Nú held ég að vandamálið sé að farið sé að hanna tilteknar lífverur, sumsé mannverur, og þyrfti að útlista nánar kröfur til eiginleika og hæfileika mannvera, og þá þess hvers væri vænst af slíkum eintökum. Ég tel vænlegast að byrja á að hanna sjálfan grunninn og síðan að byrja á að hanna íbúana, nema að það henti að byrja á að hanna íbúana og að hanna grunninn svo utanum þá. En annars skál, það er að koma helgi.
Já og það sem er gott á bragðið á að vera hollt og ekki fitandi í sama hvaða magni það er neytt. Það sem er vont í dag verður lífshættulegt heildu manns. Ýsuflak skal verða hættulegra en þúsund dollur af mæjónesi og remúlaði til samans.
Það væri líka hægt að leysa þetta með ljóstillífun. Þannig að át væri einungis ánægjunnar vegna og væri ekki lífsnauðsynlegt. Þannig að það sem þú notar ekki gengur niður af þér. Starir þegjandi út í loftið En ef við hefðum það svoleiðis þá þyrftum við ekki að stunda ljóstillífun.Hrökklast aftur á bak og hrasar við Það væri þó hægt að leysa hungur með ljóstillífunarvalmöguleika.klórar sér í höfðinu
Þetta er áhugaverð uppástunga, ljóstillífun gæti verið hentug. Þá er bara spurning hvort mannverur framleiði eigið áfengi, nokkurs konar áfengistillífun. Sleppa þá blóði alfarið úr manneskjunni, og notast eftilvill við ákavíti?
Gerlar ná vissulega að framleiða etanól. Það væri góð hugmynd að fá slík efnaskipti í okkur.
Ef út í það er farið þá hafa sum spendýr þennan hæfileika. Kóalabirnir, minni mig, eyða ævinni vel slompaðir vegna þess að það sem þeir éta gerjast í maganum á þeim og heldur þeim hífuðum. Þá má ekki gleyma þröstunum hér heima sem drattast um draugfullir á haustin eftir að hafa étið of mikið af gerjuðum berjum.
Neinei, þið misskiljið, ég vil ekki að maðurinn þurfi að innbyrða nokkurn skapaðan hlut til að framleiða áfengið, og þá um leið áhrifin. Mér líkar mun betur við þá hugmynd að áfengið myndist í sólarljósi, sumsé ljóstillífun.
Starir þegjandi út í loftið
Já, og veðrið ætti þá um leið að vera mun auðveldara í stýringu, við sjáum bara hvernig þetta veður í núverandi útgáfu er til eilífra vandræða, er ekki hin magnaða veðurvél Hakuchis búin að vera biluð svo vikum skiptir vegna kaffibolla?
Ef það verður gerð alvara úr þessari ljóstillífunarhugmynd þá verðum við að breyta lögun pláneta eða ferli ljóss. Það þarf að tryggja að nóg sólarljós falli á alla staði jarðarinnar, svo til dæmis eskimóar drepist ekki úr hor yfir vetrarmánuðina. Hugsar um hóp af sveltandi grænlendingum í myrkri og kulda Auk þess myndi ekki vera lífvænlegt hér yfir háveturinn.
Einfaldara væri ef eigi þyrfti ljós til að ljóstillífun ætti sér stað.
Já, þá er það spurningin, er ekki tóm vitleysa að vera að binda sig við einhverjar pláhnetuhugmyndir í næstu útgáfu, er ekki betra að hafa þetta allt saman opið, að vera ekkert að fastnegla þetta? hellir aftur í glas Ég vildi til dæmis alveg túlka alheiminn sem barinn góða úr Staupasteini, og ef ég yrði leiður á þeirri túlkun einhvern daginn væri eingöngu þörf á hugsun til breytingar túlkunarinnar?
Er þá bara einn sem getur breytt heimsmyndinni með hugsun eða geta það allir? Það gæti orðið soldið messí
Það væri kannski best að hafa 'samhliða alheima' ('parallel universes') þannig að hver og einn lifi í sinni útgáfu af alheiminum. Þá getur hver og einn breytt heimsmyndinni að vild án þess að trufla fyrir öðrum Starir þegjandi út í loftið
Þá eru allir á einn hátt, "einir í heiminum"
Er þá bara einn sem getur breytt heimsmyndinni með hugsun eða geta það allir? Það gæti orðið soldið messí
Já, þetta er áhugaverð pæling, það er sennilega best að sleppa svona "guð" fígúrum alfarið úr myndinni, held að það yrði ekkert slæmt þó að allir gætu breytt heiminum, í það minnsta sinni eigin túlkun á honum.
bílar gangi fyrir köfnunarefni og súrefni
Af hverju köfnunarefni? Það er erfitt að fá það til að skila sér í góðu ástandi til baka.
Ég legg til að við gerð næsta alheims (útgáfu 4.00) verði útgáfa 2.46 notuð sem grunnur. Það myndi spara mikin tíma því þá þarf ekki að skrifa allan grunnkóðann upp á nýtt. Fyrir þá sem ekki vita þá er 2.46 laus við nær alla kvilla en þeirri útgáfu var breytt í föstudagstilraun nokkurri og við það varð 2.87 til, en hún var bara prufa upp á grín. Fyrir mistök var sú útgáfa notuð til stuðnings við 2,93, sem er einmitt forveri núverandi alheims (3.00). Það var einmitt í 2,93 sem flestar skekkjurnar komu til sögunnar og þar af leiðandi villur á borð við framsóknarflokkinn, hip hop og bláan himin. Því er það ljóst að útgáfa 2.46 er kjörin til að vinna 4.00 út frá. í henni er t.d. jörðin þegar orðin flöt og veðurfar á Íslandi mun betra en í 3.00.
Nú kunna sumir að spyrja hvort ekki sé hentugra að nota 2.39 sem er með enn færri villur en 2.46. Málið með það er að 2.39 er ekki skrifuð í svipuðum kóða auk þess sem vetrarbrautir í henni voru einungis 40365 og aðeins 5 þeirra byggðar.
Þarna er ég alveg sammála Dr. Gottfriedsen. Svo má líka bæta við að það eru mikið fleiri á lífi sem hafa unnið með kóðan úr 2.46. En það tel ég vera mikinn kost þó að öðrum finnist það aukaatriði.