Þetta er kannski í öðrum dúr en hinar vísurnar. Málið er að semja um hvers kyns námsgreinar sem hugurinn girnist. Ég er hérna með nokkrar úr jarðfræðinni:
Hvernig móbergsstapi myndast:
Fyrst í stað er flæðigos
með fögrum afleiðingum
námið leyfir lítið los
á litlum MR-ingum.
Þetta nefnist bólstraberg
bæði kennt við kodda
svo fer allt í mauk og merg
í móbergsdrullugrodda.
Ef fjallið upp sig hefur hátt
þá heldur verður gaman.
Askan flæðir aftur brátt
það ægir öllu saman.
Ef þú skyldir æða af stað
og engu hafir að tapa
þá skaltu muna að þetta er það
sem þekur móbergsstapa.
Fáa mun það geta glatt
um gjótu og nadd að skríða
apalhraunið ekki flatt
engir hellar prýða
Göngumóðum helluhraun
hæfir undir fótinn
í löngum holum leynist raun
ljóss ef vantar bótin
hmmm jarðfræði áfram bara, að þessu sinni um myndun skessukatla (datt ekkert annað í hug)
Rennur vatnið vasklega
vindur upp á grjót
skafa í hringi skaplega
skessukatla mót
Fyrir malbiksbörnin:
Ríður hverjum rekk á slig
raun sú stór, og böl,
flestum hart að fóta sig
finnst, í lausamöl.