Sem minnir mig á það að vinkonur mínar frá Vottunum eru ekki búnar að koma lengi. Og ég sem gef þeim alltaf kaffi.
Og ekki er allt búið en, maður lifandi, er furða þó að þó að þetta blessaða fólk falli í transa og fari að tala tungum, hér á að vera sú útfærsla boðorðanna sem er nú í gildi.
****************************************************************************
Einhver neyðarlegasti misskilningur Kristinnar kirkju allt frá upphafi Rómarkirkjunnar er meðferð hennar á boðorðunum tíu. Á einhver bjánalegan hátt hefur það ekki borist til eyrna guðfræðinga eða presta að núverandi boðorð eru ekki lengur í gildi. Því Móses braut lögmálstöflurnar í tætlur og fékk nýjar frá Yahweh. Þessu er lýst í annarri Mósesbók:
2Mós 32:19 En er Móse nálgaðist herbúðirnar og sá kálfinn og dansinn, upptendraðist reiði hans, svo að hann þeytti töflunum af hendi og braut þær í sundur fyrir neðan fjallið. 20Síðan tók hann kálfinn, sem þeir höfðu gjört, brenndi hann í eldi og muldi hann í duft og dreifði því á vatnið og lét Ísraelsmenn drekka.
34:1 Drottinn sagði við Móse: "Högg þér tvær töflur af steini, eins og hinar fyrri voru. Mun ég þá rita á töflurnar þau orð, sem stóðu á hinum fyrri töflunum, er þú braust í sundur. 2Og ver búinn á morgun og stíg árla upp á Sínaífjall og kom þar til mín uppi á fjallstindinum. 3Enginn maður má fara upp þangað með þér, og enginn má heldur láta sjá sig nokkurs staðar á fjallinu. Eigi mega heldur sauðir eða naut vera á beit uppi undir fjallinu." 4Þá hjó Móse tvær töflur af steini, eins og hinar fyrri. Og hann reis árla næsta morgun og gekk upp á Sínaífjall eins og Drottinn hafði boðið honum og tók í hönd sér báðar steintöflurnar.
Hér komu svo boðorðin tíu sem eru í gildi:
Hmmm, þetta útskýrir allan þennan þjófnað, hórdóm og morð...
Hljómar svolítið eins og að fylgismenn Móse hafi verið ósáttir með boðorðin, brotið töflurnar og sent hann á fjallið að ná í nýja "special edition" útgáfu af boðorðunum.
p.s. "Behold, I bring you the 15 commandm... *brotn* Ooh, drat! I bring you the 10 commandments!"
Mín skoðun er sú að ef kenndar eru biblíusögur þá eigi að kenna kóranssögur o.s.frv. Það er víst ekkert síðri boðskapur í trúarritum annarra trúarbragða. Það eina sem okkur er sagt að allir arabar séu vondir því þeir séu múslimar. Síðan er okkur sagt að allir múslimar séu vondir af því að þeir eru hryðjuverkamenn. Það liggur vitanlega í hlutarins eðli að hryðjuverkamenn eru glæpamenn og þannig er okkur talin trú um að allir arabar séu glæpamenn.
Meðan hér er Þjóðkirkja á að kenna hér kristinfræði, ekki kennisetningar islam, ekki fílafræði hindúa eða blóðslettukúnstir satanista.
Enginn hefur sagt mér að allir múslimar séu vondir. Eru þeir það?
Hjartanlega sammála þér, Prins.
Krakkaormarnir eiga nógu erfitt með að læra Faðirvorið; öll heimsins trúarbrögð eru þeim um megn. Þessi rök 'það er svo margt gott og fallegt í öðrum trúarbrögðum líka' eru fáránleg. Til að skilja sögu og menningu okkar lands og okkar heimshluta þurfa krógarnir að læra biblíusögurnar. Hundheiðnir foreldrar geta svo sjálfir galað seið yfir sínum afkvæmum ellegar kennt þeim Kóraninn.
Og góði Ívar: Þú getur andað léttar. Allflestir múslimar eru sómafólk.
Mér finnst að fólk ætti að læra allavega eitthvað um önnur trúarbrögð, annars er það okkur ómögulegt að skilja aðrar þjóðir... og öll þurfum við nú einu sinni að lifa í sátt og samlyndi á þessari plánetu.
Tökum dæmi hindúasið.. Allt lífsferli manna felst í trúnni þeirra. Þeir fara í nám mjög ungir og stofna svo fjölskyldu eins og flestir í öðrum löndum, en svo þegar annað hvort fyrstu gráu hárin koma eða þá fyrsta barnabarnið, þá halda þeir út í náttúruna, t.d. út í skóg, og taka konuna sína með sér ef þeir vilja.. og þar hugleiða þeir.. oft í mörg ár, þangað til þeir eru tilbúnir til að gerast flakkarar sem aldraðir menn, og kenna ungdóminum og öðrum.
Þetta er allt öðruvísi lífsmáti en við lifum við.. hér er gamla fólkinu bara skellt á elliheimili og viska þess má bara mygla þar.
Ef maður kynnist þessu trúarbragði skilur maður betur hvað er í gangi hjá þeim.
