Viskí mér að vörum bar,
við mig sat á rabbi,
virkilega vænn og snar
virðist Barbapabbi.

‹Hugsar, Barbapabbi orti ekki í gær eins og hann átti að gera.›

Þetta er ljómandi góður þráður, hugsa að ég sendi inn vísu hér daglega... allavega ef ég er inni...

Bölverkinn ei bölva vil
bjó til góða þráðinn
Konu andlit kannske skil
karlmannsnafn ber snáðinn

Skabbi nefndur Skrumari
skárstur okkar allra
Þráða yfir þrumari
þræla undir hallra

Gott er oft að gjamma við
góða lagsmenn, spaka.
Drekka svo að dóna sið
dæsa eigi, vaka.

Fimmtudagur fundinn er
fyrri dagur liðinn
flandrið búið heima hér
hef að kveða iðinn

Var utan raunvega vaðandi vegleysur kjötheima á degi miðrar viku, ella hefði ég orkt vísu dagsins í gær.... maður ætti kannski að stofna þráð 'vísa gærdagsins' fyrir þá sem forfallast.

Í tilefni af fréttum dagsins:

Í helikopter hengu þeir
og hugðust forðast slysið.
En höndum í varð allt að leir
og út í mó fór blysið.

Slokkna eldar, slekk ég senn
á slagverkshörpu reiðis.
En Alþingi er óbrennt enn.
Og Valhöll sömuleiðis.

Litlu börnin eru farin að gera do do strax í neðri bekkjum:

Litlir guttar gera hitt,
góðum stelpum spilla
því þær geyma gullið sitt
greinilega illa.

Þurrausinn ég þramma hér
og þori vart að mæla
Ekkert hef ég kvæðakver
klístruð er mín sæla

Sástu hana systur þína
sitja'á vömb og klippa gull
Dópuð, rugluð firrt og full,
- haftið sitt búin að brjóta og týna.

Þeir sendu Matador til meistarans.
Og monsjör Alfred tók á því sem gabbi.
Þið ættuð að hugsa meir til hans;
hallir byggði spilltur gamli Dabbi.

Þau eru fjölmörg þjóðfélagsins meinin.
Og þrif væri að losna Heims - við -dall.
Þótt Dabbi fari þráðar beint í steininn.
Hann þiggur meir en skitinn þúsundkall.

...

þó hann fari ekki yfir byrjunarreit!

Það er sagt að sólin heit
sé og stærri en Napólí.
Um það sjálfur ekkert veit,
en ég bara trúi því.

Ölur, teitur, ólmur skek
ílát, bleytu mynd á.
Uppi í sveit er alveg blek-
aður, beit er kind á

samdi þetta vel yfir miðnætti í gær í heitum potti, svo þá má þetta teljast vísa dagsins í dag.

laugardagsins ljúfa stund
líst mér vel á kvöldið
held ég finni heita sprund
þá hverfur brjóstahöldið

Best að láta það eftir fjölmörgum aðdáendum mínum að yrkja klámedíu.

Júgurbeltasvönnum sveið
svakalega núna
því ég grárri rollu reið
rétt við Hólmsárbrúna.

Vísa dagsins er djúpvitur blanda náttúru- og mannlýsinga.

"Göngutúr er mér um megn
meðan það er úti regn"
mælti eitt sinn góður, gegn,
gamall Suðurnesjaþegn.

„Samt ég áfram götu geng,
glaður og með bak í keng“
sagði hann við haltan dreng
og hysjaði upp buxnastreng.

Núna er ég alveg blek-
aður það er gaman
úr mér vísa óðar lek-
ur við drekkum saman

Ég er kolakyndari,
kvikindi og syndari,
fífl og fótómyndari
frægur barnahrindari.
[/img]