Ágætu meðlimir ríkisstjórnar.

Þar sem Baggalútía stækkar að því er virðist með hverjum deginum sem líður, verðum við að bregðast við krefjandi verkefnum og því að hlutir geta gerst í öllum heimshornum okkar mikla heimsveldis.

Ég setti að gefnu tilefni saman nefnd til þess að ræða þetta mál, og voru fundir hennar hinir ánægjulegustu og áhugaverðustu. Ein af tillögum mínum á þessum fundum þótti bera af og legg ég hana nú fyrir hæstvirta ríkisstjórn.
Lagt var til að ný embætti verði sett á laggirnar, embætti sendiherra og fulltrúa ríkisstjórnar í hinu og þessu heimshorni. Þótti viturlegt að því yrði skipt svo:

- Sendiherra Evrópu = ruglubulli
- Sendiherra N-Ameríku = Barbie
- Sendiherra S-Ameríku = Maradona
- Sendiherra Asíu = Vladimir Fuckov
- Sendiherra Eyjaálfu = Sverfill Bergmann
- Sendiherra Afríku = Mikill Hákon
- Sendiherra Suðurskauts, norðurskauts og annarra heimsálfulausra ríkja = Hilmar Harðjaxl
-Sendiherra Páskaeyju = Goggurinn
Handhafar þessara embætta gætu verið núverandi ráðherrar og/eða aðrir embættismenn. Að gegna þessu embætti ætti ekki að hafa áhrif á núverandi störf þeirra.
Þeirra hlutverk væri að vera rödd síns landsvæðis hvað varðar stjórnmál, hernað, viðskipti, kóbaltframleiðslu og hugsanlega eitthvað tengt sauðum (þegnum). Þeir yrðu spurðir álits um allt varðandi sín landsvæði, og taka þátt í ákvarðanatöku um þau.
Lít ég svo á að þetta myndi auðvelda verðandi heimsyfirráð Baggalútíu, og auka virkni í afskiptum ríkisstjórnar af umheiminum.

Hvað finnst ríkisstjórn um þessa hugmynd?

‹Fær sér kleinu og sötrar kaffi›

Þú ert ansi virkur, það verður ekki af þér tekið. En varðandi öll þessi yfirráð og allt þetta landssvæði, væri ekki tilvalið að gera eitthvað af þeim að lénum með tilheyrandi lénsherrum? Ef svo fer hef svo sem ekkert að gera? ‹tvístígur og muldrar eitthvað í barm sér›

Við verðum að byrja heilaþvott strax í þessum löndum og gera Innfædda hliðholla okkur. Við viljum ekki að veldi okkar falli innan frá sökum stærðar sinnar.

Þú ert semsagt samþykkur þessum ráðagerðum? Það er fyrir öllu, Hákon minn.

Sjálfur hef ég augastað á því að verða sendiherra/lénsherra Evrópu, en ég legg til að Konstantín hljóti N-Ameríku, nema að hann kjósi eitthvað annað frekar...

Það er nú einkar auðvelt að heilaþvo þá.

Þú notar kannski þessa maskínu sem er á höfði þínu við heilaþvottinn...er þetta einhverskonar "mind control device"?

Norður-Ameríka, ég hafði nú hugsað mér eitthvað miklu smærra. Það er aldeilis hvað menn eru stórir í hugsun enda mikilmenni ‹tekur ofan›

Að hluta til, byggt þá á svipaðri tækni og hjálmurinn hans Blástakks.

Ég þakka hólið. Þú mátt þá velja þér þá heimsálfu sem þér líkar.

Ef allir eru samþykkir, óska ég eftir að fólk sæki um sendiherrastöðu í þeirri heimsálfu sem þeir hafa áhuga á. Þegar það hefur allt verið gert getum við hafið herför okkar til þess að stjórna heiminum!

Hvað er að sjá þennan lista? Er Kardimommubær ekki heimsálfa lengur? Þar gæti ég hugsað mér að stjórna.

Mér fannst fólkið þar ekki nógu sjálfstætt til þess að hafa eigin sendiherra.
Það fellur undir "Sendiherra Suðurskauts, norðurskauts og annarra heimsálfulausra ríkja"

Þá sæki ég um sendiherrastöðu þar.

Samþykkt.

Ætlar enginn annar að sækja um stöður sem sendiherra?

‹Íhugar að búa til nýjar pappalöggur og setja þær sem sendiherra Baggalútíu í heimsálfunum›

Ég gæti vel hugsað mér að vera sendiherra í Licthenstein, ef slík fyrirkomulög leyfast?

Því miður, Liechtenstein heyrir undir Evrópu. Auk þess gengur þessi hugmynd út á fjöldastjórnun frekar en mícró-stjórnun, þ.e. heimsálfur frekar en lönd eða þjóðir.

Við getum þó rætt um það að þú veljir þér eina heimsálfu og síðan getum við fundið einhverjar leiðir til þess að flytja Liechtenstein þangað.
Hljómar það ekki vel?

Helsti munurinn felst auðvitað í því að búið er að fjarlægja fjarpyntingarbúnaðinn býst ég við. Nema þú ætlir að koma skemmtilega á óvart í framtíðinni?

haha, maður veit aldrei ‹setur upp dulúðarsvip›

Einhvern tímann var það nú ákveðið á ríkisstjórnarfundi hvað varðar sendiherra og ræðismenn að aðeins væri eitt slíkt embætti þetta var þá ákveðið vegna hagræðingar og sparnaðarsjónarmiða, en mikið hafði þá grynnkað í "Drykkjusjóð Baggalútíu", sú staða héti þá Sendiherra útlanda. Hvort nokkurntímann var ráðið í starfið man ég eigi, þá helst Vlad sem heldur utan um slíkt.