— GESTAPÓ —
 • Svara • Vitna í •  Senda skilaboð Senda póst
Ég sjálfur 28/9/05 21:59

Ég var enda við að horfa á auglýsingu. Ég nenni ekki að lýsa henni, en hún fjallar a.m.k. um útblástur úr bílum, þið hljótið að sjá hana. Hvað um það. Auglýsingin endar á orðunum „Virkjum okkur“.
Þá fékk ég hugmynd. Hvernig væri nú að virkja okkur? Virkja mannslíkamann á sama hátt og er svo vinsæll hérna á Íslandi. Blóðfallsvirkun nefninlega.
Aðferðin er í rauninni mjög einföld. Örhverflum væri komið fyrir í öllum helstu æðum, s.s. ósæðinni og stærstu slagæðum, og svo mundi blóðflæðið, knúið af hjartanu, snúa hverflunum og framleiða þar með rafmagn. Rafmagnið væri svo leitt í litla orkustöð þar sem hægra nýrað er nú (fólk kemst alveg af með eitt) og þar er raforkunni annaðhvort safnað saman, sé hún ekki notuð strax, eða hún notuð til að auka afköst líkamans.
Ég hugsa að hægt væri að koma fyrir u.þ.b. 6 (hugsanlega 7 eða 8) frekar stórum (á örmælikvarða) hverflum í ósæðinni sjálfri auk 10 annarra minni víðsvegar um líkamann. Samanlögð raforka miðað við meðalframleiðslu á dag ætti að vera sem nemur meðalraforkunotkun í súdönsku þorpi á einum áratug. Auðvitað er hægt að auka framleiðslu með því að hækka púlsinn.
Kostirnir við þetta eru augljósir, afköst líkamans stóraukast, fólk þarf minni hvíld þar sem það getur keyrt á uppsafnaðri raforku og svo er hægt að koma fyrir ýmiskonar rafbúnaði í líkamanum til að auka skilvirkni, skerpa hugsanir, bæta minni o.s.frv. Auk þess gæti feitt fólk notast heldur við raforkuna og borðað minna, raforkan safnast ekki saman í formi aukakílóa.
Kostnaður við að fá blóðfallsvirkajnir í sig fer eftir hversu margar virkjanir viðkomandi vill og hversu öflugar eða góðar virkjanirnar eiga að vera. Ég efast samt um að kostnaðurinn verði óhóflegur.

Sönnun lokið.
 • Svara • Vitna í •  Senda skilaboð Senda póst
Krókur 29/9/05 09:56

Eiga framleiðendur myndanna um Fylkið (e. The Matrix) ekki patentið á þessari hugmynd?

Kannski, já ...bara
 • Svara • Vitna í •  Senda skilaboð Senda póst
Hakuchi 29/9/05 13:57

Þetta er prýðisgóð hugmynd.

Fylkisskaparar eiga ekki patent á nokkrum sköpuðum hlut. Öll sú mynd var bútasaumur frá öðrum rótum. Fín mynd samt (sú fyrsta þ.e.).

 • Svara • Vitna í •  Senda skilaboð Senda póst
Ég sjálfur 29/9/05 13:58

Viðbót:
Einnig er í þróum örvindmyllur sem komið væri fyrir í öndunarveginum. Þær væru fáanlegar með hinu fyrir smá auka þóknun. Hugmyndin er enn á teikniborðinu en rafmagnsframleiðslan yrði e.t.v. 5% af heildarframleiðslu blóðfallsvirkjannana, þ.e.a.s. ef 20 slíkum væri komið fyrir tvöfaldast raforkuframleiðsla líkamans.

Sönnun lokið.
 • Svara • Vitna í •  Senda skilaboð Senda póst
Krókur 29/9/05 14:24

Mér finnst þetta stórgóð hugmynd. Ég hef líka heyrt að hægt sé að virkja augnblikk, þó svo að þeir séu ekki ennþá búnir að leysa þann leiðindavanda sem er smá augnstuð í hvert skipti sem horft er til hægri. (Sumum finnst það reyndar ágætt.)

Kannski, já ...bara
 • Svara • Vitna í •  Senda skilaboð Senda póst
Ég sjálfur 29/9/05 14:31

Raforkuna er líka hægt að nota utan líkamans. Einhverstaðar sá ég að það ættu að koma rafvædd föt innan skamms sem gætu hlaðið raftækin þín eða innihaldið þau.
Sú hugmynd er vitanlega bara fyrir hugmyndasnauða.
Hladdu heldur símann þinn með rafmagni sem þú framleiðir sjálfur! Það er líka meira til að styrkja sambandið þitt við raftækin, meiri kærleikur. Að hlaða raftæki með rafmagni úr sjálfum sér er eins og móðir sem gefur barninu sínu brjóstamjólk.
Eða eitthvað þannig...
‹Starir þegjandi út í loftið›

Sönnun lokið.
GESTUR
 • Svara • Vitna í • 
Úlfamaðurinn 25/5/06 00:24

Glæpur að styðja virkjanaframkvæmdir eftir 10 ár.

