómsveitarinnar og hvernig þeir koma viðkomandi fyrir sjónur, og alla þá ímynd og anda sem einkennir sveitina/tónlistarmanninn.
Reglurnar eru einfaldar, segðu þína skoðun og komdu síðan með aðra hljómsveit sem næsti meðspilari má gagnrýna.
Best að ég komi með eitthvað mjög svo viðeigandi; segið mér frá áliti ykkar á Supernova.
Þurfa þeir ekki að vera búnir að gefa eitthvað út áður en maður gagnrínir verk þeirra? Eða átti spámaðurinn kannski að svara þessu?
Supernova var sköpuð af fólki sem hélt að það hefði "foolproof" formúlu fyrir vinsæla hljómsveit. Bara blanda saman nokkrum köllum úr gömlum vinsælum hljómsveitum og hræra saman. En ég held nefnilega að fáir eigi eftir að falla fyrir þessu. Lögin hljóma öll eins og maður hafi heyrt þau áður, og ég fíla ekki Lukas Rossi. Þoli ekki þegar hann losar um röddina og vælir eins og hundur. Bjakk.
Hvað finnst ykkur um Wolfmother?
Ástralarnir Í Wolfmother eru algerir snillingar. Fyrst þegar ég heyrð lagið Dimension langaði mig til þess að slamma. Afródúddinn Andrew Stockdale er með eina sérstökustu og bestu rödd sem komið hefur fram í áraraðir hjá rokkbandi og gítarspilið hjá honum er svakalegt. Hljómsveitin er rosalega þétt og það eru hljómsveitir eins og Wolfmother sem gera rokkið skemmtilegt. Það er staðreynd að Wolfmother ætti að geta komið öllum í stuð sem eru ekki nú þegar komnir í líkkistuna, en hún getur að sjálfsögðu líka komið fólki líkkistuna ef það hefur hjartagalla. En það er annað mál.
Nú megið þið segja mér hvað þið elskið Arcade Fire mikið.
ARCADE FIRE! Arg! Ég alveg stórfíla þá hljómsveit!
Mér finnast textarnir skemmtilega sýrðir, söngvarinn og -konan eru kannski ekki sérlega góð í sínu fagi, en það gerir tónlistina eiginlega bara skemmtilegri fyrir vikið. Ég er mjög hrifin af öllum þeirra lögum, þar af sérstaklega Cars and Telephones og Haiti. Stemmningin er yfir höfuð góð og ég plana að taka eins og eina tónleika einhversstaðar í útlandinu áður en ég dey. Ég bíð líka spennt eftir nýrri plötu sem þau segjast vera að vinna að og eigi að koma út einhverntíma á næsta ári, held ég.
Hvað finnst ykkur um hljómsveitina The Misfits?
Djöfull er ég orðinn gamall.
Setur Nirvana á fóninn og ruggar sér í ruggustólnum
Talandi um elli og umkvartanir þá sýnist mér það færast sífellt í aukanna að skíra þræði einhverjum nöfnum sem eru löðrandi í enskuslettum og málníði. Þetta er háskaleg þróun og er þá stutt í þræði með upphrópunarmerkjum og er þá Gestapóið orðið engu skárra en hxxx.is.
Snýtir sér í vasaklút
Þetta er allt að fara til helvítis félagi. Ég man þegar flestir hérna voru yfir meðalgreind.
Eflaust einhver af þessum hippittí hoppsí sveitum.
Tekur í nefið
Þetta er allt að fara til helvítis félagi. Ég man þegar flestir hérna voru yfir meðalgreind.
Já, af er það sem áður var.
Laumar brennivínspela til Haraldar og hugsar til þess tíma þegar hér voru einungis snillingar með doktorspróf upp á vasann
Eflaust einhver af þessum hippittí hoppsí sveitum.
Tekur í nefið
Svona Emvítamínen tilfelli eitthvað?
Það hefur verið áður enn ég kom.
Það var í árdaga góði minn. Í þá gömlu góðu daga áður en útlenska var fundin upp.
...
Það veit enginn hvaða hljómsveit The Misfits er, er það? Læsir sig inni og grenjar
Þeir eru í raun eitt elsta... horror-punk band á markaðnum eftir því sem ég best veit. Búnir að vera að í einhverja áratugi.. Það hringir kannski fáum bjöllum, en það verður víst bara að hafa það. Enginn heyrt neitt um það, nei? Hvað með Vitalic?
Djöfull er ég orðinn gamall.
Setur Nirvana á fóninn og ruggar sér í ruggustólnum
Já ég verð eiginlega að vera sammála því að þið séuð gamlir.
Mér finnst ég vera orðin gömul... og þá veit ég ekki hvar þið lendið.