— GESTAPÓ —
Er RÚV geimskip?
» Gestapó   » Vísindaakademía Baggalúts
        1, 2, 3, 4, 5, 6, 7, 8  
GESTUR
 • Svara • Vitna í • 
h... 1/2/06 14:24

‹Gefur frá sér vellíðunarstunu›

GESTUR
 • Svara • Vitna í • 
h... 1/2/06 14:24

‹Gefur frá sér vellíðunarstunu›

 • Svara • Vitna í •  Senda skilaboð Senda póst
Pamela í Dallas 1/2/06 14:45

útsending geimskipsins hefur verið órofin í langan tíma. Þar sem vér mennirnir erum ekki þekktir fyrir úthald og atorkusemi tel ég líklegt að geimverur stjórni rúv, þó vissulega megi deila um hvort um geimskip sé að ræða.

----Algjörlega gegnsæ og tilgangslaus í tilveru sinni----
GESTUR
 • Svara • Vitna í • 
Ásgeir Valur Sigurðsson 5/2/06 19:08

Ég vill þakka svörum til mín þess efnis að setning laga um notkun tímavéla sé þörf umræða.

Ég las bók eftir Joseph MtMeagle sem heitir The Ultimate Time Machine. Þar er talað um að árið 2085 hafi verið sett lög um notkum tímavéla í Bandaríkjunum en þessi bók er ekki vísindaskáldsaga. Hún fjallar um fyrirbæri sem kallast fjarkönnun, eða remote viewing, en um það er til snilldarsnilld sem heitir Suspect Zero og er sakamálaþriller sem fjallar um notkun fjarkönnunar á sviði glæparannsókna. Það er reyndar líka hægt að nota fjarkönnun til að ferðast fram og aftur um tímann og þá þarf engin lög. En áþreifanlegar tímavélar eru annað og mun hættulegra mál. Ég er þeirrar skoðunar að við Íslendingar yrðum heimsfrægari en nokkru sinni fyrr ef við myndum setja slík lög á Alþingi, þar sem tímavélar hafa ekki verið þróaðar hér á landi svo vitað sé. Tímavélarnar sem gerðar voru tilraunir með, þó að þær gætu flutt menn fram og aftur til baka í tímann á Jörðinni í Montauk, voru ófullkomnar og afar hættulegar, svo mjög að sumir þeirra sem sneru til baka misstu vitið af því að taugakerfið einfaldlega bráðnaði. Það þoldi ekki flutninginn.
Það ER hægt að hanna tímavél sem getur flutt mann þannig að maður þoli flutninginn, en einmitt vegna þessara laga, er tryggt að tímavélin sé nothæf og að sá sem sé fluttur fari ekki að reyna að breyta gangi sögunnar sér í hag. Flestir sem hugsa um að ferðast fram og aftur í tímann eru að reyna að leiðrétta mistök sem þeir sjá eftir að hafa gert í undirvitund sinni, og besta tímavélin er dómgreindin sjálf. Hæfileiki mannsins til að hugsa áður en hann framkvæmir sameinar hann öllum öðrum dýrategundum og lífverum í alheiminum. Ef við tökum mið af því að árið 2085 verði Bandaríkin búin að setja í gegn frumvarp á Bandaríkjaþingi um notkun tímavéla þurfum við að vera fyrri til, og hafa frumvarpið okkar þannig að það snúist ekki um hryðjuverkamenn eða neitt svoleiðis því þá erum við farin að eltast uppi við alla sem við erum ósammála. Þegar að árinu 2085 kemur má því búast við að búið verði að hanna tímavélar sem geta sent fólk afturábak og áfram í tímann.
Öruggt er hins vegar að ætli menn að efna til langtímaferðalaga í geimnum sem eiga að taka stuttan tíma, er tímavél um borð eina leiðin til að ráða við þann tíma þannig að menn eldist ekki um hundruðir þúsunda ára og öll líkamsstarfsemin deyji eins og gerðist með eina af geimverunum sem brotlentu í Roswell, en þegar geimskipið brotlenti fór tímavélin um borð í því í mask líka. Hér á landi þarf að tryggja að svona lagað hendi ekki þar sem mannfólkið er annars vegar því við erum þegar orðin meðvituð um hversu einfalt í rauninni það er um leið og maður kann það, að hanna og þróa tímavélar. Öll geimför verða að hafa tímavél um borð ásamt e.k. drifi því annars komast þau ekki neitt áfram - og ef ekki er um borð tímavél, þá hefur öldrunarferlið sjálft og leiðinn einfaldlega ekki verið tekin með í reikningin eða sparkað út úr kerfinu með vísvitandi hætti með tilheyrandi afleiðingum fyrir alla farþega um borð í viðkomandi geimfari, þ.e. ákvörðun sem þeir sem bjuggu geimfarið til tóku áður en haldið var til brottfarar.
Lagafrumvarp sem lagt er fram á Alþingi til tryggingar þess að tímavélar séu notaðar á skynsamlegan hátt, má því ekki ná til einstaka þjóðfélagshópa, heldur hvers einstaklings sem hyggst beita sér tímaferðalögum til þess að hafa áhrif á gang sögunnar. Í nokkur ár hef ég minnst á, m.a. við Samgönguráðuneytið, að stofna þurfi geimvísindastofnun hér á landi, sem skuli starfa öðruvísi en bandaríska geimvísindastofnunin gerir, að því leytinu til að allar geimrannsóknir fari þannig fram að stofnunin sé ekki rekin á opinberu skattfé. Geimferðir skuli þá vera framkvæmdar í samvinnu við íbúa frá öðrum stjarnkerfum sem til þess hafa tækniþekkinguna þar sem við Íslendingar búum ennþá ekki sjálfir yfir getunni til þess að hanna og þróa almennileg geimför. Það kemur samt ekki í veg fyrir að geimför sem slík verði þróuð og hönnuð af Íslendingum í framtíðinni og jafnvel sett á markað eins og flugvélar, þyrlur og önnur samgöngufarartæki til þess að tryggja Íslendingum möguleikann á þáttöku í geimsamgöngum.
Til þess að geimsamgöngur geti farið almennilega fram, hins vegar, þarf að skilgreina það sem ég kalla Lofthjúpshelgi, og um leið og það hefur verið gert vita allir hvað verður um álver og svoleiðis lagað í framtíðinni - þau hætta einfaldlega að vera til og nýting orkugjafa mun gerbreytast þegar kol og olía og bensín og vetni eru þurrkuð út af kortinu í skiptum fyrir rafsegulsviðsorku, sólarorku, andþyngdarkraft eða þyngdaraflsorku, etc. Nær öruggt er að til þess að geta komist eitthvað áfram þurfi frumstætt geimfar að hafa þyngdaraflsdrif, vörpudrif eða segulsviðsdrif, tímavél, og kjarnakljúf. Þá þurfa geimfararnir að hafa þekkingu á því að stýra geimfarinu þannig að næsta reikistjarna sem það heimsækir brotlendi því ekki ósjálfrátt fyrir tilstilli segulsviðsins.

