Ég er lifandi sönnun þess

Kaþólska kirkjan var á sínum tíma hin alþjóðlega stofnun sem hélt tengslum við umheiminn opnum meðan konungsvaldið vildi ekki aðeins sölsa undir sig eignir kirkjunnar heldur einnig halda landinu í viðskiptalegri og menningarlegri einangrun. Lúterska kirkjuskipanin var himnasending fyrir konungsvaldið sem gekk síðan í það með oddi og egg að koma henni á hér á landi, með illu eða góðu..... aðallega illu.
Sú tilhögun hélt Íslandi lengur en annars hefði orðið undir erlendu konungsvaldi, lamaði þjóðarviljann og ól á fátækt og fáfræði.

Kaþólska kirkjan var ekkert nema alþjóðleg glæpastofnun sem kúgaði þegna sína andlega og peningalega. Syndalausnarbréfasala og rannsóknarpyntingar teljast varla fólki til góða.

Lúterskan hreinsaði oss frá slíkri kúgun andans og skattpíningu. Hún elfdi konungsvaldið, já, en styrking konungsvaldsins var lykilatriði til að brjótast út úr myrku miðaldaskipulagi lénsherranna. Lúterskan er líka frumglæðir kapítalismans, skv. Weber og ber því beina ábyrgð á velmegun þjóðarinnar á þessari og síðustu öld!

Þú hefur greinilega drukkið í þig "Kristni sögu" eftir dr. Jónas Gíslason í unglingaskóla, heilaþvegna óbermið þitt.
Er einhverjum greiði gerður með því að falsa sagnfræðilegar staðreyndir á þennan hátt? Já, þeim sem vilja enn halda fólki í vanvizku og fáfræði og koma sinni eigin "pólitísku rétthugsun" til skila undir yfirskini trúarbragða.
Ég finn til með þér, kæri Hakuchi, og velti því fyrir mér hvort þér sé viðbjargandi.

Voðalegur æsingur er þetta í ykkur strákar mínir.....
Reynið heldur að beina orku ykkar að málefnum sem skipta öllu máli fyrir mannkynið allt í nútíð og framtíð þ.e umræður á vísindavefnum um brjóstastærð, brjóstahaldara og nærfatatísku karlmanna. þar er tekist á um hluti sem raunverulega skipta máli og skilgreina okkur sem manneskjur!

Ég er nú ekki maður stórra orða. Eitt verð ég þó að segja: "Ugla, ég elska þig."

Ég elska alla! ‹Ljómar upp›

Ef ég segist elska ykkur öll, fæ ég þá að vera næsti Páfi?

Hóras fyrir Páfa! Hóras fyrir Páfa!
‹Veifar fánum›

Þetta var reglulega fallega sagt.
Ég get verið djéskoti sjarmerandi þegar ég reyni!

Ekki það að ég vilji mana Vatnar í orðaskak, en finnst honum ekki að kaþólskan sé nokkuð á eftir tíðarandanum þegar kemur að janfrétti kynjanna. Finnst honum ekki einkennilegt að kaþólska kirkjan hefur amast við dreyfingu á smokkum til fátækra í baráttu við alnæmi. Leiðréttu mig endilega ef ég er að bera þessa stofnun röngum sökum. Það er altalað að hinn nýji páfi sé afturhaldssamur og þvi liggur beint við að spyrja Vatnar í leiðinni, hvernig líst þér á hann?

‹Mætir aftur til leiks, vopnaður sverðum, framhlaðningum og með kyndil í hönd. ›

Hva? Er trúarbragðastríðinu lokið?

