Nú hvet ég alla þenkjandi menn, sérílagi lesendur Baggalúts, til að fylkja liði og berjast allir sem einn fyrir því að hér á Íslandi rísi opinber stjörnusambandsstöð.
Fyrsta skrefið er náttúrulega að hver einn og einasti gestur Baggalúts kynnir sér kenningar Dr. Helga Pjeturs - einkum <a href="http://gegnir.is/F/BEQ4VIU4ID46JIPTXX19T8RXQ4FEJEJCJ34MK98ANLSQSD121F-76992?func=full-set-set&set_number=179927&set_entry=000001&format=999">Nýal</a>

Þú veist hvað þú syngur, eins og alltaf. Fram, þjáðir menn..! ‹Gefur frá sér vellíðunarstunu›

Hvar kemst maður yfir kenningar Helga Pjeturs, þ.e. eitthvað annað en jarðfræðikenningar hans, sem urðu honum að falli hef ég heyrt ... hugsanlega var hann of djúpþenkjandi Dylan fyrir venjulega vísindamenn.

Á bókasöfnum er að finna ýmsan athyglisverðan fróðleik. Þar má t.d. finna bækur - jafnvel rit Dr. Helga Pjeturs, gott ef ekki téðan Nýal.

Af hverju opinbera stjörnusambandsstöð? Væri ekki sniðugra að halda landssöfnun fyrir slíku apparati í stað þess að hlusta á loforðalygar svikulla stjórnmálamanna? Þá væri hægt að reisa stöðina í mestu hægindum á næstu árum, svona eins og La Sagrada Familia eftir Gaudi í Barselónu. Slíkar byggingar eru ávallt elskaðar meira af almúganum en enn einn opinber steypuklumpurinn. Gott ef jákvæðar heilabylgjur fólks til stjörnusambandsstöðvarinnar gætu ekki bætt næmnisskilyrði stöðvarinnar talsvert. Það er jú sannað jónunarsvið kóbalts örvast er það varður fyrir jákvæðum deltarafsegulbylgjum er koma frá hlýlegum hugsunum einstaklinga.

‹klórar sér í höfðinu› Þó að vissulega megi færa rök fyrir því að einkaaðilar gætu staðið myndarlega undir byggingu og rekstri stjörnusambandsstöðvar þá er ég á þeirri skoðun að slík stöð þyrfti að vera í eigu landsmanna allraog einnig sé tryggt að svo verði um alla framtíð. Það er ljóst að jafn arðvænlegt fyrirtæki og stjörnusambandsstöð yrði eftirsótt á meðal kvótagreifa, rússneskra bjórkónga, tískudruslubúðaeigenda að sunnan og hógværa gaursins sem spilar á hljómborð í Nýdönsk. Þessir hrægammar myndu á fáum misserum drottna yfir einkarekinni stjörnusambandsstöð og mannkyn allt myndi þurfa að búa við fákeppni á sviði samskipta við fjarlægar lífstjörnur. ‹Gefur frá sér vellíðunarstunu›

Í öllum bænum farið nú ekki að klambra upp einhverri Stjörnusambandsstöð, hugsið um afleiðingarnar, höfum við ekki brennt okkur nógu oft. Ég man eftir þeim sem töldu það góða hugmynd að koma á talsíma og sjáum bara hverju það hefur valdið og ég ætla ekki einu sinni að byrja að ræða um "Internetið" og afleiðingar þess.
Ég held það sé kominn tími til að leggja, í eitt skipti fyrir öll, blátt bann við slíku brjálæði að byggja stjörnusambandsstöð. Eitt samtal getur tekið fleiri ár og jafnvel áratugi sökum gríðarlegra vegalengda, og hver hefur efni á að borga fyrir svo langt samtal? Ekki landssjóður, það er víst!

__________________________________________________
"ÚltraKóbalt á diskinn minn"

Neinei gestur minn ég tel að það sé engin ástæða til að óttast gráðuga kapítalista enda lítið annað en fortivni um veður á öðrum plánetum sem drífur áfram þránna eftir stjörnusambandsstöð. Ég var að tala um að haldin yrði landssöfnun og úr því yrði væntanlega gerð sjálfseignastofnun undir verndarvæng forseta lýðveldisins. Þar yrðu kosnir í stjórn einungis vitrustu og hæfustu menn á sviði stjarnfræða, án efa myndu nokkrir í ritstjórn baggalúts verða svotil sjálfkjörnir í stjórn, t.a.m. eldhuginn Númi Fannsker sem hefur linnulaust barist fyrir byggingu stjörnusambandsstöðvar hér á landi.

Svo má ekki gleyma því að geimverurnar hafa líklega yfir nauðsynlegri vitneskju að búa svo að við getum komist á næsta stig jarðlífsþróunar.

Það eru nú til fleiri en einn nýjall eftir Helga Péturs s.s. sannnýall framnýall ofl plús það að það eru nokkrar sambandsstöðvar á Íslandi sem eru í gangi.

Aha! Loksins einhver með viti.

Þakka þér

Þetta er gaman að sjá - Atli Hraunfjörð hefur lengi verði ötull baráttumaður fyrir byggingu opinberrar stjörnusambandsstöðvar.

Kæri Númi.
Það eru liðnar margar, margar vikur síðan Stjörnusambandsstöð Íslands reis í Vatnsmýrinni. Hún er reyndar rekin af geimveru um þessar mundir en það er aðeins þar til búið er að þjálfa upp íslenska geimfara til að taka við stjórn stöðvarinnar. Mér skilst að það gangi bara vel að þjálfa upp nýliðana, þó reyndar séu menn eitthvað að flaska á geimverska hreimnum sem er jú nauðsynlegur til að eiga samskipti við aðrar geimverur. Annars er alltaf verið að fækka áhöfninni þar sem stöðin er ekki farin að reka sig sem skildi. Yfirveran er samt bjartsýn og segir að allt sé í sómanum. Það er jafnvel verið að tala um að stofna körfuboltalið innan sambandsins, svona til að hressa upp á annars góðan móralinn.
Þeir sem hafa áhuga á að taka þátt í skemtilegu verkefni á alheimsvísu, mæti í viðtal á íslenskum skrifstofutíma að Sturlugötu 8, 101 Reykjavík, fyrir árið 2033.

Atli Hraunfjörð er maður vitinn um flestar hliðar nýalins og hver veit nama hann komi ér að spjalla ef ég bið hann um það.

samkvæmt útreikningum ættu jákvæðar deltarafsegulbylgjur Þórólfs borgarstjóra eins að geta séð einni stjörnusambandsstöð fyrir nógu góðum næmnisskilyrðum. Þarf bara að segja manninum að þetta sé allt fyrir fatlaða fólkið.

Það væri sannur heiður ef Atli Hraunfjörð sæi sér fært að taka saman dulítinn pistil um helstu atriði nýals - og þýðingu stjörnusambandsstöðva fyrir okkur sem tilheyrum þessu jarðlífi.

Því mun ég skila og það mun ekki líða á löngu þar til þið munið sjá Atla Hraunfjörð tengjast inná Baggalútur. ‹Starir þegjandi út í loftið›