Kær kveðja,

Ásgeir,

matrixs@mi.is

 • Svara • Vitna í •  Senda skilaboð Senda póst
Hexia de Trix 5/2/06 19:27

‹Dæsir›

Hvernig er það, þarf ekki að fara að setja lög um hámarkslengd innleggja?

Þá væri hægt að sekta fyrir hvern umfram staf... þetta gæti skilað miklu í sjóði ríkisstjórnarinnar.

Alma Mater Baggalútíu • Kakómálaráðherra • Yfirbókavörður Baggalútíu • Forstöðumaður Bóka- og skjalasafns Baggalútíu
 • Svara • Vitna í •  Senda skilaboð Senda póst
Offari 5/2/06 19:33

Það er ágætt að eitthvað til að lesa fyrir börnin í kvöld.

KauBfélagsstjórinn.
 • Svara • Vitna í •  Senda skilaboð Senda póst
dordingull 5/2/06 19:42

Hvar hoppaðir þú af? Snemma á 20. öldinni uppgvötaði dr. Helgi Péturs að mögulegt var að láta sig hverfa á einum stað og endurbirtast í sömu mynd á öðrum samtímis, hvar sem er í veröldinni. Þú bara ákvaðst hvert þú vildir fara, til hvaða stjörnu, sólkerfis eða vetrarbrautar og þá varst þú þangað kominn um leið.
Tvöhundruð árum síðar var þessi aðferð komin í almenna notkun þó ormagöng séu enn notuð sem varaleið.
Tímavélar og vörpudrif eru hvergi til nema á söfnum.

