Já velkomnir Offari og Ullargoði... mikil skáld nú þegar mætt... eru fleiri á svæðinu?

Og Loki mættur í þeim töluðu orðum... velkominn kæri vinur... glæsilega ort...

Nú veit ég ekki hvort menn hafa undirbúið sig að ráði, en eitt af yrkisefnunum var bundnir og óbundnir stjórnmálaflokkar... ef menn hafa skilið mig rétt, þá er ég að vísa í vinstri flokkana sem ætla að mæta nokkuð bundnir til kosninga í vor... hefur einhver skoðun á því?

Yrkisefnin í kvöld eru:
1) Fastur liður: kynning á sjálfum sér
2) Bundnir og óbundnir stjórnmálaflokkar
3) Heimspeki haustsins
4) Matareitrun
5) Hálftóm eða hálffull glös

Þingflokkarnir eru eins;
einskisnýtir froðusnakkar.
Vinna fólki mest til meins
meðalgreindir skólakrakkar.

Skammkell heiti, skíthæll og hér gestur,
þykist vita þett'og hitt,
þykist vera prestur.

Saman vilja sænga nú
Samfylkingin fær nú trú
á vini væna
vinstri græna
Fjörug verður sambúð sú.

Já velkominn Skammkell... stjórnmálaflokkarnir fá ekki háa einkunn hjá Ullargoða... ég gæti trúað Offara til að lauma á góðri vísu um málið... (og þar kom það)...

Maribo nú mættur er
á mölina er fluttur
Hárprúður, hnokinn og sver
og helst til stuttur

hehe velkominn Maribo... sé að það hefur einhver náð að draga þig hingað... hafa einhverjir fleiri góð orð um stjórnmálaflokkana...

Haustið er komið, hrútarnir dansa,
hressir um tanga,
rasa um túnin, rollur til vansa,
réttirnar fanga

Hefur einhver heimspekilega vísu um haustið... Ég átti víst ekki að yrkja, en ég stóðst ekki mátið í þögninni

Hnýta Grímur vísast vill
vinstri mittislindann.
Hugsjónin er hreint ei ill;
haldur leiði blindann.

Blessað lambið, líttu á;
laga ég nú pækilinn.
Honum uppúr senn má sjá
sinn hvorn af þér hækilinn.

Smá um flokkana.

‹Hefur áhyggjur af því að vera ekki nógu hraðskældinn.›

Fram og aftur fylking sú
forðast hættur ekki.
Vinstri grænna von og trú
og vit fer ei í sekki.

Yfir kvöldsins stund og stað
streymir haustið blíða.
Gerum aldrei öðrum það;
að yrkja róg og níða.

Haustið núna húmar að
haustið okkur róar
Haustið já þú heldur það
haustið stundum snjóar.

Ég var heldur fljótur á mér... hér kom ein góð frá Loka um vinstri halla... og Skammkell kom með eina... engar áhyggjur, allir komast að, nægur er tíminn...

en haustið, tími réttanna, haustlitanna, berjatínslu og vindbelgings...

(og í þeim töluðu orðum kom haustflóð af vísum)

Bundinn var ég bændaflokk
bara af gömlum vana
Núna mun ég stíga á stokk
stjórnmálin að nýju plana

P.S Já ég elti ykkur hingað yfir, það var fátt um fína drætti hinumeginn

Loksins haustið lítur við,
lævíst skaut burt sumarið.
Kerling hraust þann hefur sið
að hefj'upp raust er eldar svið.