Vér óskum eftir að kaupa nýlega tímavél í góðu ásigkomulagi. Vér þurfum að fá hana á næstu klukkustundum því vér erum orðnir svo forvitnir að vér ætlum að stelast til að kanna hvernig árshátíðin verður (var).

Mögulegir seljendur eru beðnir um að láta í sér heyra hér. Æskilegt er að vér þurfum eigi að greiða fyrir tímavélina fyrr en eftir fyrstu notkun því hún mun felast í að breyta fortíðinni lítillega svo vér höfum efni á tímavélinni (vér reiknum með að tímavélar séu eigi ódýrustu heimilistæki er fyrirfinnast í heimi hér).

Ég er með eina tímavél en sá galli fylgir að þú getur einungis flakkað í framtíðina en ekki í fortíðina. Þetta lýsir sér best hvernig almennur matur úldnar á mjög skömmum tíma, eftir að hafa verið settur þarna inn. Ég keypti þessa vél fyrir misskilning, hélt að þetta væri ísskápur.

‹hugsar sig um›
Nei annars hún er ekki til sölu. Ég hef fengið þá snilldarhugmynd um að nota hana í heimabruggið.

í sambandi við þessa tímavél þína, eflaust hinn eigulegasti gripur, þá var ég að velta því fyrir mér hvort hægt væri að semja við þig um örlítið viðvik ?

þannig er að hún amma gamla situr heima á öllum ævisparnaðinum sínum eins og ormur á gulli en er ekkert á þeim buxunum að geispa golunni strax. ég er hins vegar kominn svo langt framyfir á heftinu og með heilt lögfræðingastóð á eftir mér að mig langaði að vita hvort ég mætti stinga henni þarna inn næst þegar þú setur græjuna í samband ?

Merkilegt hvað allt grænmeti myglar fljótt. Kannski ég borði það ekki nógu hratt, oft eða mikið...held að maður þyrfti einna helst að borða það allt á leiðinni heim - í það minnsta ef verslað er í Bónus. Varðandi vandræði þín Homosapiens vil ég benda þér á snilldartexta Helga - persónulega trúbadorsins: ,,ég seldi bílinn þinn amma, út af því að mig vantaði pening, það þýðir ekki mig að skamma - þú ert bara kelling! Og þú hafðir ekkert með þennan bíl að gera því ég á heimtingu á arfinum, já ég á heimtingu á arfinum". Svona t.d.

Þar stendur kjárni málsins. Bónus-grænmeti er ekkert ódýrara heldur en grænmeti keypt á Hagkaupum, geri maður ráð fyrir hvernig allt sé að fara að mygla. Maður fær ekki að borða nema helminginn af því sem keypt er á Bónus. Langbest er að versla grænmeti annars staðar.

Já Bónus á vinninginn en eru samt ekkert einir um þetta. Sbr. Hagkaup þá er óþolandi að kaupa spínatpoka á föstudegi sem er ónýtur á sunnudegi. En það endist oftast betur sem keypt er þar. Annars eru þetta allt sömu krimmarnir. ‹Blótar herfilega og rífur hár sitt›

Ég mundi ferðast aftur í tímann til að upplifa þarna eitt skiptið þegar mér leið alveg ofboðslega vel. Ætli ég hafi ekki verið 12 ára?

Ef ég ætti þetta farartæki þá væri maður til í að ferðast um söguna og vera bara áhorfandi t.d. að því þegar Neró spilaði á hörpuna á meðan Róm brann og líka kíkja aðeins á óeirðirnar á Austurvelli 1949. Svo mundi maður náttúrulega fylga Píslarsögunni eftir lið fyrir lið.

Þetta getur orðið skemmtileg umræða... Hvert viljið þið ferðast í tímavél?

Aftur á árshátíðina, tvímælalaust! ‹Mælir það samt aftur, bara til öryggis›

Rugl og þvæla! Að mig minnir var hann eigi á staðnum er eldurinn kviknaði en er hann lét sjá sig þá hjálpaði hann til við að slökkva eldinn og brenndi sig einnig illa á því.
En það væri einnig gamansamt að vera áhorfandi að orustunni við Laugarskarð þegar 300 manna lið Grikkja, með Leónídas konung í broddi fylkingar, náðu að halda aftur um 100.000 Persum.

Ef ég hefði tímavél undir höndum myndi ég nota hana til að fara aftur á 18 öld, ná mér í glæsilegan kjól og massa af einhverju vínkenndu, og geisla mér svo rétt út fyrir Kaffi 11 klukkan tíu mínútur í átta í gærkveldi..

Neró lét lét líta svo út að hinir kristnu hafi brennt Róm og fann þannig átyllu til þess að leiða þá sem lömb til slátrunar á altari skemmtnaiðnaðarins í Colloseum. Sagan segir að hann hafi leikið á hörpu, en mig langar einfaldlega að sannreyna það. Síðan má í framhjáhlaupi minnast á að hið nákvæmlega sama gerðist þegar Ríkisþinghúsið i Berlín brann á fjórða áratugnum, en nasistar kenndu þá kommúnistum um.

Já, meðan ég man, þá mundi maður nú leysa nokkur morðmál með aðstoð tímavélar.

Satt er það, Tinni, Neró vildi endurskipuleggja Rómarborg og eldurinn kom í kjölfarið á því. Til að bjarga sjálfum sér kenndi hann gyðingum um, og á þeim tímapunkti voru kristnir menn álitnir gyðingar, svo þeir tóku skellinn.

Ég mundi fara fram í tímann og vera viðstaddur eigin jarðaför.

Ég mynd njósna um Egil og kortleggja hvar hann gróf silfrið sitt.

Sæll Vlad, ég á að eiga einhversstaðar tímavél en ég hef bara ekki hugmynd um hvenær hún er.

Þú þarna skrattakollur. Afhverju fékk maður ekki að sjá smettið á þér á árshátíðinni.

Vegir Glúms eru órannsakanlegir, án spaugs, það er með öllu vonlaust. ‹Reynir að festa sjálfan sig á mynd en hlýtur einungis raflost við tilraunina›
En í fullri alvöru verð ég að játa það að ég átti aldrei nema daufa von um að geta mætt á árshátíð, ég ákvað þó að skrá mig til vonar og vara auk þess sem ég vildi um leið hvetja aðra til að mæta svo árshátíðin gæti verið sem skemmtilegust hvort sem ég væri þar staddur eða ekki. Ég var staddur utan Reykjavíkur þegar hátíðin stóð yfir. ‹Dæsir mæðulega›