Köngulóarapakonungsríkisarftakinn.
GESTUR
 • Svara • Vitna í • 
Ásgeir Valur Sigurðsson 5/2/06 19:46

Rætt um alvarlega erlendis hvort gera eigi kynlífshneykslismál þar sem George W. Bush kemur við sögu opinbert - gæti haft ófyrirsjáanlegar afleiðingar í för með sér fyrir æðstu ráðamenn í Bandaríkjunum og Bretlandi

Bretar og Bandaríkjamenn eru ævareiðir út í ríkisstjórnir sínar vegna skrifa Icke og fleiri sem hafa ljóstrað upp alvarlegu hneykslismáli tengdu hátt settum embættismönnum innan ríkisstjórnanna, og vilja að rannsókn fari fram og báðar ríkisstjórnir segi af sér og þeir sem beri ábyrgð á áframhaldandi óhugnaði tengdum hneykslismálinu verði dregnir fyrir dómstóla.

Hér er frétt send á Baggalútinn þess efnis að fjölda frásagna einstaklinga af mönnum eins og George W. Bush og Ted Eath takandi þátt í óhugnanlegum athöfnum tengdum kynlífi, einkum kynlífi með börnum, fari vaxandi og það gæti greitt breska forsætisráðuneytinu og bandaríska forsetaembættinu pólitískt banahögg. Vandamálið er margþætt og nær aftur í aldir og árþúsundir því svo virðist sem að hneykslið sé svo alvarlegt að enginn viti hversu margir kynnu að hafa verið misnotaðir og hversu mörg börn kynnu að hafa verið misnotuð eða drepin í óhugnanlegum athöfnum sem skipulögð glæpasamtök að nafni The Illuminati eru sögð standa fyrir. The Illuminati eru leynifélag sem kemur m.a. fyrir í skáldsögum Dan Brown, en félagið sem kemur fyrir þar er að sjálfsögðu hreinn skáldskapur sem hefur ekkert að gera með raunveruleikann, og tengist ekkert ´hinu raunverulega´Illuminati félagi. Þá eru ekki allir í því félagi sem og flestum öðrum félögum, stofnunum og samtökum slæmir því það er mannlegt eðli að langa til að vera í hóp eða vilja starfa einn.
Það er búið að gefa út nokkur rit um þetta og útgáfa ritverka heldur áfram og fleiri og fleiri vilja að Bush sé dreginn fyrir rétt samkvæmt skoðanakönnunum á internetinu, einkum vefsíðum eins og American Patriot Friends Network. Ég er að rannsaka í augnablikinu hversu mikið er til í þessum orðrómum en mér sýnist að þeir séu allir meira og minna á rökum reistir og hafi þeir sem haldi orðrómunum þrálátast uppi rétt fyrir sér, eru endalok ensk - ameríska heimsveldisins í nánd. Bandaríkin og Bretland og England og Skotland munu engu að síður halda áfram að vera til, en fjöldi þeirra sem andmæla bandarískum og breskum stjórnvöldum fyrir að aðhafast ekkert í málinu er orðinn ansi mikill. Arizona Wilder sem hét áður Jennifer Greene hefur verið tekin í viðtal af farandsfyrirlesaranum David Icke, sem Fréttablaðið hélt ranglega fram eftir gömlum, úreltum heimildum að hann teldi sjálfan sig vera Messías. Það er ekki rétt þar sem Icke hefur marg oft haldið fram að það sé tómt bull og segist sjálfur í ritum sínum ekki trúa á Jesús eða aðra frelsara mannkyns, hann líti svo á að hver eigi að fá að ráða sjálfur þeir telja um svoleiðis hluti.
Arizona Wilder segist hafa tekið þátt í helgiathöfnum tengdum djöflatrú og mannfórnum þar sem börn voru m.a. notuð í kynlífsathöfnum, og Cathy O´Brien hefur gefið út bók og í Trance Formation of America ásamt öðru riti og fleiri ritum eða bókmenntaverkum koma fram ansi margar og afar óhugnanlegar upplýsingar um það hvað gekk eiginlega á.