Í framtíðinni verða virkjanir litnar hornauga og rekstur þeirra álitinn glæpur. Farið verður með þá sem vildu koma Kárahnjúkavirkjun fyrir úti í rassgati við Kárahnjúka sem hryðjuverkamenn og þeir dæmdir í lífstíðarfangelsi skv. lögum um hryðjuverk sem framin eru á landsvísu. Í dag er þetta þegar byrjað að gerast. Áður fyrr voru virkjanasinnar í meirihluta. Við áttum Alþingi, Þingvöll og þurftum ekki einu sinni að spyrja um Kárahnjúka. Nú á Alþingi sig ekki sjálft lengur og þá er bara spurning hvenær við gerum tilkall til þess. Í dag vilja virkjanasinnar sem vilja hafa virkjun í Helguvík lauma oggolitlum skilaboðum um hvað þeim lýst vel á framkvæmdirnar í Morgunblaðinu, og Morgunblaðið tekur skilaboðunum ekki einu sinni fagnandi. Menn óttast að vera settir á geðsjúkrastofnanir fyrir að nefna orðið ´virkjun´. Vinstri Grænir tala um ´aluminianity´, áltrú. Halldór Ásgrímsson hlær, og glottir, og spyr áltrú?
Hvað gerist? Búmmbúmm! Enginn meiri Framsóknarflokkur. Enginn meiri Halldór. Davíð verður að bjarga málunum og fer að tala um brotthvarf orrustuþotnanna og reynir að hafa í hótunum við Bush og Conzolizzu Rice sem er skít, drullu sama. Conzolissa er hrifnari af Geir H. Haarde og finnst hann ekki jafn veitur og vitlaus. Hún hefur aldrei heyrt Jóns Ásgeirs Jóhannessonar getið. Eins og við sjáum þorir fólk vart að nefna hugtakið ´virkjun´lengur. Þeir sem tala mest um virkjanir í dag, þ.e. við sem erum á móti þeim, eru ýmisst fangelsaðir eða yfirheyrðir, þeir sem tala minnst, þ.e. þeir sem eru með þeim, eru hrópaðir og lofaðir og allelújaðir í tímaritum eins og Foreign Affairs og Chronicle og The Economist. Nú kaupir enginn Íslendingur Foreign Affairs lengur. Oftast eru 10 eintök eftir af Morgunblaðinu sem þarf að geyma í Krambúðinni þegar dagurinn er búinn.
Þetta er framtíðin, eftir 10 ár, ef einhver minnist á að fara að virkja á Þingvöllum eða við Almannagjá eða við Úlfljótsvatn er viðkomandi bolaður niður, fangelsaður og jafnvel lýstur sem hryðjuverkamaður. Allt gengur út á í dag að breiða yfir sannleikann um afleiðingar virkjanaframkvæmda. Á morgunn verða þær allar komnar í ljós hvort sem álrisunum líkar það betur eða verr, og þá er að gera eins og ég gerði í einum drauma minna, breyta sér í myndarlegan hvítháf, og bíta stóra hvítháfinn á tálknin, og þá getur hann ekki andað lengur og fellur til botns. Svo einfalt er það. Við erum orðin hluti af veröld, þar sem virkjanir skipta ekki lengur máli, ekki einu sinni sólarorkuvirkjanir. Virkjanasinnar fá ekki lengur vinnu (flestir sem vinna við Kárahnjúka eru Ítalir sem eru á móti Berlusconi). Þeir sem reka virkjanirnar vita þetta og eru bara að fela sig fyrir lögfræðingum erlendis sem bíða eftir rétta færinu til að fella þá.
Í framtíðinni ef einhver sem kaus Sjálfstæðisflokkinn á þessu ári fer að spyrjast til vegar þá forðast allir viðkomandi af ótta við að allt land deyji í kringum hann eða hana í leiðinni. Tré munu vaxa á stöðum þar sem tré hafa aldrei vaxið áður. Fyrir rúmum 100 árum síðan trúði enginn að einn góðann veðurdag yrði jafnvel Morgunblaðið að viðurkenna að Framsóknarflokkurinn væri dauður. Nú trúir flokkurinn ekki lengur sjálfur á eigin tilvist, og lætur kalla sig B - listann. En jafnvel það dugar ekki, hvort sem hann héti Æ & Ó listinn eða Virkjanalistinn, þá myndi enginn kjósa hann. Virkjanasinninn í dag er orðinn að tákni vitleysingsins sem veit ekkert hvað er að gerast í samfélaginu. þess sem eyðir öllum sólahringnum fyrir framan sjónvarpið og horfir einungis á íþróttir eða les eitthvað um Eurovision og búið. Fólk á bara eftir að segja að það sé búið að tala svo mikið um Kárahnjúkavirkjun og Sjálfstæðisflokkinn, að það verður ekki talað um það aftur eftir næstu kosningar, nema af einhverjum bullukollum sem vilja auglýsa sig í þjóðfélaginu fyrir eintóman bjánaskap.
Áhugaverð er sú óumdeilanlega, óafneitanlega staðreynd að bókstafurinn ´D´, listabókstafur D - listans, stendur einmitt fyrir íslenska orðið dauði. Fyrirbæri sem hefur aldrei verið til sem slíkt neins staðar en sem allir kannast við engu að síður úr goðsögunum.
Í dag eru virkjanasinnar kallaðir öllum mögulegum illum nöfnum. Á morgun verða þeir skráðir eða dæmdir glæpamenn og hafðir í fangelsum og farið með þá eins og forherta hryðjuverkamenn. Já, ´virkjum okkur´verður slagorð sem breiðist út um land allt. Virkjun landsins og ímynd Íslands í augum ferðamanna og okkur sjálfum sem þjóð, er nú þegar orðið aðal umræðuefnið í okkar þjóðfélagi næst á eftir umræðunni um kjör aldraðra og öryrkja.

kær kveðja,

Ásgeir Valur,

matrixs@i.is

» Gestapó   » Vísindaakademía Baggalúts   » Hvað er nýtt?
Innskráning:
Viðurnefni:
Aðgangsorð: