Þetta minnir oss meira á tímavjel ‹Ljómar upp›.

Sem fyrr má treysta á stöðuga framþróun vísindanna hér í akademíunni.

Sú hugmynd um hvort komast má út fyrir Gestapóið er verðug djúpra bollalegginga. Ég hafði leitt hugann að þessu nokkurn tíma og hvernig öruggast væri að tæta gat á Gestapóið fyrir könnunarfar án þess að eiga á hættu að himnahvelfingin brysti og steyptist yfir okkur.
Það dagaði svo upp fyrir mér á öðrum þræði Vísindaakademíunnar að lausnin lægi kannski nær okkur en mig hafði órað fyrir. Hvað ef leiðin út úr Gestapóinu liggur í raun inn úr því.
Eins og sumir kunna að hafa áttað sig á er ég hér að meina nýuppgötvað svarthol í klósettinu hjá honum Skabba.
Ég legg til að Sn0rkurinn verði smíðaður í agnarsmárri stærð (með kóbalthreyfli að sjálfsögðu) svo hægt sé að freista þess að senda hann niður svartholið hjá Skabba, vel má vera að nauðsynlegt reynist að nota kvarkatætarann til að opna leiðina eins og áður var minnst á.
Ef fyrsta könnunarferð reynist vel mun næsta skref vera að senda mannað far sömu leið. Sökum smæðar Sn0rksins yrðum við hinsvegar líklega að smækka fullvaxta manneskju til að hún kæmist fyrir í honum því jafnvel vel smurðum leðurdverg væri ekki hægt að troða í far af þessari smæð. Að öðrum kosti mættum við bregða á það ráð að í stað mannaðs fars gætum við sent strumpað far.
Skiljanlega hef ég nokkrar áhyggjur af því að téður strumpur myndi stela farinu eins og áður var nefnt eða að hann myndi jafnvel skadda Sn0rkinn með því að naga sundur leiðslur eða slíkt - mér datt þó í hug í því samhengi hvort við myndum ekki bara teipa hann áður en við træðum honum í Sn0rkinn.

‹Ljómar upp› Greinilegt er að klósett Skabba er lykillinn að flestum þeim vísindaframförum er verða munu í Baggalútíu í nánustu framtíð - geimskipum, tímavjelum, hugsanlega ferðalögum gegnum ormagöng o.m.fl., hugsanlega auk leiða til að losna við óæskilegar persónur. En óleyst eru þó vandamál vegna vondrar lyktar.

Kannski er klósettið hans svarthol.. eða hlið inn í aðra vídd!
Eða jafnvel tímavél! ‹Ljómar upp og niður á víxl›

Mætti ekki annars yfirstíga lyktarvandamálið með því að senda Gestapóa sem ekki býr yfir lyktarskyni á vettvang? Er slíkan að finna í röðum okkar? Sjálfur er ég einstaklega lyktnæmur og kúgast þegar svo lítið sem eitt stakt atóm af slæmri lykt fer inn fyrir vit mín.

Tjah.. tígrisdýr hafa mun næmara lyktaskyn en menn..
Finna strumpar lykt?

Þetta eru stórkostlegar hugmyndir Glúmur. Hið dularfulla Gustavsberg klósett Skabba er greinilega ekki allt sem það er séð.

Varðandi strumpinn, þá hef ég líka áhyggjur af hegðundarvandamálum. Ég legg til að hann verði settur í kóbalthjálm með mantrískum öndunarbúnaði. Þannig getum við stjórnað strumpinum með samblandi örbylgjusendinga og öndunarstjórnunar. Þá þarf bara að dáleiða hann og skilyrða til að mýkja fyrir stjórnunarskilaboðum úr örbylgjufjarstýringunni.

Ég get málað blöð spindilverpils veðurmaskínunnar rauð og hvít til skiptis og ætti snúningur þeirra að auðvelda ferð strumps í dáleiðsluástand.

Það mætti athuga það. Ég er nefnilega ekki viss um að svo sé. Ef strumpar reynast vera þefskynslausir, þá eru það enn frekari og sterk rök fyrir því að
best væri að senda Smábagga í umræddan rannsóknarleiðangur.

Getum við ekki bara sturtað honum niður?

..annars erum við nú með einn hérna sem er þjálfaður í því að vera sturtað niður..

‹Ranghvolfir augunum og þegir›

Er það eitthvað atriði hvort strumpar finni lykt?

Við verðum að hefja smíði Snorksins án tafar. Til þess að smíði geti hafist þurfum við eftirtalda hluti, og án vafa fleiri sem ég er að gleyma, eða hefur ekki dottið í hug að hafa á þessum lista.

øKóbalt, 5kg u.þ.b
øAgnarsmá rúðuþurrka.
øBarki, gjarnan úr látúni
øTríkóbalt-mæligrein

Að sjálfsögðu er margt fleira sem þarf til slíkrar völundarsmíðar, en þetta er í það minnsta byrjun. Ég skal hérmeð taka að mér smíði á framrúðu Snorksins, sem og uppsetningu á tríkóbalt-mæligreininni.

7---------------------7
/ /
/__________°
„Kóbaltmæligrein“

Ef einhver hefur yfir að ráða Tríkóbalt mæligrein skv. þessari teikningu er sá hinn sami beðinn um að hafa samband við undirritaðan.

Þó það sé kannski ómannað þarf það ekki að vera óstrumpað. Ég skal fara þangað, taka kannski nokkrar ljósmyndir og senda ykkur svo póstkort fyrir 'örlitlan' bónus í eftirlaunasjóð strumparáðuneytisins.

‹Blikkar sannfærandi›

Fyrsta útgáfa Snorksins er því miður tilbúin, og gert var ráð fyrir því að það yrði óstrumpað.
Ég hef setið sveittur við smíðar í alla nótt og vantar nú aðeins 2,5 kg af Kóbalti til þess að gangsetja tækið. Trí-Kóbalt mæligreinin er að vísu heimasmíðuð og ögn aflminni en sú sem ég hafði v0nast eftir, en það verður bara að hafa það fyrst enginn hefur boðist til að láta eina slíka renna til verkefnisins.

Nú þarf ég aftur á móti að fara í leiðangur, og væri því æskilegt að einhver setti kóbaltið í Snorkinn og sendi hann af stað.

Ó, já. Munið endilega að halda fast í látúnsbarkann, annar endi hans verður að verða eftir á Gestapó, því annars verður engin leið til þess að ná Snorknum aftur.

‹Setur flösku af ákavíti í vasann og röltir til suðurs út af þræðinum›

‹Lætur 2,5 kg af "ÚltraKóbalti" í Sn0rkinn›

‹horfir›

Enginn innskráður? ‹Fyllist skelfingu› Hvar voru allir? ‹Horfir grunsamlega í kringum sig að hætti Vlads›

‹Horfir í kringum sig af eftirvæntingu› Ætlar enginn að senda gripinn af stað, ég er farin að hafa áhyggjur af honum Skabba.

‹Sér Kóbalt fylltan Sn0rkinn ásamt leiðbeiningum›Hey, kúl græja.
‹Kippir í snúruna og í þriðju tilraun hrekkur kóbalthverfill Sn0rksins í gang› Magnað, þetta hlýtur svo að vera barkinn sem ég á að halda í. Best að dömpa þessu í klósettið.
‹Sn0rkurinn hverfur með blindandi glampa og rykkir í barkann›
NNnnnnggggh, ‹Togar af lífs og sálar kröftum í barkann› aaaaaaa, Hjálp!! HJÁLP!!!