Skv. heimildum sem tengjast umfjöllun Icke í þessu máli þá eru margir af helstu leiðtogum þessa heims sem tóku þátt í þessu kleifhugar og muna ekki hvað hinn persónuleikinn gerir á meðan hann gerir mjög óhugnanlega hluti á meðan ´hinn persónuleikinn´- einhver allt önnur persóna, gerir eitthvað ennþá verra. Þetta hneykslismál er orðið mjög alvarlegt, svo mjög að Sameinuðu Þjóðirnar treysta sér ekki til að draga þá sem tengjast málinu fyrir rétt, líklegast vegna þess að innan stofnunarinnar eru líka hátt settir aðilar tengdir þessu og öðrum hneykslismálum. Hneykslismálið hefur þegar náð að teygja anga sína til breska heimsveldisins og skekur nú breska Íhaldsflokkinn en Tony Blair eins og allir Íslendingar vita fer fyrir Verkamannaflokknum, hann virðist vita af málinu en virðist hafa kosið að aðhafast ekkert, af ótta við að þar með sé hans eigin pólitíska ferli lokið. Icke hefur nú þegar gefið kringum 5 rit þar sem hann segir sögu einkarannsókna á atburðum tengdum þessu máli. Hafi Arizona Wilder rétt fyrir sér, veit hún hugsanlega hvar lík margra barna sem hafa látist sem voru myrt eða misnotuð með þeim afleiðingum að þau létust, kynnu að vera grafin, sem gæti leitt til frekari umfjöllunar um þetta mál í fjölmiðlum og allsherjarrannsóknar í Bretlandi. Sum vitnanna segjast hafa séð George H.W. Bush taka þátt í svona athöfnum ásamt Bush yngri sem nú gegnir embættishlutverki forseta Bandaríkjanna. Vill ég stranglega taka fram að ég sé ekki að reyna að breiða út ómálefnaleg ummæli um störf forsetans eða Bandaríkjastjórnar sem slík og er ég heldur ekki að reyna að flekka mannorð forsetans, þar sem ég þekki hann ekkert sjálfur og hef engann rétt til þess. Icke er ekki að flekka mannorð heldur, og er þetta fyrst og fremst rannsókn sem almenningur er að framkvæma í Bretlandi, langþreyttur á að æðstu valdamenn þar geri ekkert til þess að hægt sé að binda endi á frekari óvissu um málið. Icke var í viðtali hjá Discovery Channel í þætti þar þar sem var reyndar fjallað um geimverur og samsæriskenningar tengdar þeim. Ég lýsi yfir fyrir hönd íslensku þjóðarinnar að ég sé hlynntur allsherjarrannsókn á þessu máli, en ég geri mér fulla grein fyrir að þar með sé almenningur í Bretlandi og í Bandaríkjunum að skapa mjög mikið óvissuástand fyrir pólitíska framtíð NATO ríkjanna, Evrópusambandsins og Norður Atlantshafsbandalagsins - en, verði af rannsókn, sem er óumflýjanlegt að þarf að gera, what the hey? Ég tek öllum þessum orðrómum sem orðrómum og legg alltaf áherslu á þegar ég fjalla um þetta mál heima sem og annars staðar að ég geri mér fulla grein fyrir rétti allra til að efast um gildi orðróma og vitnisburða, þar til öll sönnunargögn hafa verið leidd fram í dagsljósið og engin óvissa er eftir. Ég er ekki efins um innihald orðrómanna sjálfra, en skil erfiðleika þeirra sem trúa þeim að sanna fyrir öðrum sem gera það ekki, það sem þeir segja sjálfir að sé gildi eða mikiægi sannleikans, þar sem orðrómarnir eiga í hlut. Tveir hafa gefið sig fram til Icke og sagt honum að þeir hafi lesið rit hans og taki það sem hann heldur fram í ritum sínum um þetta stóra hneykslismál alvarlega. Að öllum líkindum gætúuNATO ríkin jafnað sig þegar öll kurl eru komin til grafar, en að mínu mati, ekki ESB eða Sameinuðu Þjóðirnar, sem myndi þá þýða að rannsóknarferlið sem tengist málinu gæti leitt til þess að of margir embættismenn innan stofnunarinnar segi af sér til þess að hún geti haft mikið lengri tíma til að starfa sem slík, sem myndi þýða að Sameinuðu Þjóðirnar leysist upp. Og leysist SÞ, NATO og ESB upp, hvernig verður heimurinn? Hvernig mun heimsbyggðin bregðast við þegar hneykslið heldur áfram að vinda upp á sig og forsetinn neitar að segja af sér? Geta Baggalútarmenn veitt mér einhverjar upplýsingar um framtíð þessara ríkja að allsherjarrannsókn lokinni?

