Vér spilum prýðilega á knéfiðlu (cello) og höfum gert í á annan áratug. Vér gætum mögulega miðlað af reynzlu vorri á afar sanngjörnu verði, ef nokkru, en til slíks þyrfti hinn námsfúsi Gestapói að hafa samband í einkapósti svo hægt verði að stilla saman strengina.

Ég spila stundum á hljóðfæri.
‹Roðnar óstjórnlega og borar annarri stórutánni ofan í gólfið›

Einu sinni lærði ég og lék á fiðlu (ekki kné- þó), en svo sinnaðist mér við skólastjórann í tónlistarskólanum og strunsaði út og hef ekki snert fiðlu síðan. Var með fiðluna að láni frá tónlistarskólanum. ‹Snökktir hljóðlega›

Nú spila ég bara á blokkflautu.

Ég spilaði á gítar um hríð og hafði af því meira að segja atvinnu eitt sumarið (ah, 1993, rann ekki af mér í 5 mánuði). Aukinheldur að hafa atvinnu af því þá hafði ég einnig ánægju af því. Það tók síðan snöggan enda þegar ég sagaði af mér putta (langsum) fyrir þónokkrum árum síðan. Sökum taugaskemmda þá hef ég einungis spilað lítið síðan. Glamra þó aðeins ennþá.

Langsum? Húff.

Jamm. Læknirinn ætlaði aldrei að hætta að hlæja.

Hvernig fórstu að því að saga hann af langsum? ‹Klórar sér í höfðinu›

Ská frá fingurbroddi, aftur undir fyrstu kjúku og þá var hann laus. Einfalt, ef þú kannt það.

Piff, það er á ská.

Ekki þversum, það er á hreinu.

‹Fær gæsahúð og sest á hendurnar›

Ég kann að spila á skeiðar, panflautu, diggeridoo og kristalglös. Ekki vel á neitt þeirra, en samt eitthvað.

Hmm... hefði ekki veið hægt að tjasla þeim afsagaða á sem nýjum putta og gert þig að ótrúlega snjöllum gítarleikara...

Hann var nú saumaður aftur á, en sinar og fleira heyra sögunni til. Því er nokkuð erfitt að hafa rétta stjórn á honum, en það er nokkurnveginn frumskilyrði við gítarleik. En það hefði getað verið verra.

‹Lítur stórum augum á Rattata›

‹Lítur á eigin hægri hönd›

‹Lítur aftur á Rattata›

Jeminn! ‹Fellur í öngvit›

Sjáið hvað þér gerðuð, Rattati, nú verðum vér að reyna að vekja Rýtingu á ný.
‹Dæsir.›
‹Rótar því næzt í vösum sínum þar til súg finnur ilmsölt og ber þau upp að nefi Rýtingu.›
Ef hún vaknar eigi af þessa völdum erum vér hræddir um að ekkert muni gera það. Annars var leitt að heyra af afdrifum gítarferils yðar, Rattati, og eigið þér alla vora samúð. Þá verður eingöngu skemmtilegra að heyra yður spila á næzta fundi, er við verðum báðir viðstaddir.

Rýtingja rankar við sér, henni verður vart meint af.

Gítarferilinn hefur beðið minni hnekki en söngferilinn, verð ég að segja. Ég hóf upp raust mína í partýi fyrir nokkrum árum og meira að segja Megas fór að hlæja.

Þar hefir verið allkátt á hjalla. Vér skorum á yður að láta oss vita áður en þér hefjið upp raust yðar.