Sollinn vil ég sökkva í er sumrið kemur,
einn með þér, ef okkur semur.

Semur skáldið sálm sem á að syngja bráðum
um að fylgja fornum ráðum.

Ráðum nýja ríkisstjórn og rekum þessa.
Þá mun alvald okkur blessa.

Blessaður og býsna sæll, ég bjó þér veislu.
Brátt við hefjum harða neyslu.

Neysluvitund nærir kroppa núna fáa.
Við pylsuvagn ég veit um máfa.

Máfager á makrílveiðum má nú skoða.
Fara þeir sér víst að voða.

Voðalega vantar mikla visku núna.
Spyrja má úr spjörum frúna.

Frúna hef ég farið með á framhaldsnámskeið.
Þar hún lærði að þekkja tekskeið.

Teskeiðina tók og síðan tæmdi karið,
alveg þar til allt var farið.

Farið það var feykigott og fór um þorpið.
Máfar höfðu margir orpið.

Orpið hef ég eggjum sem og öðrum kúlum,
í barnaleikjum lítt svo fúlum.

Fúlar voru fregnir þær sem fékk í morgun
ólögmæt var beðju borgun

Borgun færð ef biður einhvern bleðlaríkan
nema finnir nískan slíkan.

Slíkan þrjót er sleppir því að slengja seðlum
svelgjast varl'á svöngum eðlum.

Eðlur klöppum kúra á með köldu blóði
hlaupa um ef hitnar slóði

Slóðinn minn er slappur nú minn slyngi vinur.
Í honum er einhver hvinur.

Hvinur i þér greyið góða, gómar runnu
Bylur hátt í tómri tunnu

Tunnu margri tekið hef ég tappann úr
og tæmt þó væri mysan súr.