Kær kveðja,

Ásgeir,

matrixs@mi.is

GESTUR
 • Svara • Vitna í • 
Ásgeir Valur Sigurðsson 5/2/06 19:51

Svar Til Hexia Ge Trixx,

Ég veit ekki hvað þú ert að tala um en hugmynd mín um þá löggjöf sem ég er að fjalla um er þess eðlis að öryggi sé tryggt þegar menn ferðast fram og aftur um tímann. Tíminn sjálfur sem slíkur er eiginlega ekki til því að fortíð, nútíð og framtíð rekast á í e.k. samfellu, og þess vegna getur maður hugsað um mistök sem maður gerði í fortíðinni og tekið ákvörðun um að endurtaka ekki sömu mistök í framtíðinni. Ef íslenska þjóðin gerir þetta, þá verður hún fyrst allra þjóðríkja heims til þess að leggja fram frumvarp til laga um notkun tímavéla á þingi - og það yrði heimsfrétt. Björn Bjarnason - ef hann samþykkti frumvarpið yrði hann fyrstur dómsmálaráðherra til þess að staðfesta frumvarp um notkun tímavéla , a.m.k. á 21stu öld. Það yrði eitt af hans síðustu verkefnum áður en hann flytti sig úr starfi yfir á annað starfsvið eða einfaldlega hætti í pólitíkinni.

Kær kveðja,

Ásgeir Valur,

matrixs@mi.is

 • Svara • Vitna í •  Senda skilaboð Senda póst
dordingull 5/2/06 19:59

Hvaðan kemur þú eiginlega? Það eru meir en 2000 ár síðan þessir atburðir áttu sér stað.

Köngulóarapakonungsríkisarftakinn.
 • Svara • Vitna í •  Senda skilaboð Senda póst
Hexia de Trix 5/2/06 20:30

Kæri Ásgeir.

Þú skrifar of löng og ‹geispar› of leiðinleg innlegg.

Svo heiti ég ekki Hexia Ge Trixx.

Alma Mater Baggalútíu • Kakómálaráðherra • Yfirbókavörður Baggalútíu • Forstöðumaður Bóka- og skjalasafns Baggalútíu
 • Svara • Vitna í •  Senda skilaboð Senda póst
Vladimir Fuckov 5/2/06 21:02

Vjer erum algjörlega ósammála. Þetta eru einhverjar skemmtilegustu, frumlegustu og furðulegustu samsæriskenningar er sjest hafa á síðum Gestapó og er þó af nógu að taka ‹Heldur áfram lestrinum en minnist þess svo að líklega er Hexia eigi til og því var í raun óþarfi að svara þessu›.

Forseti Baggalútíu & kóbalt- & hergagnaframleiðsluráðherra o.fl. Baggalútíu • Staðfestur erkilaumupúki • Óvinur óvina ríkisins #1 • Virðulegasti Gestapóinn, krúttleysingi og EIGI krútt • Óafvitandi aðili ósamhverfra vensla
 • Svara • Vitna í •  Senda skilaboð Senda póst
Hexia de Trix 6/2/06 09:44

Vladimir Fuckov mælti:

Vjer erum algjörlega ósammála. Þetta eru einhverjar skemmtilegustu, frumlegustu og furðulegustu samsæriskenningar er sjest hafa á síðum Gestapó og er þó af nógu að taka ‹Heldur áfram lestrinum en minnist þess svo að líklega er Hexia eigi til og því var í raun óþarfi að svara þessu›.

‹Verður sármóðguð›
Hananú! Ekkert kakó fyrir þig góði í nokkrar vikur! Jafnvel þó þú kæmist að því að eina tímavélin sem virkar gengur fyrir kakói!

