Hefur þráðurinn ekki verið rofinn?
Strunsar út af sviðinu og skellir á eftir sér
Þráðinn rauf ég klaufinn kargi
kunni gaufið ei að meta.
Hátt nú baular aulinn argi
er sá stauli enn að freta.
Meðan þið framsóknarmennirnið deilið þá yrki ég hér eina vísu til að halda þræðinum...
Menn hér æpa, kvígur kæpa
kastast ræpa andans
Hvít sem næpa hjartað tæpa
hér er glæpur fjandans.
Fjanda kól er fór burt sól
fann ég tól á götu.
Fyrir jól Maja fann sér ból
frelsara ól í jötu.
Jötu mátt' í leggjast lágt
liggðu sáttur, hundur.
Segðu fátt, því seint um nátt
sígur brátt á blundur.
Blundar maður bítur tað
batnar svaðið ekki
Furðu glaður fer í bað
flæktur traðar dekki
Dekkað borð í daga forðum
draumsýn orða kvelur.
Héluð storð í heljarskorðum
hungurmorða dvelur.
...bara að prófa, mitt fyrsta verk á vefnum góða...
Roðnar óstjórnlega og borar annarri stórutánni ofan í gólfið
Þetta var reglulega vel kveðið, enganveginn tilað roðna óstjórnlega yfir...
Velkominn Láki, komdu fagnandi, & láttu meira að þér kveða!
Dveljum öll í draumahöll
með dvergum, tröllum, álfum.
Handan við sköll & hávær köll
hugarvöllinn þjálfum.
Þjálfum okkar kæra kokk,
karlinn skokkar hér
með sinn nokkuð fríða flokk
í flottum sokkum er.
Er hann þessi mjög svo í messi
minning blessun rak
Þegar Bessi´ann stakk í stressi
steggur vessum lak
Lak úr hundi langa stund
lá og stundi nokkuð
rann og hrund'um hvítan brund
hljómsveit drundi rokkuð
Rokkuð nokkuð færðu flokk
fokking sjokking grúvið
þokkuð brokkið skóku skokk
skrokka lokkar krúvið
Krúvið rak upp heljar hvak
hrópar blakar öngum
lemsturs tak og leggst á bak
læknir slakar töngum
Töngum kleip í kerlu sleip
krumla Greips á Holti
Sveipuð reipi ´ún sat við keip
sæl með teip á skolti.
Skolti sneið með snarlega
snót af breiða sprotann.
Stunda veiðar varlega
ef vilt til reiðar nota'nn.
Afsakið!
Skolti sneið með snör um leið
snót af breiða sprotann.
Nornaveiða varast seið
ef vilt til reiðar nota'nn.
Not'ann vildi, nýttur skildi
nokkuð gildi hafð'ann
Háð'ann hildi, engin mildi
hátt rifrildi þold'ann
Þold'ann hark og þrususpark
þoldi slarkið drengur
Hann er þjarkur þolir snark
þannig arkar lengur