Hérna væri kannske ráð að senda mönnum Rafmæliskveðjur...
Í dag á Smali eins og hálfs árs Rafmæli:
Átján tunglin arkað hefur
okkur sæmt með skáldatali
Kveðjuskamt þér Skabbi gefur
skál ég drekk þér, vinur Smali.
Í dag á Plebbin eins og hálfs árs rafmæli:
Kveðju send þér kynlaus vera
kasta til þín viskítár
Lútinn hefur bagg’að bera
bar’í eitt og hálft ár
Í dag á Skoffín hálfs árs afmæli... þar sem ég er eini sem bý til rafmæliskveðjur(að því er virðist) þá kemur hér eitt:
Hérna fyrir sirka hálfu ári
hentist inn og dillaði svo rófu
Henni fylgir ekki aumur kári
afkvæmi er bæði hunds og tófu
Það gengur ekki að láta þig sjá einan um þetta merka starf, Skabbi minn. Ég skal henda einni inn svona rétt áður en deginum lýkur.
Loðið hefur Skoffín skott,
skal ég eitt nú mæla:
Fjári mikið væri flott
fljóðið það að tæla.
(Þessi kom nokkurn veginn að sjálfu sér)
ein hraðsoðin hér
skoffin hér í hálft eitt ár
hefur verið, skilst mér
þó ekki þekkist upp á hár
óður góður þylst hér
Nau nau nau... nú á Þarfagreinir Rafmæli....
Þarfagreinir, þamba nú
þér til heiðurs kæri
Hálfa árið hefur þú
haldið Baggaskæri
Á hálfu ári hefur fír
haldið til á lútnum
Mikið hefur malað skýr
mjöðinn fékk úr kútnum
krumpa á hálfs árs rafmæli
Komdu hérna krumpa fín
ég kasta til þín bögu
Hálft er árið elskan mín
inní Baggasögu
svo það fari nú ekki á milli mála, þá er ekkert á milli okkar krumpu
Íslendingur á líka hálfs árs rafmæli, en fyrir þá sem ekki vita þá er hann þrælduglegur í haustverkum, hjálpaði mér meðal annars að verka hákarl
Hákarlinn þú verka vilt
vinur Íslendingur
Hálfa árið hefur fyllt
hérna Skabbi syngur
Degi einum eftir mér,
ó mín fagra krumpa,
hress og björt þú birtist hér
- brátt ég skal þig strumpa.
Vamban á eins árs rafmæli... hann á sko skilið smá kvæði er það ekki?
Vamban ó þú vinsæli
vil ég þér nú óska
að rati í þitt rúmbæli
rosaleg sæt ljóska
Ári síðan áttir leið
áttavilltur drengur
birtist svo í Baggaleið
blótar ekki lengur
Kátur gengur götur hér
góður Vambalingur
fáðu hérna kvæðakver
kveðju Skabbi syngur
Ákavíti, skonsur, skens
skamt af últrakóbalt
Ávallt hjá þér gleði glens
gef þér drykki margfallt
Gestapó nú gleðst með þér
er gengur þú á lútnum
fáð'ér skonsu, fáð'ér smér
fáð'ér vín úr kútnum
Skál
Gjarnan gefins rauðann klút
gjöf að fá frá baggalút
Amma apríl þriðja
alla tók að bryðja
(Kjötheima afmæli Ömmu
Takk fyrir Lútinn og kökurnar í tilefni 86 ára afmælisinns
Það er hneisa ef við kvæðamenn fögnum ekki eins og hálfs árs afmæli Zaxers, en hann er sá sem stofnaði Að kveðast á sem var undanfari vinsælasta kvæðaþráðar hér á Gestapó og þó víðar væri leitað...
Zaxer þú varst zómakarl
zendir góða vísu
Eigðu kveðju kæri jarl
kvaðst burt ljóta krísu
Svo á Konstantín eins árs afmæli og þó hann hafi verið þögull síðustu misserin er hann þó enn efstur af Ká-um heimavarnarliðsins...
Komdu aftur Konstantín
kæri vinur stiltur
Rjómatertu, randalín
rauðvín færðu piltur
Tony Clifton á eins og hálfs árs Rafmæli
Tony Clifton kjúklingur
kerling bak við skeggið
Sækó er sá sjúklingur
sjúkt var oft hans hneggið
Golíat á eins og hálfs árs Rafmæli
Golíat þú gæðaskinn
góða kveðju sendi
Lútinn gengur glatt er sinn
gott er orð í hendi
orðinn drulluþreyttur þegar þetta er skrifað
Ansans, Z. Natan á afmæli og honum hentar ekkert annað en dýrt sléttuband... leggst í kör...
Kveðju, Natan, færðu fat
fulla matar kistu
Smeðju hatar, prjálsins pat
prúður glatar lystu
jæja, þetta skilst vonandi...
Lystu glatar prúður, pat
prjálsins hatar smeðju
Kistu matar, fulla, fat
færðu Natan kveðju
Af öllum þeim fjölmörgu sem eiga Rafmæli í dag, þá er Barbie sú eina sem hefur vakið einhverja lukku... þetta er til þín Barbie og til lukku með Rafmælið...
Orti hér oft undir rós
ás var með í hendi
Konan hafði kvæðaljós
ég kveðju Barbie sendi
Kristallur von Strandir á Rafmæli í dag... til lukku:
Kristallur nú kveðju fær
og kökusneið í bítið
Sötrar öl og hátt svo hlær
hérn'er Ákavítið
Klettur á rafmæli í dag... hann er einn af hinum fornu andspyrnumönnum við stofnun ríkisins Baggalútíu og því á hann skilið kveðju...
Klettur minn ég kveðju þér
kasta til í svamli
Andspyrnuna unnir hér
ölur, skál minn gamli