Úps... sagði ég of mikið? ‹Læðist út›

Alma Mater Baggalútíu • Kakómálaráðherra • Yfirbókavörður Baggalútíu • Forstöðumaður Bóka- og skjalasafns Baggalútíu
 • Svara • Vitna í •  Senda skilaboð Senda póst
Offari 6/2/06 09:46

‹Þorir ekki að taka afstöðu›

KauBfélagsstjórinn.
 • Svara • Vitna í •  Senda skilaboð Senda póst
B. Ewing 6/2/06 10:38

Fínar umræður og athyglisverð þróun. ‹Ljómar upp›

Hvað spurningar Mister ÁVS varðar þá mun SÞ breytast úr skrifræðissamtökum vesturveldanna í hlutlausa yfirþjóðlega stofnun sem hefur útbreiðslu á gagnkvæmum skilningi meðal hinna ólíku menningarheima á jörðinni.

SÞ myndu til dæmis, svo tekið sé dæmi úr nútíðinni, sýna framá hræsni þess að gera skopmyndir af leiðtogum Ísraelsmanna og á sama tíma hneykslast á skopmyndum af Mohammad, þrátt fyrir að þarna sé þriðji, óháði hópurinn (og sá eini trúkaldi) sem mæti með myndirnar opinberlega. SÞ myndu einnig skýra út muninn á fjölmiðlum<->ríkisstjórn vesturheims og austurheims. Þannig myndu SÞ koma í veg fyrir þá heift sem æðstuprestar austur- og vesturheims predika yfir fáfræddan lýðinn og virkja menn til þess að sýna háttvísi.

NATO snýr sér að endurnýtingu brotamálms af hafsbotni. Þar er af nógu að taka og mun NATO sinna því verkefni eingöngu næstu 532 árin.

ESB mun verða alþjóðleg frímerkjaútgáfa sem vinnur í skjóli þess að alltaf þarf að senda pappíra á milli deilda innan ESB. Munu 98,3% frímerkjaútgáfunnar verða notuð innan veggja ESB og mun þar verða til dýrasta sleikja veraldar.

Þegar hneykslismálinn verða orðin næg þá kýs fólkið forsetann til að stjórna skemmtiþætti sem verður sendur út daglega, (á meðan honum enst ævin) héðan Þar verður hann sannfærður um að hann sé alvaldur jarðar og hann geti stórnað öllu bara með því að segja það í myndavélina. Úr verður hin besta skemmtun sem milljónir manna hlæja að á hverjum degi í ölllum heimsálfum.

Þessar upplýsingar ber að fara varlega með því ef óvinir ríkissins fá nasaþef af þessum fyrirætlunum þá er hugsanlegt að þeir reyni smíði eigin tímavélar til þess að gera úrslitin sér hagstæðari sem mun hafa víðtækar og alvarlegar afleiðingar fyrir allt lífríki jarðar, nema amöbur.

Siglingafræðingur Baggaflugs, teningaspilahúsasmíðameistari Baggalúts. •  • Stýrimaður Fjárfestinga og Margfeldisútvíkkunar Baggalútíska Heimsveldisins •  • Tryggingaráðherra Baggalútíu. Sendiherra S-Ameríku og Páskaeyju.
 • Svara • Vitna í •  Senda skilaboð Senda póst
Sloppur 6/2/06 13:12

‹Er ánægður með að kunna ekki að lesa›

Yfirbílstjóri Forsetaembættis Baggalútíu ~ Höfðingi Ísfólksins ~ Skraddari Baggalútíska Alheimsveldisins ~ Fíkill ~ Dýflissumeistari í kjallara Teningahallarinnar ~ Hryðjuverkamaður
 • Svara • Vitna í •  Senda skilaboð Senda póst
Offari 6/2/06 13:15

‹Kemur tilögunni í nefnd hjá Barfloknum.›

KauBfélagsstjórinn.
 • Svara • Vitna í •  Senda skilaboð Senda póst
Sloppur 6/2/06 18:43

‹Athugar nefndina›

Yfirbílstjóri Forsetaembættis Baggalútíu ~ Höfðingi Ísfólksins ~ Skraddari Baggalútíska Alheimsveldisins ~ Fíkill ~ Dýflissumeistari í kjallara Teningahallarinnar ~ Hryðjuverkamaður
        1, 2, 3, 4, 5, 6, 7, 8  
» Gestapó   » Vísindaakademía Baggalúts   » Hvað er nýtt?
Innskráning:
Viðurnefni:
Aðgangsorð: