Nú fer að líða að seinnihlutanum... enn má þó henda inn vísur um umræðuefnin
1) Fastur liður: kynning á sjálfum sér
2) Bundnir og óbundnir stjórnmálaflokkar
3) Heimspeki haustsins
4) Matareitrun
5) Hálftóm eða hálffull glös
Svo ef menn hafa eitthvað merkilegt til málana að leggja að auki, þá er enn korter til stefnu...
Afsakið hvað ég kem seint
vinur allra vænstur er
vandar mál og letur
gramur aldrei gasprar hér
geri aðrir betur
Hálftómt er mitt andansbú,
er ég ljóta skarnið;
í fyrsta skipti fullt er nú
fyrsta glasabarnið.
Ég bíð enn eftir vísu um aukayrkisefnið, þ.e. sláturgerð sem hefur lengi fangað huga minn... ég er viss um að einhver getur komið með eina góða fyrir lokun...
Mættur, aðeins (alltof) seinn,
afsakið mig, vinir.
Öllu skárr´en ekki neinn
& allir hinir.
Já velkomnir Upprifinn og Z. Natan... heillaskáld... hvað segið þið svo um yrkisefnin?
Þegar gerist fúlt mitt fas
& friðlaus hugarstofan,
þá helli ég mér í hálftómt glas
& hálffullt þar á ofan.
þó bundnir saman bruni inn
og bjóði fáa kosti
mun öllu ráða um úrslitinn
aðstæður og losti
Þessar voru góðar... snillingar á ferð... þetta er búið að vera heljarinnar hagyrðingakvöld... kannske hefðu umræðuefnin mátt vera fjölbreittari og beittari... en ótrúlega flott unnið úr því kæru vinir... einhverjar lokavísur?
Hérna kveður andinn ör,
-arkar á skáldagrjóti.
Ég held á brott með bros á vör
frá bragyrðingamóti.
Takk fyrir mig og góða nótt.
Ætli bara inn í búr,
ekki brátt ég skreppi,
lifrarpylsu legg í súr,
líka blóðmörskeppi.
Glasið við mér blasir tómt
gereyðing er orðið
guðaveigum tapar prómt
niðrí eldhúsborðið
Dýrðarinnar dæmalaust
dásamlega kátur;
vetur, sumar, vor & haust
vill hann Skabbi slátur.
Glasið hálffullt helli ég og held að vörum.
Ekkert sýp og sest við borðið,
sé að hálftómt glasið er orðið.
Þakka góða sláturvísu frá Z. Natan... hressilegur að vanda... og glæsileg glasavísa Skammkell minn...
Af matareitrun:
Þar- nú kveljast mínir -mar,
& melt- í klessu -ingin;
-galinn er nú Znati, snar-
því snyr- er lokuð -tingin.
(Gömul vísa, reyndar...)
Sker ég lifur sker svo mör
Skal við rúgmjöl krauma.
Hræri saman hnoða ör
hnút ég keppinn sauma.
andans þró er þurrausinn
það er meira brasið
nú vantar í hasshausinn
hálfa og fulla glasið