... DV er að bulla um Þrótt í íþróttabls. orð Hlyns eru tekin úr samhengi og er þessi orð tekin úr eldgömlum þræði á spjallborði Þróttar.

Bauv

Æ, Þróttur. Það lið hefði bara átt að halda sig við blakið.

Og handboltann.

DV er einfaldlega neðar heldur en allt það rusl og sorp sem í heiminum er.
Ég myndi ekki skeina mér á þessu blaði.
Ég hata það og hananú.

Já bauv mitt. Þú átt aldrei að æsa þig yfir DV, allt sem þar birtist eru lygar skrifaðar af öfundsjúku pakki með sálræn vandamál.

Ég get þó alltaf þakkað Þrótti fyrir að eiga nokkurn þátt í fótboltaáhugaleysinu mínu. Í bernsku var þetta hverfisliðið mitt og það var svo ótrúlega lélegt (einhvers staðar í 4. eða 5. deild) að enginn hafði áhuga á fótbolta í hverfinu. Hefði ég búið á svæði vel heppnaðs fótboltafélags, hefði heilaþvottaráróðursfasistaungmennafótboltafélagsarmurinn hæglega geta náð mér og plantað í mig, á sinn illa hátt, með félagsþrýstingi og andlegu ofbeldi, draumórum um að geta eitthvað í fótbotla svo maður gæti kannski orðið eins og einhver fótboltakempann sem þeir forrita mann til að dýrka og ég orðið fyrir vikið forfallinn stofufótboltasjúklingur með ekkert líf annað en besservissspekúleringar um boltann, króníska þörf fyrir smilljón rásir til að missa ekki af einni einustu tuðru með tilheyrandi fjárhagsvandræðum, vanrækjandi konuna sem fer síðar að halda fram hjá manni með yngri manni og veika von um að geta kvalið væntanleg börn mín með því að upplifa brostna fótboltadrauma mína í gengum þau með því að troða þeim í fótboltakúgandi æfingar endalaust svo ég gæti froðufellt fullur á krakkamótum og lent í slagsmálum við annan eins ræfilsföður með sömu brostnu fótboltadraumana og sófaíþróttaambísjónirnar.

Guð blessi Þrótt. Megi hann sökka að eilífu.

Skál!xT

heilaþvottaáróðursfasistaungmennafótboltaarmurinn. Ég verð örugglega lengi að skilja þetta orð, gott er það. Hlýtur að vera lengsta orð í nútíma íslensku.

Úbbs, það átti að vera heilaþvottaáróðursfasistaungmennafótboltafélagsarmurinn, ekki heilaþvottaáróðursfasistaungmennafótboltaarmurinn. Ég hef þegar leiðrétt það í upphaflegu innleggi.

Ég tel það nokkuð ljóst að Hakuchi hefði aldrei orðið jafn hagmæll hefði hann búið í 101 Reykjavík er hann óx úr grasi.

Hann væri eflaust málhaltur froðusnakkur er gæti nefnt alla leikmenn ensku deildarinnar með nafni en samt ekki munað afmælisdag móður sinnar.

Fari allir slíkir menn til andskotans.

Til þeirra kvenna er glepjast af þessar knattspyrnuþvælu:
Þið eigið að vita betur!

Þróttur? Keyra þeir ekki vörubíla? Það er rétt hjá þér Bauv að saurga ekki á þér rassgatið með DV:

Vímus mælti: Þróttur? Keyra þeir ekki vörubíla?.

Vissulega, á daginn. En á kvöldin á tekur leikgleðin völdin og þreytan rennur brott úr bílstjórabúknum með því að hlaupið er á eftir knetti og menn tæklaðir aftan frá. Heilbrigð sál, hraustur líkami, work hard, play hard.

Sama á við um KR, það eru í raun starfsmenn Kaupfélags Rangæinga sem þar elta knöttinn, enda lítið að gera í kaupfélaginu nú orðið. Valur, það eru starfsmenn í sósugerð (sbr. Valstómatsósa). Fram hét áður Fótboltafélagið Kári og í samræmi við það keypti DeCode félagið á sínum tíma svo Kári Stefánsson og fleiri vísindamenn fyrirtækisins gætu tekið sér hlé frá raðgreiningum og skellt sér í fótbolta. Víkingur, það eru starfsmenn Viking-brugg (skýrir frammistöðuna á vellinum), ÍA það eru Íslenskir Aðalverktakar, KA eru starfsmenn Kea á Akureyri, Þór eru starfsmenn Akureyrarútibús Véladeildar Þórs, FH það er Frjálshyggjufélag Helgafellssveitar o.s.frv.