kyndin sú sem slátrað var
súr er nú á fati
hefði betur verið þar
sem geltir litli snati

Lund við höldum hressri, kátri,
hífum fas,
meður heilum haug af slátri
og hálffullt glas

Hehe... þetta er búið að vera stórkostlegt... ég veit ekki hversu strangur maður á að vera á tímann, en mér sýnist menn eiga nóg inni, framlengi hagyrðingakvöldið um 10 mínútur...

Ögmundurinn afundinn
æstur var'ann þarna.
Grimmur yfirgaf fundinn
gæðingur sá arna.

Síðustu forvöð

1) kynning á sjálfum sér
2) Bundnir og óbundnir stjórnmálaflokkar
3) Heimspeki haustsins
4) Matareitrun
5) Hálftóm eða hálffull glös
...og sláturgerð...

Gefur okkur auka stund
öðlingurin skabbi
Gefur okkur glaðan fund
gaut að okkur rabbi.

Ég get ekki ort neitt meir
né átt við leir.
Kveðju mína heimur heyr;
minn hróður deyr.

inn fór máltíð ósköp góð
og eðalvínin fínu
níður síðan allt það óð
úr undirgati mínu

Kæri vinur þakka þér
þennan góð kveðskap
Skál því nú ég skemmti mér
skálum núna allir hér.

speki um haustið heimtar þú
hún er nokkuð snúin
en það sem gerist sjáðu jú
að sumartíð er búin

Ómeti og ullabjakk
ömmur gamlar eta.
Innyfli og iðrasnakk
eg kann vel að meta.

Hehe...já, þá er komið að því...

Slít ég mótið, slæ í borðið,
slæ á vísnahríðir
hérna var full hresst víst orðið,
hittumst þó um síðir.

Þar með er hagyrðingamót kvöldsins lokið, þakka þeim sem tóku þátt og þeim sem fylgdust með...

Tilkynning um næsta stjórnanda kemur vonandi bráðlega...

Andskotinn og amma hans
aftur varð of seinn
Kveðskap býð ég kannski í dans
og kyrja alveg einn...

Ég hef skoðað þráðinn og hann virðist ekki ná upp þeim anda hallærislegheita sem gerir hagyrðingamót skemmtileg. Kveðskapurinn er fínn en það vantar hallærislegar gamansögur sem hagyrðingar eru með þegar þeir kveða sér máls og segja frá einhverjum asnalegum tilvikum og enda söguna sína þá á; þá varð mér þessi vísa að orði....(sem er einatt „pönsjlænið“ í „gamansögunni“).

Sem áhorfandi mæli ég með því að skáldin hafi einhverjar slíkar sögur og spaugelsi á takteinum fyrir hverja vísu. Þá kemst besti fílíngurinn í þetta. Það er alls ekkert skilyrði að sagan eða gamanmálin séu fyndin, þau verða gott ef ekki betri því verri sem þau eru, þó vissulega séu gerðar kröfur til vísunnar.

[orð að sönnu... ég hugsa að menn muni taka þetta innlegg til greina við næsta hagyrðingamót... Skabbi]

Skabbi hefur tilnefnt Z. Natan Ó. Jónatanz sem stjórnanda þriðja hagyrðingamóts Baggalútíu.

Fyrstu tvö mótin heppnuðust gríðarlega vel, sýnist mér, en ég hugsa að þriðja mótið muni toppa öll fyrri met.

Z. Natan mun tilkynna tímasetningu von bráðar, gæti ég trúað og yrkisefnin ættu að koma stuttu síðar.

...þá varð mér þessi vísa að orði:

Skabbi hann er skrýtinn gaur,
ég skjaldan vil því flíka.
Hefur sett á hús sitt staur,
hinum megin líka.

[Þakka þér Jóakim, en það er víst svo að þessi þráður á ekki að vera virkur nema rétt á þeim tíma sem hagyrðingamótið er og fyrir tilkynningar... Þú mætir næst...Skabbi]

Hérmeð kunngjörist að Hagyrðingamót, hið þriðja í röðinni, er fyrirhugað
mánudagskveldið 18.09. 2006, kl 22:00.
Nánari upplýsingar síðar - en þó fljótlega. Fyrir hönd nefndarinnar -