Úr borgarstjórn nú býr sér far
og býst við sæti' á þingi.
Mánuð hálfann hýrast þar,
mun Hrafnasonur Bingi.

Frétt, MÁN 6. nóvember: http://ordid.blog.is/blog/ordid/.

Ekki er gott að hindra harmleik,
höldum á að skjóta!
Hvað með það þó hverfi í skotreik
heimili arabaþrjóta?
Sjá frétt.

Manni verður nú svo illt af svona fréttum eins og að ofan, að ég má til með að koma með eina léttari líka:

Með það ekki á að grínast,
óskert löggan vera þarf.
Má það vera málið brýnast.
Maríjónukjötið hvarf.
Sjá frétt.

Áttræður maður tekin ölvaður undir stýri

hrumur upp mun hrökkva senn
hress er þó við drykkju
gamli karlinn keyrir enn,
og kann á dekkjabykkju.

Brátt má finna forseta
í fræknum vesturheimi.
Sem þá mun fussa á fógeta,
er fíflin ná þingheimi.

Veit ekkert hvað ég á við með fógeta. Var að spá í að setja /sem þá mun fussa og freta/ en held að það sé ekki rétt stuðlun þar sem 'og freta' er einn bragliður og þá myndi Skabbi skamma mig.

Það er nær eingöngu á keðjuþráðum sem ég kem með athugasemdir varðandi bragfræði og ekki líta á það sem skammir, heldur leiðbeiningu... þú mátt alveg yrkja vitlaust á þráðum sem þessum... það er þó ekki til sóma og yrði hugsanlega tekið upp í skólastofunni ef alvarlegt væri talið...

Ég geri það nú ekki heldur, ég er mjög ánægður að fá athugasemdir við illa ortar vísur. Ég vill helst fækka þeim. (Þó að aðeins of oft séu þetta fljótfærnisvillur sem komast mætti hjá.)

Kannski ekki alveg frétt, en næstum því.

Í morgunútvarpinu á Rás 2 er á föstudögum talað við Arnar Tómasson, þann mæta tískuspekúlant, og í dag ræddi hann meðal annars um "stuðning" við ýmsa líkamshluta karlmanna. Hann notaði þá þetta orð sem vísan hefst á í nýrri merkingu, a.m.k. fyrir mig:

Fermingarbróðirinn fær orðið púða
svo fái hann dömurnar litið.
Og marflatar kinnarnar karlarnir dúða,
svo konurnar missa nær vitið.

Hefurðu aldrei heyrt þetta?

Fermingarbróðir, biskupinn,
besti vinur, jafngamall,
leggðu nú hönd á hrjúfa kinn,
hefjum sódó drullumall.

‹Hrökklast aftur á bak og hrasar við›

‹Brosir út að eyrum og lyftir báðum höndum upp fyrir höfuð til merkis um að sér hafi þótt þetta afskaplega fyndið›

Nei, ég hef aldrei orðið svo frægur.
Ég hef yfirleitt bara heyrt svona venjulegar eins og t.d.

Á Beinateig er breima flest,
ballar kvelur sýkin.
Hafa þennan heilsubrest,
Halla, kisa, tíkin.

http://www.mbl.is/mm/frettir/erlent/frett.html?nid=1233980

"Af með hausinn" æptu þeir,
"í einum snöggum rykk"
"Réttlætið mun rúst'onum,
römmum valda-gikk!"
Kallast þetta kannske bara
Kosningatrikk?

Árnar komust í það feitt
eiga saman þunga birði
þeir nota hann sem númer eitt
náungann úr Hafnafrirði.

Íhald fari fjandans til,
með úrelt valda taflið.
Gerum vinir góðu skil
og glæðum Frjálslynt aflið.

Sjöhundruðfimmtíu’og eittþúsund eru
um það bil það sem ég reiknaði með.
Á Alþingi verð ég svo öldungis peru
ef inn þangað kemst eins og gæti nú SKEð.

Sjá frétt.

Góða veislu gjöra má úr gæðakjöti:
Krókódílar, krabbar, strútar.
Kokksi antilópum stútar.

Skötuselnum skal nú líka skutla á borðið.
Jólaveislu þessa þökkum,
þjóðlegheitin sýnum krökkum.

Sjá frétt.

Sviðin voru svaka góð
svelgdist fáum á.
Börnin urðu býsna fróð
er borgarstjórinn í sig tróð.

Sjá frétt.

Það verður fullt af fiski’og gæs
og frökkum byssumönnum.
Hálslón verður heldur næs,
er hreindýr þar við könnum.

Það rebba mun þó reynast hart
er rís upp lónið kalda.
Þó sárafuglar fljúgi vart,
þá frelsar vatnsins alda.

Sjá frétt.

Í framhaldi af nýjum metum Kára Stefánssonar og DeCode í taprekstri;

Gigtin hrjáir mjög oft menn,
margur þjáist krankur.
Kári skrár og skýrslur enn,
skoðar þrár, en blankur.

Hvað segið þið ,,ljóða-Skabbar" Baggalútíu, er þetta rétt kveðið og er hugsanlega hægt að kalla þetta hringhendu?‹Roðnar óseðlilega og blánar á víxl, horfir stjarfur á lyklaborðið með vaxandi skjálfta í fingrum, fótleggjum og öxlum. Sígur niður á gólf í vaxandi krampaflogum og veit ekki meir.›