Seðlabanki Baggalútíu í samráði við viðskipta- og fjármálaráðuneyti Baggalútíu hefur ákveðið að víkja frá svokallaðri fastgengisstefnu.

Gengi gjaldmiðils Baggalútíu hefur því verið sett á flot til að tryggja stöðugra hagkerfi, þ.e. stöðugra verðlag og að raunframleiðsla haldist sem næst raunframleiðslugetu.

Verðbólgumarkmið og vikmörk verða kynnt síðar á ársfundi Seðlabanka Baggalútíu.

Væntir Seðlabanki Baggalútíu að fjármálastjórn muni stunda íhaldsamari aðgerðir vegna yfirvofandi þensluáhrifa sem vænta má af aukinni stríðsgagnaframleiðslu.

Brenjar,
Seðlabankastjóri Baggalútíu.

Til að tryggja enn frekari stöðugleika er heppilegt að halda úti sérsveit leigumorðingja sem rekja gjaldeyrisfærslur með gjaldmiðil Baggalútíu til miðlara. Ef einhverjir miðlarar virðast vera að leika sér með gengið þá munu þeir lenda í 'slysi'.

Með fullri virðingu, þá getur enginn leikið sér með gengið nema hann sé í ríkisstjórn. Þ.e. það þarf það mikið peningamagn til að valda breytingum á gengi að enginn nema þeir sem eru í ríkisstjórn geta stundað þannig atburði.

Auk þess hafa meðlimir ríkisstjórnar ótakmarkaða heimild til að stunda afleiður.

‹Stendur upp og setur "kind of Blue" með Miles Davis á fóninn til að halda andrúmsloftinu léttu›

Hvað með gengisvarga á borð við Soros? Svoleiðis menn og fyrirtæki þarf að halda niðri með rótttækum aðgerðum. Skemmdaverk og leigumorð eru langheppilegust til þess. Skemmtilegust í það minnsta.

hmm... mætti ég? ‹er kominn í njósnabúninginn sinn›

Ha? Soros? Ég hélt að þið væruð búnir að banna þvílíkt. Jú, endilega látið þetta hverfa á sem skemmtilegastan hátt.

‹býður Hakuchi og Miklum Hákoni koníak og viskí›

‹dreypir á viskíinu›

hvað er svo budgettið fyrir eitt svona verkefni?

‹réttir Brenjari lista yfir nauðsynlega hluti til aðgerðarinnar›

‹Tekur við listanum (sem er óvenjuvel skrifaður) og les hann í hljóði›

Listinn er vel skilgreindur og tel ég svo vera að kostnaðarábatagreining á umtalaða aðgerð myndi leiða til upphæðar innan kostnaðarramma. En það veltur jú á Hakuchi, hann mun ákveða nákvæmari aðgerðir (þ.e. val á vopnum og hvaða aðilar munu taka þátt).

Svo er nauðsyn að helstu ráðamenn hér viti fyrirfram af væntanlegum gnegisbreytingum. Gerir það oss mögulegt að framkvæma nauðsynlegar aðgerðir fyrir gengisbreytingar (kaupa og/eða selja einstaka gjaldmiðla, eignir, hlutabréf o.þ.h.).

Vladimir

Hrossabrestur, hæstvirtur fjármálaráðherra, hefur ekki gefið sér tækifæri til að tjá sig um nýtilkomna stefnu? Getið þér rætt við hann?

Bölvaður ónytjungurinn sagðist ætla að fara á ráðstefnu í Mexíkó um litarhaft eyðimerkurkaktusa. Hann hefur ekki snúið þaðan.

Mikill Hákon

Biðst ég afsökunar á að hafa ekki hrósað þér fyrr fyrir þitt nýja útlit. Þú býður mikinn þokka og göfga sem sæmir sönnum keisara.

Enn og aftur, ég biðst innilegs forláts.

Það var ekkert, en takk samt. Sjálfur geturðu verið stoltur af hárinu þínu, hvaða sjampó notarðu?

Viðurkenna verð ég að þetta er eigi mitt rétta útlit.

Fljótlega mun ritstjórn og yfirríkjendur Baggalúts setja hina sönnu mynd af mér á Gestapó en þá grunar mig að þú munir ekki vilja vita hverrar tegundar sjampóið er sem ég nota.

Þakka yður annars kærlega fyriri

Allt í lagi, þá bíðum við bara. Hvar er Hakuchi annars?

Hann skrapp í konungslegt nudd.

‹Labbar að glugga sínum sem gnæfir yfir Baggalútíu á 5.hæð. Hús er aðeins gleri klætt. Brenjar bendir Miklum Hákoni á Nuddhúsið›

‹Gengur vel nuddaður og hress inn á skrifstofuna›

Aaahh lágmark að fara í nudd fyrir mikilvægar hasarferðir.

‹Klappar saman lófum og lítur í kringum sig›

Jæja, eigum við ekki að hafa okkur til? Við munum í það minnsta þurfa kasthnífa, eiturslöngur, c-6 sprengiefni, riffla með sjónaukum og hljóðdeyfum, níþröngalatex samfestinga, nætursjóngleraugu, fölsuð skilríki, flugseðla til NY, London og Frankfurt, nokkur seðlabúnt og trúðabúning.

Ég segi að við pöntum nokkra svona búninga fyrir ránsferðina.