Seljan netasokkabuxna sat við barinn.
Blíðuhótin bragna ærin
buðust, þó var fáleg mærin.
Mærin fögur mærðarleg og mild í fasi
Sjaldan hef ég fagnað flasi
finnst á henni-of mikill asi
As er tónn, svo tilvalinn & tær að heyra.
As- er bestur allra dúra,
as-moll hljómar con bravura.
Siffi kallast sótt er Hlebba sárum veldur
Djöflinum er dóninn seldur
drullusokkur löngu geldur.
Partitúrinn; písofkeik með paste & copy.
Ekki vil ég vera sloppí;
vista allt á ROM & floppí.
Floppi verkið illa, ekki æmta tjóir,
ekki ku allt gull sem glóir,
gróa aðeins hagar frjóir.
Frjóir eru flestir hér í forða orða.
Eftir reglum þau skal skorða
skyldu tel ég dóp að borða.
Frjóir menn hér fögrum orðum fara mikinn.
Aldrei fara yfir strikin,
andans munda sæðisprikin.
Prikin upp í pípuboru plebbar setja,
Ekki hafa vit að vitja,
vilja nú á hvolfi sitja.
Sitjum hér við sama borð og sötrum lygi
hver úr annars drykkjudýi
deigu, feigu heilaslýi.
Slýið kúpu, slátur höfuðs, slef úr nefi.
Stend ég æ í þessu þrefi,
þrútinn er af slæmu kvefi.