Kóbalt var uppgötvað árið 1735 af George Brandt í Svíþjóð. Nafn þess er komið frá þýska orðinu kobalt eða kobold, sem þýðir illur andi, en það voru þýskir námuverkamenn sem áttu hugmyndina að nafninu þar sem málmurinn þótti til vandræða og mengaði aðra málma sem verið var að grafa eftir.
Kóbalt er nauðsynlegt mönnum í smáum skömmtum, eðlilegt magn þess í líkamanum er 20 ppb (miðað við massa). Kóbalt er miðatómið í kó-ensíminu cobalamin, sem er einnig þekkt undir nafninu vitamin B-12. Hreint kóbalt á duftformi er afar eldfimt og skal meðhöndla öll kóbaltsambönd sem eiturefni. Sum efnasambönd kóbalts eru krabbameinsvaldandi. Kóbalt-60 er geislavirkt og er notað við geislameðferð í lækningaskyni. Það framleiðir gamma geisla af tveim orkustigum, 1,17 MeV og 1,33 MeV. Kóbalt málmurinn er nýttur í margvíslega hluti þ.á.m. segla, efnahvata í iðnaði, háhraða stál, málmblöndur, rafhlöðu elektóður og þurrkunarmiðla fyrir málningu, lökk og blek.
Kóbalt situr í sæti 27 í lotukerfi Mendeleevs og hefur atómmassann 58,933200(9) amu. Eðlismassinn er 8900 kg/m3 og harkan er 5,0. Radíus kóbalt atóms er 135 pm en samgildur radíus er 126 pm, Van der Waals radíus er enn sem komið er óþekktur. Oxunarstig eru frá (I) til (IV). Kóbalt er hart ferrómagnetískt silfur-hvítt efni með Curie-hitastigið 1388 K. Bohr momentum er 1,6 – 1,7 per atóm. Kristalsbygging þess er hcp en umbreytist í fcc við 722 K.
Ef til vill kem ég seinna meir með upplýsingar um hin ýmsu efnasambönd kóbalts en þau eru fjölmörg, sem og ísótópur þess.
Hvað með notkun kóbalts í Landbúnaði? Nú höfum vér kóbaltbætt allar landbúnaðarvörur sem og áfengis og landaframleiðslu landsmanna. Er þetta ekki hið besta mál?
Hver veit mest um kóbalt...Hóras...Rauðbjörn...Glúmur...Vladimir...ég heimta fræðslu á árshátíðinnni...
Hvað með notkun kóbalts í Landbúnaði? Nú höfum vér kóbaltbætt allar landbúnaðarvörur sem og áfengis og landaframleiðslu landsmanna. Er þetta ekki hið besta mál?
Sem yfirbóndi á ættir þú að gæta þess að hafa magn kóbalts í jarðveginum, þar sem þú ræktar og þar þess skepnurnar bíta grasið, í kringum 0,13 - 0,30 ppm. Eðlilegt kóbaltmagn í líkamanum er 20 ppb og liggur það að lang mestum hluta í B-12 vítamíni. Líkaminn þarf u.þ.b. 0,0015 mg af B-12 daglega en líkaminn ræður við allt að 2,0 mg kóbalts(miðað við 100 kg manneskju). Yfirmagn kóbalts til lengri tíma hefur slæm áhrif á hjarta starfsemi og frjósemi karla. Nú er bara spurningin: Hvað hefuru verið að sprauta miklu kóbalti í vörur þínar?
Miklu? Ég setti bara nóg til að framkalla fagurbláan lit á sem flestu. Reyndar tekur sumt illa lit en þá setur maður bara meira kóbalt í. Svo var últrakóbalti bætt í súrmat, hákarl, skötu og aðrar bragðmiklar vörur.
Svo skal það tekið fram að ég er ekki bóndi og læt ekki bendla mig við slíkan aumingjahóp.
Þegar fagurblái liturinn kemur fram þá hefur kóbaltið bundist vökvanum í þeirri framleiðsluafurð. Það kóbalt ætti að skila sér að mestu úr líkamanum innan nokkura klukkustunda, ef vel er tuggið. Samt soldið varhugavert, hefur þú íhugað að blanda með járni eða zink?
Nei, en slíkt má alveg athuga.
Hver veit mest um kóbalt...Hóras...Rauðbjörn...Glúmur...Vladimir...ég heimta fræðslu á árshátíðinnni...
Oss grunar að það muni vera Glúmur, a.m.k. hvað notkun þess í heilsusamlegum tilgangi snertir, sbr. þetta ógleymanlega innlegg:
http://www.baggalutur.is/viewtopic.php?t=1247&postdays=0&postorder=asc&start=0
(og e.t.v. líka þetta til að sjá í hvaða samhengi ofangreint innlegg varð til: http://www.baggalutur.is/viewtopic.php?p=6595&highlight=#6595 )
Sjálfir höfum vér mest fengist við kóbalt í hernaðarlegum tilgangi og slík notkun er að sjálfsögðu hernaðarleyndarmál.
Augljóslega fer þetta eftir fræðasviði. Sjálf er ég lítið fróð um noktun kóbalts, en á móti kemur að ég veit hitt og þetta um uppruna orðsins og þjóðtrúna sem því er tengd.
Láttu flakka!
Já ég væri til í að fræðast meira um kobold
Ég hef spjallað við konu sem segist eiga ættir sínar að rekja til þeirra er fundu upp litinn kóbalt (til að lita gler og þess háttar). Slóveni, var fjandi flink í karate.
Ég fór einu sinni í dýragarð og sá flugu
Fróðlegt væri að vita hvort þjóðtrúin sé eitthvað á skjön við þá hagnýtingu kóbalts er hér tíðkast eða hvort hún sé nákvæmlega í samræmi við hana. Eða með öðrum orðum, að vita hvort eitthvert vit sé í umræddri þjóðtrú.
Allar þjóðtrúr hafa eitthvað sannleikskorn á bak við sig. Við Frelsishetjan eigum þátt í nokkrum þeirra.
Fyrirgefið mér aðeins félagar. Mér fanst það bara við hæfi að skella 300asta innleggi mínu hér inn á Kóbalt þráð! Viðurkenni þó fávisku mína á Kóbalti, annað en það að það er eðalgott til drykkjar og má alls ekki blanda eða þynna út! Eys í stórt glas úr Kóbalt tunnuni sem Mikill Hákon gaf honum fyrir pikköppinn góða Mikil ósköp!
Dáist að hundingjanum fyrir að drekka 1768 gráðu heitann drykk