Hundur sá hefur reynst höldum vá;
Undan henni ýtar hvá,
ærslafull hún bítur þá.

Heyrðu mig nú Grámann. Bragliðafjöldi í fyrstu línu sýnist mér út úr kú og svo hélstu ekki keðju.

Bragliða fjöldi er réttur 6-4-4
En ég viðurkenni að hafa rofið keðjuna, afsakið innilega.

Ég fæ ekki séð hvernig þú skiptir því?

Hundur sá/ hefur reynst/ höldum vá... þarna er hver bragliður 3 atkvæði. 3 bragliðir

Hundur/ sá he/fur reynst/ höldum /vá ... þarna er hver bragliður 2 atkvæði og línan stýfð... alveg úti að skíta og ekki 6 bragliðir.

Mín mistök. Verða að gera bragarbót á þessu við fyrsta tækifæri.

Hér geturðu lesið um braghendu og hér um bragliði.

Halaklippt er hendan bragsins held ég bara
held þú ættir heim að fara
hljótt og reyna tölur para.

Halaklippt er hendan bragsins held ég bara Getur þú sýnt mér hvernig þú skiptir þessu í 6 bragliði?

Ég skal:

Hala / klippt er / hendan / bragsins / held ég / bara

Takk

Parasetan pörukjöt og pörin sjúku.
Er allt rugl í orðsins lúku,
endar það í himnafjúku.

Fjúka stökur millum manna miður góðar.
Villur braginn leiðar lýta,
landinn virðist úti' að skíta.

Skíta á sig skáldin mörg og skyri sletta,
upp þeir síðan ermar bretta
og yrkja kvæði líkt og þetta.

Þessi kvæði þraut víst erfið þykir mörgum.
Kroppið sé hjá vísnavörgum,
víst þá stirðnar geð hjá örgum.

Örg og bitur engist, hjartað órótt, lítið.
Þín er kvölin, þitt er valið,
þitt að temja hjartað kvalið.

Kvalin varla konan er af karlmannsskorti.
Stökur geysigóðar orti
gleymdi sér í vísnasporti.

Vísnasportið, spil & leikir spekinganna,
höfðar oftast miklu minna
til meirihlutans (allra hinna).

Hinna sem að hagyrðinga hafa ei snilli,
á súlustöðum dreymir dilli-
dömur sinna fóta milli.