Meðan Bölverkur huxar sig um, þá varpa ég fram einni fljótlegri.
Hvað hét faðir Gísla Súrssonar?
Söguhetjan eggjar bróður sinn að vega konung í Noregi, en konungur var djarftækur til kvenna. Það gengur allt eftir, en bróðir söguhetjunnar er reyndar drepinn eftir vígið. Söguhetjan fer til Íslands og var mikið við smíðar, enda mjög hög.
Hvað heitir Íslendinga sagan?
Nei Hlégestur! Ekki má spyrja úr ungfrúnni góðu og húsinu. Annað sleppur.
Er þetta nokkuð úr Egils sögu?
Ég hef svo sem ekki annað fyrir mér en það, að Egill var alltaf friðsamur á Íslandi og járnsmiður góður, en vargur hinn mesti þá er hann hélt utan.
Nei, þið eruð ekki á réttri leið.
Konungurinn sem veginn var var Sigurður slefa, sonur Gunnhildar konungamóður.
Er þetta nokkuð ein af fjölmörgum íslenskum slefberasögum, eftir Gróu á Leiti?
‹Grípur um kvið sér, leggst í fósturstellingu á jörðina og veltist um, emjandi af hlátri›
Söguhetjan eggjar bróður sinn að vega konung í Noregi, en konungur var djarftækur til kvenna. Það gengur allt eftir, en bróðir söguhetjunnar er reyndar drepinn eftir vígið. Söguhetjan fer til Íslands og var mikið við smíðar, enda mjög hög.
Mikið við smíðar ... þó ekki járnsmíðar ... hlýtur að vera Þórðar saga hreðu.
Þvílik tilviljun! Ég elska Mosu frænku og ástin mín hún Mosa átti kollgátuna.
Þórðar saga hreðu!
Þórður smíðaði skip og skála. Hefur enginn heyrt um Flatatungufjalirnar? Eða var það fjöl? Var Þórður bara við eina fjölina felldur?
En, mín kæra Mosa á leik.
Stórorðaður ertu, Bölverkur. En hér kemur næsta gátan.
Hetjan tekst á við bjarnardýr eitt, en kappinn er svo mikill heiðursmaður að hann kastar frá sér hjálmi, skildi og sverði til þess að vera birninum jafnbúinn. Hver er hetjan og hvaða sögu er um rætt?
Þorgeir Hávarsson og fóstbræðra?
Ekki er um þá sögu rætt.
Ég skal leita að vísbendingu handa ykkur.
Sjáum nú til. Hér kemur vísbending:
Hetjan er tiltölulega náskyldur Þorgeiri Ljósvetningagoða. Kappinn er tveimur björnum að bana, ekki einungis þeim ofannefnda sem hann fer svo kúrteislega við en líka merkilegum birni sem kann manns máli. Einnig er hann látinn glíma við blámann.
En í hvaða sögu gerist þetta allt saman?
Ekki minnist ég þess að slík undur og stórmerki hafi gerst í Þingeyjarsýslu, en fyrst þú nefnir Þorgeir, þá liggur beinast við að giska á Ljósvetningasögu.
Slík undur og stórmerki gerast oftast í útlöndunum, og þannig er það í þessu tilfelli líka. Söguhetjan vinnur þessi afrek í Hálogalandi. Sagan er e.t.v. fornaldarsöguleg á margan hátt, en hún er íslendingasaga og byrjar í Flateyjardal og við Jökulsá í dalnum.
það er nú orðið ansi langt síðan ég lá í sögunum en ætli þetta sé ekki Finnbogi Rammi í sinni sögu?
Hneit þar! Sagan er Finnboga saga ramma,. Gerðu svo vel, Upprifinn.
‹Bankar hjá Upprifnum›