Skilgreindu tíðaranda. Tíðarandi er tízkan, það sem þykir við hæfi á hverjum tíma. Kirkjan er óháð tíma, hún byggir á ákveðnum ævagömlum forsendum sem fylgja ekki og eiga ekki að fylgja einhverjum tíðaranda. Tíðarandinn er hverfull.
Hvað varðar jafnrétti kynjanna þá hefur kaþólska kirkja einmitt staðið vörð um jafnrétti kynjanna þegar tíðarandinn hefur boðið kynjamismunun og kúgun. Það sem maður hefur heyrt og lesið um kúgun kvenna af völdum kirkjunnar í fjölmiðlum hér á landi undanfarna daga er með eindæmum og sýnir það eitt að þeir sem hér fara höndum um texta eru illa upplýstir og fullir fordóma. Athugum að kúgun kvenna er ekki eitthvað sem hefur viðgengist allt fram á vora daga. Á miðöldum var mun meira jafnræði með kynjunum en síðar varð. Einnig skulum við athuga að í þeim löndum sem gengu nýjum sið á hönd á 16. öld var algerlega lokað á möguleika kvenna til þess að starfa innan kirkju sinnar eða hafa nokkur áhrif í andlegum málum. Hjá kaþólskum hefur hins vegar alltaf verið rúm fyrir konur. Það má nefna að meðal stórkostlegustu andlegu leiðtoga allra tíma eru konur á borð við Katrínu frá Siena og Theresu frá Avila; þær fundu sér farveg innan kaþólsku kirkjunnar en innan mótmælendakirkna hefði þeim verið meinað að láta nokkuð til sín taka. Meðal valdamestu manna á Íslandi í sinni tíð voru abbadísir klaustranna.
Kaþólska kirkja gengur út frá því að konur og karlar eru engan veginn eins og ekki óeðlilegt að milli kynja sé einhver verkaskipting. Hinsvegar hefur kaþólska kirkjan aldrei litið öðru vísi á en að kynin séu jafn rétthá og að þegar Guð skapaði manninn þá skapaði hann manninn sem karl og k0nu. Karl og kona eru því jafnrétthá gagnvart Guði. Kaþólskir hafa alltaf litið svo á að fullkomnasta mannvera sköpunarverksins sé María guðsmóðir, það tókst mótmælendum að þegja í hel.
Hvað smokkana varðar þá hefu þessi umræða líka einkennst af mikilli þröngsýni hér uppi á Íslandi. Að mati kaþólsku kirkjunnar þá er það ekki lausn í sjálfu sér að dreifa bara smokkum. Það verður að leggja mun meiri áherzlu á það að ráðast að rót vandans þ.e. að fólk taki meiri ábyrgð á eigin kynlífi, öðru vísi verður ekki við snúið. Einnig finnst kirkjunni varasamur sá áróður sem hafður er uppi að sm0kkurinn sé 100% vörn. Í fyrsta lagi eru smitleiðir margar, í öðru lagi er ekkert 100% í þessum efnum og í þriðja lagi er sá áróður sem viðhafður hefur verið í smokkadreifingunni ekki líklegur til þess að hvetja fólk til þess að bera meiri ábyrgð á eigin kynlífi. Tekið skal fram að kaþólsku kirkjunni þykir ekki óeðlilegt að hjón beiti einhverjum aðferðum til að takmarka barneignir sínar því það er líka ábyrgðarhluti að ala upp börn og það verður ekki gert svo vel sé ef ekki er hægt að sjá þeim sæmilega farborða og veita þeim þá ást og athygli sem þau þurfa. Ég efast um að þeir sem hæst hafa um afstöðu kirkjunnar til getnaðarvarna hafi nokkurn tíma lesið bréf Páls páfa VI. "Humane Vitae" þar sem páfastóll tjáir sig fyrst um þessi mál af alvöru.
Persónulega held ég að Benedikt XVI eigi eftir að plumma sig ágætlega. Hann hefur því miður hlotið slæm ummæli í mótmælenda- og trúleysingjapressunni en hann er rökfastur maður og hefur mikla reynzlu af stjórnunarstörfum í kirkjunni. Hann er ekki afturhaldssamur en hann er íhaldssamur og það þarf ekki alltaf að vera galli. Kaþólska kirkjan stendur ekki í neinni vinsældakosningu. Hún stendur vörð um trúabrögð sem byggja á gömlum forsendum og sem slík á hún að vera íhaldssöm og er þ.a.l. nær að horfa tímabundið á bak einhverjum þeim sem ekki geta sætt sig við þær sömu forsendur en að fórna staðfestu sinni til að þóknast fjöldanum.
Fjölmiðlar hafa margir reynt að fjalla um páfakjör eins og um pólitíska og veraldlega kosningu væri að ræða. Það er rangt. Það er verið að kjósa trúarleiðtoga og samkvæmt skiningi kaþólskra þá hefur Heilagur andi þar hönd í bagga.

Vel mælt!‹lýkur lestrinum› Ég er ekki eins harður stuðningsmaður kaþólsku kirkjunnar og Vatne en margt af því sem hann segir er rétt. þar á meðal að kirkjur eiga ekki að taka of mikið tillit til almannaálits, sem er afar sveiflukennt. Og í sambandi við barneignir, þá ætti það að vera boðskapur allra ábyrgra stofnanna samfélagsinns, trúarlegra sem annarra, að sýna ábyrgð, það er ekki nóg að skella á sig latexhylki og gera svo hvað sem manni sýnist.

Geta konur orðið kaþólkir prestar? Hvað segir kaþólska kirkjan um fóstureyðingar? Hvað segir kaþólska kirkjan um hjónaskilnaði? Vinsamlega ekki vera eyða orku þinni í að benda mér á að talibanar og lúterskir kunni að haga sér ver en kaþólskir. Það bætir ekki böl að benda á annað verra.

Aldrei þessu vant er ég sammála feminista ‹fær hroll›.

Vatnar: Ég mæli með að þú kynnir þér þér afstöðu kaþólskra í Afríku þar sem þeir hreinlega stuðluðu að útbreiðslu alnæmis með því að fordæma smokkanotkun.

Allt of margir kaþólikkar eru á því að allar getnaðarvarnir séu synd (því þær sýna „einbeittan brotavilja“).

‹Raular› "Every sperm is sacred"

kveslugs d´dunaskappur