Þar sem stöðugleiki í hagkerfi fer oft samhliða stöðugleika í stjórnkerfi þjóðar þá vil ég lýsa yfir áhyggjum mínum hvað varðar skilnað keisarahjúanna.
Ef við bregðumst ekki rétt við þá gætum við endað í bullandi samdrætti og það viljum við ekki. Ég legg til að brugðist verði við með eftirfarandi aðgerðum, sem ættu að halda viðskiptajöfnuðinum jákvæðum og stuðla að efnhagslegum stöðugleika og hagvexti innan Baggalútíu:

- Samneysla yrði aukin.
- Opinberar framkvæmdir auknar og þeim flýtt.
- Minnka peningamagn í umferð.

Annars þá er ég ósáttur við hvað það hefur verið lítið rætt um hagkerfið, með þessum tillögum vonast ég til að geta kvatt allar fólskurlegar hugmyndir um áætlanahagkerfi og hafið markaðsbúskap sem fyrst.

Vísindaráðuneytið er sem stendur að vinna að þróun Kópalms(TM) (Kóbalt napalm) og auk þess að undirbúa þau tól sem verða notuð til að útrýma Strumpunum. Þetta ætti að auka samneysluna og skapa atvinnu fyrir illgjarna snillinga.

Já, og ég tek undir ummæli þín um áætlunarbúskap. Engan kommúnisma í Baggalútíu! Við verðum að vernda hreinleika líkamsvessa okkar.

Voðalega eru þetta keynesískar tillögur. Síðan er ekki voðalega gáfulegt að minnka peningamagnsumferð í miðjum samdrætti, nema um 'stagflation' sé að ræða.

Það sem Baggalútía þarf að gera er að opna hagkerfið algerlega fyrir öllu ólöglegu fjárstreymi. Baggalútía ætti að verða pengingaþvottastöð heimsins. Með markvissum aðgerðum eins og að sprengja karabískar eyjar, gera innrás í Sviss og beita múgsefjunaraðferðum til að plata Belga til að rústa Lúxemborg getur Baggalútía lagt undir sig markaði fyrir fjármagn sem rekja má til eiturlyfja, vopnasölu og hvers kyns arðbærra fjárfestina í skuggahagkerfi heimsins. Umfang skuggahagkerfa Vesturlanda er líklega í kringum 10-20% af þjóðarframleiðslu hvers ríkis og er því eftir nógu að slæðast.

Já, Vísindaráðuneytið gerir tilkall til þess að vera með í ráðum varðandi Belgíu. Það er mikilvægt að engar aðgerðir gegn landinu stofni miklum menningarverðmætum þess í hættu.

Það er þá ákveðið!

‹Kemur á fót Seðlabanka Baggalútíu›

Fyrsta verkefni Seðlabanka Baggalútíu verður að koma á kóbaltmyntfót, til þess að tryggja gengi gjaldmiðils okkar og annarra, en flotgengisstefna er hérmeð sett.

Annað verkefni verður að bjóða uppá svokallaða 'feluinnlánsreikninga', en þá er gjaldeyrir tekinn og settur undir ristastóra dýnu inni í hvelfingunni. Þetta myndi henta fíkniefnabarónum og einræðisherrum einstaklega vel, enda myndu þeir mynda yfir helming markhópsins sem við ætlum að reyna að höfða til.

Þriðja verkefni hans verður að koma á endurhverfum viðskiptum til einstaklinga jafnt sem viðskiptastofnanna og viðhalda þannig ríkidæmi þegna Baggalútíu.

Og Hakuchi, Keynes hefur aldrei verið óhollur fyrir hagkerfið, hann þvert á móti er mjög nytsamlegur til þess að 'laxer' út þessum djöfullega óstöðugleika rétt á meðan skilnaðurinn stendur yfir.
Búist við samneyslufylleríi að honum loknum, Benz handa öllum ríkisborgurum!

Stýrivextir eru settir 0,0%

Ég hélt að Seðlabanki Baggalútíu væri þegar til. Hvað ætli Seðlabankastjóri segi við þessu?

‹Sér að Brenjar kemur sótrauður af reiði› Best að fara núna...

Er þetta satt?

‹Brýtur niður nýja merkið og lætur setja upp annað: 'Credit de Baggalútía'›

Svona svo að enginn vafi sé.

Miklu betra, hljómar líka dáldið belgískt. Getum við núna gert Belgíu að Baggalútískri nýlendu og dregið landið úr ES til verndar menningarverðmætum?

Ætti það ekki að vera forgangsverkefni þegar samneysla í Baggalútíu er rædd að gefa öllum ríkisborgurum lausn frá símakostnaði vegna internetnotkunar?

Heur, heyr, góði doktor!

Nú er best að ég fái orðið.

Rauðbjörn, í fyrsta lagi getum við aldrei sett stýrirvexti sem 0,0% því þá lendum við í lausafjárgildru, þ.e. við getum ekki stýrt nafnhagkerfinu.

Við getum aldrei aukið samneyslu en samt minnkað peningamagn í umferð nema við tökum upp einhverskonar peningamagns- og framleiðslustýringu á öllum fyrirtækjum og stofnunum Baggalútíu.

Opnun hagkerfisins myndi að öllum líkindum stórauka hagvöxt vegna þess að Baggalútía er mjög fýsilegt hagkerfi fyrir ólöglega starfsemi þar sem þegnar eru skyldugir til að trúa og treysta á ríkisstjórnina (annars tekur Blástakkur til sinna ráða).

Hugmyndir Rauðbjörns eru ekki slæmar hvað varðar að koma hagkerfinu úr efnahagslegum slaka (fyrir utan að minnka peningamagn) og já, þær eru Keynesískar.

Tökum tillit til þess að ef raungengi (nafngengi) myntar Baggalútíu styrkist þá mun verðbólga hjaðna vegna lækkunnar á verðlagi innflutnings.

Rauðbjörn, endilega komdu með fleiri svona góðar hugmyndir. Beinn sími til mín er: 777-777-555-888-0101-7676-0007

Kveðja,
Brenjar Seðlabankastjóri

Lesist: belgískur bjór verður ódýrari. Þá eru allir glaðir, ekki satt?

Ég hélt það væri 800-BROKE

‹lætur 10kr í seðlabankasjóð Rauðakrossins›

Er ekki rétt að benda á að stríð hafa alla tíð rifið af stað hagkerfi samanber seinni heimstyrjöldina, þannig að ég legg til að ríkisstjórn og keisari lýsi yfir stríði á hendur Jótlandi ‹sem mun breiðast um alla danmörku›. Þar sem danir eru enn á brúðkaupsfyllerí þá tel ég þetta vera rétta tímann til að framkvæma þetta ‹Gefur frá sér vellíðunarstunu›

Hvernig fara þá múslimarnir að þessu? Þeim er meinað að leggja á vexti af heimskulegum(trúarlegum) ástæðum.
Þetta er vitaskuld bull, við getum alltaf hækkað þá aftur.

Ég segi að við beitum undirróðursstarfsemi fyrst, eins og að byrla þeim ólyfjan með eitruðum harðfisk og því brjóta niður alla mótstöðu.