Konur eru ekki hátt settar hjá þeim, en til að berjast fyrir jafnrétti kvenna í þessum þjóðum, verðum við að kynna okkur trú þeirra, því annars verður aldrei tekið mark á neinum.
Persónulega finnst mér einstaklingur ekki getað orðið forseti yfir eins stóru ríki og t.d. bandaríkjunum, án þess að læra einstaklega mikið í trúarbrögðum og trúarbragðasögu. Mér finnst að það ætti að vera skildunám. Þá er ég ekki að meina að menn þurfi að kunna öll ártöl, eða nöfnin á öllum guðum heims (því það væri ómögulegt) heldur bara læra grunninn til að fá innsýn í aðra menningarheima.
Kristinfræði er ágæt útaf fyrir sig, en mér finnst að það mættu fleiri trúarbrögð koma fram í námi barna.
Auk þess finnst mér fermingaraldurinn alltof alltof lágur, því að krakkar á þessum aldri eru engan vegin tilbúin til að setja sér trúarlegar skoðanir.
Ég styð trúfrelsi og þessvegna finnst mér að börn eigi ekki að þurfa að taka trú foreldra sinna. Mér finnst að ef barn einhvers ákveður að stefna aðra leið en foreldrið, þá eigi foreldrið að styðja barn sitt og læra að kynnast trúnni sem barnið hefur valið að taka sér, í stað þess að fara í fýlu og reyna að snúa barninu. Foreldrar ættu að hjálpa til við svona ákvarðanir, þó svo ég mæli ekki með því að ungt fólk ákveði trú sína til fullnustu fyrr en um 18-20 ára.
það er allt í lagi þó að einhver sé búinn að ákveða sig um 15 ára aldur, þá heldur hann bara sinni trú til 18 ára, og ætti þá að geta skráð hana.
Það er bara fáránlegt að fólki skuli vera leyft að vera utan þjóðkírkjunnar. Þar er nægilegt pláss, kærleikur og eins og konan sagði hér að framan, mikið af frídögum.
Hjartanlega sammála þér, Prins.
Krakkaormarnir eiga nógu erfitt með að læra Faðirvorið; öll heimsins trúarbrögð eru þeim um megn. Þessi rök 'það er svo margt gott og fallegt í öðrum trúarbrögðum líka' eru fáránleg. Til að skilja sögu og menningu okkar lands og okkar heimshluta þurfa krógarnir að læra biblíusögurnar. Hundheiðnir foreldrar geta svo sjálfir galað seið yfir sínum afkvæmum ellegar kennt þeim Kóraninn.
Og góði Ívar: Þú getur andað léttar. Allflestir múslimar eru sómafólk.
Þessu er ég ekki sammála. Saga Íslands er þéttskrifuð allskyns trúarbrögðum. T.d. voru hér goð blótuð um aldir, en ekki er það kennt í skólum. Auk þess komu hingað ,,Tyrkir" og rændu fólki og fénaði. Allir voru þeir settir undir sama hatt, blessaðir múslimarnir og voru lengst af réttdræpir hér á landi. Er það það sem kenna á í skólum? Börn og aðrir sem áhuga hafa á sögu og menningu Norðurlanda ættu að forðast í lengstu lög að lesa biflíuna, því þar kemur ekkert fram um Norðurlöndin. Ennfremur hefst ljótur kafli í sögu og menningu Norðurlanda með kristnitöku.
Það er bara fáránlegt að fólki skuli vera leyft að vera utan þjóðkírkjunnar. Þar er nægilegt pláss, kærleikur og eins og konan sagði hér að framan, mikið af frídögum.
Þú ættir að halda þessum skoðunum út af fyrir sjálfan þig. Ofstækistrúartruntan þín!
Viljirðu neikvæðni Hakuchi; lestu biflíuna.
Annars er ég mjög jákvæður, nema gagnvart trúarbrögðum. Ég gjörsamlega þoli þau ekki.
Ég sem hélt að þú værir soddan jafnaðargeðsmaður Texi minn, svo uppbyggilegur (2), svo laus við skap dóna (1).
Ég er það. Skil ekki hvað ég var að hugsa áðan, það er ekkert athugavert við trúarbrögð.
Enda ertu svo kammó náungi að maður getur varla hugsað sér að þú farir að velta þér upp úr slíku tilfinningaþrungnu efni þegar þú getur sungið um glataðar ástir og tár í bjór.
Það er bara fáránlegt að fólki skuli vera leyft að vera utan þjóðkírkjunnar. Þar er nægilegt pláss, kærleikur og eins og konan sagði hér að framan, mikið af frídögum.
Þú ættir að halda þessum skoðunum út af fyrir sjálfan þig. Ofstækistrúartruntan þín!
Ég endurtek: Það er bara fáránlegt að fólki skuli vera leyft að vera utan þjóðkírkjunnar. Þar er nægilegt pláss, kærleikur og eins og konan sagði hér að framan, mikið af frídögum.
Mikið eru þetta ömurlega leiðinlegar umræður. Það þyrfti að færa þráðinn á m**e****.com.
