Hentugt væri að hafa 10 daga í viku og af þeim væru 5 dagar helgarfrí. Virkir dagar væru helmingi fljótari að líða en helgardagarnir. Dagaheitin væru eins og núna en á milli laugardags og sunnudags kæmu þá Gottfriedsensdagur, letidagur og landvinningadagur.
Nei, kemur ekki til greina að halda mánudögum.
Góð ábending. Mánudagur verður þá fjarlægður en í staðinn kemur Hilmarsdagur á milli miðvikudags og fimmtudags.
Vér vekjum athygli á þeirri staðreynd að dagafjöldi í viku hefur eigi neitt með eiginleika alheimsins að gera. Það hafa m.a.s. verið gerðar tilraunir til að breyta dagafjölda í viku en þær mistókust. Hinsvegar gæti verið skemmtilegt að breyta lengd ársins, svo og lengd einstakra árstíða.
Einnig yrði næturhiminninn miklu flottari ef bætt yrði við nokkrum tunglum en það þyrfti að vera hægt að slökkva á þeim (eða breyta lit þeirra í svartan).
Þá sullið þér bara dálitlu af hreinu alkóhóli út í bjórinn. Það væri eins og að skjóta á spörfugla með fallbyssu að fara að gjörbreyta lögmálum alheimsins einungis til að fá sterkari bjór.
Bráðnauðsynlegt er að föt hrindi frá sér öllum vökvum nema um alveg sérstök litunarefni sé að ræða. Rétt í þessu vorum vér að borða appelsínu og tókst að sulla á oss talsverðu af safa úr henni. Hefði verið afar þægilegt ef umræddur eiginleiki hefði verið kominn í núverandi útgáfu alheimsins.
Hlutfall innkomu og útgjalda þarf ávalt að ganga upp þannig að útgjöld verði eigi hærri en innkoma. Nema gjaldmiðlum verði náttúrulega alveg sleppt.
Það væri ákjósanlegt ef að Ritstjórnin myndi upplýsa okkur leyndamálið sem veldur þenslu á vatni þegar að það frýs...
0+0 væri einn.
Fibonachi hefði líkað það
Vjer vorum minntir á þráð þennan í gærkvöldi/nótt og nenntum eigi að lesa hann allan núna til að athuga hvort einhver hafi nefnt þetta en:
Oss finnst nauðsynlegt að tíminn líði mjög hægt er gaman er en hratt á leiðinlegum stundum. Þetta er nefnilega öfugt í núverandi útgáfu af alheiminum og kunnum vjer því illa.
Í næstu útgáfu af alheiminum er nauðsynlegt að stilla mannkynið þannig að ungt fólk þurfi ekki eins mikinn svefn. Það er afar stór galli að hanna fólk á barneignaraldri þannig að það geti ekki höndlað almennilega allar þær næturvökur sem umönnun barna á aldrinum 0-10 ára krefst af þeim.
Á móti má láta þetta fólk sofa lengur einhverntíma eftir 67 ára aldurinn, enda er afar hvimleitt að aldraðir einstaklingar sem eiga í erfiðleikum með að láta tímann líða milli stopulla heimsókna vanþakklátra ættingja skuli ekki geta sofið lengur en 4 og hálfan klukkutíma á hverri nóttu.
Við dauða mætti fólk breytast í brauð, þetta átti víst að vera hluti af núverandi útgáfu en var frestað yfir í þá næstu á síðustu stundu.
Við dauða mætti fólk breytast í brauð, þetta átti víst að vera hluti af núverandi útgáfu en var frestað yfir í þá næstu á síðustu stundu.
Af brauði ertu komin og að brauði mun þú aftur verða..!..
Kannibalismi, líst mér á