Ég sá í sjónvarpinu fyrir stuttu ungmenni spurð að því hver Björn Bjarnason væri. Svörin voru í þessum dúr:
Bíddu, er hann ekki menntamálaráðherra?
Hann er í stjórnarandstöðunni.
Ég held hann hafi verið forsætisráðherra fyrir stuttu.
Hvað eru þessir unglingar að gera á daginn?
Það hefði verið nær að spyrja hvað persónurnar í Sims tölvuleijunum hétu eða eitthvað álíka.
Ótrúlegt en satt þá er ég hjartanlega sammála Smábagga. Stekkur hæð sína
Björn húú????Klórar sér í höfðinuEr það ekki þessi sem finnst Bruce Willis og George W. vera aðal. Hmmmm, er hann ekki borgarfulltrúi? Ætlaði að vera aðal þar, en skíttapaði. Jú nú kem ég honum fyrir mig, það er þessi sem gaf hugtakinu "smeðjubros" nýjar víddir þegar hann brosti í fyrsta sinn fyriri ekki löngu síðan.
Þessi mannfýla er auðvitað ömurleg en samt lélegt að enginn hafi vitað hver hann er. Nema að stöð 2 hafi klippt þá einstaklinga út.
Margir á Íslandi hafa skemmt sér, og hneykslast á heimsku Bandaríkjamanna þegar Jay Leno fer á svokallað Jaywalking og spyr þá einfaldra spurninga um stjórnmál, sögu, landafræði eða þess háttar.
Ég hef lesið spurningar svipaðs eðlis beint að fólki í einhverju götublaðanna (þessi sem eru ókeypis á vídeóleigum og í sjoppum) hér á landi. Þar kemur fram viðlíka fáviska og Bandaríkjamannanna í Jay Leno. Þannig að við ættum ekki að hlægja dátt í trausti þess að Íslendingar séu að meðaltali fróðari en Kaninn.
Ég vona hins vegar, fyrir hönd mannkyns, að bæði Jay Leno og götublaðið sigti út meirihlutann sem getur flestar spurningarnar. Það er oft afar niðurdrepandi að sjá svona heimsku, amk. í lýðræðisþjóðfélagi þar sem gert er ráð fyrir amk. lágmarkskunnáttu um heiminn til að geta verið virkur þátttakandi í lýðræðisferlinu.
Heir - Heir. Það er fátt sorglegra en að heyra íslending básúna það hvað kanar séu heimskir.
Þessi fáfróði lýður er sá sami og þykir það sjálfsagt mál að rita bandvitlaust og hafa frammi óvandað og lélegt málfar, samanber innlegg Ívars hér um daginn. (Nenni bara ekki að finna slóðina og klístra henni hér inn)
Vesalingar þessir bera ævinlega fyrir sig ritblindu eða einhverri annari sjón- eða hreyfifötlun og þess vegna riti þeir eins og fávitar. Blótar herfilega og rífur hár sitt Letingjar og himpigimpi!
Strunsar út af sviðinu og skellir á eftir sér
Úff ég verð að læra að slaka á. Bara eitt af fáum innleggjum í langan tíma frá mér og ér er nærri dáinn úr hjartaslagi vegna æsings af minni hálfu!
Gleypir eina róandi og skolar niður með fullu glasi af kóbalt bættu ákavíti
Ljómar upp
Já, virkilega slakt... sérstaklega var einn sem þóttist vera í stjórnmálafræði... sá á eftir að fá háðsglósur held ég þegar hann mætir í tíma...
Eigi er svona fáfræði nýlunda. Vjer minnumst þess að er vjer vorum í framhaldsskóla fyrir löngu vorum vjer eitthvað að hneykslast á því að einhverjir í skólanum vissu eigi hvað forseti Bandaríkjanna hjet.
Verst þykir mér þó að heyra þá tjá sig, íslenzku framhaldsskólanemana sem halda að Jón Sigurðsson hafi verið forseti.
Já, en hann var forseti Alþingis á tímabili ... Klórar sér í hausnum
Ah..."Forseti Íslenzka Lýðveldisins" þá...
Hann var nefndur forseti vegna þess að hann var lengi forseti hins íslenzka bókmenntafélags, minnir mig.
Jæja, eða það. Ég var hvort eð er bara að snúa út úr.
Skammast sín
Verst þykir mér þó að heyra þá tjá sig, íslenzku framhaldsskólanemana sem halda að Jón Sigurðsson hafi verið forseti.
Einnig finnst mér allsvakalega fáránlegt þegar fólk heldur því fram að fimmhundraðarinn hafi sagt: „Vér mótmælum allir!“, fólk á nú að vita betur...
Þarfi og Fífli hafa víst báðir rétt fyrir sér, ef ég man rétt.
Jón forseti hljómaði bara betur en Jón forsetialþingisoghinsíslenzkabókmenntafélags, og því loddi það við hann.