Það verður að endurlífga þennan þráð fyrir alla bókaorma á Gestapó.
Ég var að klára Death Note - bók 6, og er að byrja á The Killer's Guide to Iceland eftir Zane Radcliffe.
Svo langar mig að spyrja hvort einhverjir hafi lesið eftirfarandi bækur...
Their Eyes Were Watching God e. Zora Neale Hurston
Brave New World e. Aldous Huxley
Talking it Over e. Julian Barnes
... og með hverri þeirra þið mælið, ég hef tvær vikur til að lesa eina af þessum fyrir ensku 403.
Ég hlustaði á Brave new world með Iron Maiden; telst það með? Annars hef ég aðallega fengist við lestur barnabóka að undanförnu.
Tjah. Ég hef lesið Brave New World í það minnsta. Bókin var stirðbusalega skrifuð og ekkert sérlega góð þannig séð. Hins vegar er hún uppfull af all svakalegum hugmyndum og varpar fram skuggalegri dystópíu. Bókin og hugtök úr henni eru orðin það algeng að það verður að teljast afar gagnlegt að lesa hana.
Sem sagt, ekkert sérstök saga en ætti að fá þig til að hugsa vel og vandlega. Það er alltaf hollt.
Svo er náttúrulega minnst á Ísland í henni og verk höfundarins (Door of Perception) eru rótin að nafni hinnar skemmtilegu hljómsveitar Doors.
Væri ekki tilefni að færa þennan þarfa og góða þráð í Menningarhlutann?
Ég er að íhuga að fara að lesa Ólaf Jóhann Sigurðssson (þ.e. pabba bísnissrithöfundarins) þó ég hafi átt bágt með að fyrirgefa honum fyrir að hafa skrifað æluhvegjandi unglingarómaninn Vonbrigði jarðarinnar sem ég var skyldaður til að lesa á grunnskólaaldri. Las hins vegar smásögu eftir hann nokkrum árum síðar og sá að hann er líklega stórkostlegur stílisti. En nú er stundinn runnin upp.
Stendur upp og tekur Ólafsdoðrantinn úr hillunni
Brave New World e. Aldous Huxley
Þessa hef ég lesið. Þessa verða allir að lesa. Þessa keypti ég í Ameríkunni þegar ég gekk berserksgang í búð sem seldi notaðar bækur og hirti helming bókanna úr hillunum. Ég get lánað þér hana. Lestu hana.
Jæja, þá eru þrír búnir að mæla með Brave New World. Les hana þá, takk kærlega.
Er að lesa ,,Munkurinn sem seldi sportbílinn sinn". Ágætis bók þar á ferð, góð áminning fyrir okkur önnum kafna nútíma fólkið um að hægja stundum aðeins á okkur og leita inná við eftir ánægju og lífsfyllingu en ekki endilega út á við.
Ég er að lesa bók nr. 6 af Buddha e. Osamu Tezuka. Mikil snilld og ljómandi skemmtileg.
Svo lauk ég við The World According To Garp fyrir ca. viku síðan. Mæli með henni - ætla að sjá myndina við fyrsta tækifæri.
Las líka smávegis í Biochemistry eftir þá kumpána Garrett og Grishom í dag. Frekar torlesin og augljóst að höfundarnir taka sig alltof alvarlega. Hún fær þó plús fyrir að innihalda mikið af litmyndum.
Sökum skyndilegs atvinnuleysis þá hef ég ákveðið að taka 3 íslenskuáfanga og 1 söguáfanga eftir áramót í kvöldskóla til að öðlast stúdentspróf að loknu verknámi.
Hm. Ég er nýlokin við að lesa Óbærilegan léttleika tilverunnar eftir Milan Kundera, mæli eindregið með henni við alla sem ekki hafa lesið hana nú þegar. Einnig fannst mér Rokland eftir Hallgrím Helgason þrumugóð. Raunir Werthers unga eftir Goethe er stórskemmtileg, og ég er líka búin að vera að sökkva mér í (lélegar) enskar þýðingar á múmínálfabókunum eftir Tove Jansson.
Bækur sem ég er í þann mund að lesa;
Ivanhoe
Djöflar eftir Dostojevski
Sense and Sensibility eftir Jane Austen
Othello og Macbeth eftir Shakespeare
Ég las Draumalandið um daginn.
Ég er á móti virkjunum.
Ég er á móti álverum.
Ég er á móti framförum.
Ivanhoe? Er það ekki saga um Rússneska karlhóru?
Ég las Draumalandið um daginn.
Ég er á móti virkjunum.
Ég er á móti álverum.
Ég er á móti framförum.
Fannst Draumalandið einhverntíman?
Ég er ekki alveg viss um hvar þá er að finna, en eitt veit ég. Þeir eru á móti ofantöldum atriðum. Það gengur náttúrulega alls ekki!
Er um þessar mundir að lesa um Don Kíkóta og Snorra á Húsafelli.
Hvernig kemur þeim saman? Það var lítið um vindmillur á Húsafelli ef ég man rétt.
Nei Vamban, mig minnir að það afi verið "Ivanhuka, the frosted Gigolo"..