— GESTAPÓ —
Um hlutverk nefnda í stjórnskipan Baggalútíu
» Gestapó   » Baggalútía
 • Svara • Vitna í •  Senda skilaboð Senda póst
Vladimir Fuckov 14/4/04 10:16

Vér höfum orðið þess varir í ýmsum umræðuþráðum hér að lítilsháttar misskilnings virðist hafa gætt hjá m.a. hæstvirtum nefndamálaráðherra um hlutverk nefnda í stjórnskipan Baggalútíu. Felst hann í því að líta á niðurstöðu nefnda sem nánast ígildi lagasetningar og að fara því strax að vinna eftir nefndarálitinu.

Þetta er hinsvegar eigi hlutverk nefnda heldur er það eftirfarandi:

(1) Tefja og/eða svæfa óþægileg mál með því að láta líta út fyrir að verið sé að gera eitthvað þegar ríkisstjórnin í reynd vill ekkert gera. Í þessum tilvikum lýkur málinu annaðhvort með því að það gleymist eða þá að það hættir að skipta máli sé það tafið nægjanlega lengi.

(2) Létta ráðherrum störfin með því að afla gagna, "summera" þau upp og e.t.v. leggja til einhverjar aðgerðir. Það er svo ráðherra að ákveða hvort hann fylgir tillögum nefndarinnar, þ.e. valdið er alfarið hjá ráðherra. Hann getur ákveðið að gera eitthvað allt annað en nefndin leggur til.

(3) Vera sá aðili er ráðherra getur kennt um í óþægilegum málum. Hann getur alltaf sagst hafa treyst niðurstöðum nefndarinnar og því sé klúðrið eigi hans sök. Í svona tilvikum er yfirleitt æskilegt að halda því leyndu hvernig nefndin var skipuð og/eða hafa þá starfsemi og "tengslanet" er tengist nefndinni sem illskiljanlegasta. Í vissum tilvikum getur hentað hagsmunum ríkisstjórnar að koma af stað slúðursögum um skipan og uppbyggingu nefndarinnar.

Forseti Baggalútíu & kóbalt- & hergagnaframleiðsluráðherra o.fl. Baggalútíu • Staðfestur erkilaumupúki • Óvinur óvina ríkisins #1 • Virðulegasti Gestapóinn, krúttleysingi og EIGI krútt • Óafvitandi aðili ósamhverfra vensla
 • Svara • Vitna í •  Senda skilaboð Senda póst
Hakuchi 14/4/04 10:21

Þakka þér fyrir að útlista þetta Vladimír minn. Ruglubulli var farinn að seilast ansi langt í sínum embættisfærslum. Eflaust er það ákafi ungdómsins sem keyrir hann áfram. Ósköp sætt þegar maður lítur þannig á það.

 • Svara • Vitna í •  Senda skilaboð Senda póst
Nykur 14/4/04 11:10

Held að hann Ruglubulli okkar sé einfaldlega ofkeyrður. það mátti kannski búast við slíku þegar það var ákveðið að innan ríkisins starfaði einungis ein nefnd. En upprunalega markmiðið með stofnun þessarar nefndar var einmitt eins og kemur fram hjá þér kæri Vlad að svæfa óþægileg mál og geta sagt alþýðunni að þetta mál eða hitt væri í nefnd og þannig skapaðist friður og sátt um stjórnsýsluna. Væri ekki ráð til að skipa undirnefnd sem Ruglubulli gæti fært málefni á eftir þörfum? Síðan legg ég til að Ruglubulli verði skikkaður til að sofa meira en í tvo klt. á sólarhring það hreinlega gengur ekki! Ég hef átt erfitt með svefn síðan mér barst þetta til eyrna og vil ekkert vita af Ruglubulla vakandi þarna úti einhversstaðar þegar maður er í fastasvefni. Tel jafnframt að vinnuþjarknum Ruglubulla veiti ekkert af góðu fríi í sælureit Ríkisstjórnarinnar á Costa del sol ég var þar um Páskahelgina við opnum Hotel Fuckov og þar er gott að vera.

Krónprins & Forsætisráðherra Baggalútíu • Baggalútíu allt!
 • Svara • Vitna í •  Senda skilaboð Senda póst
Nafni 14/4/04 11:33

Ja hvur þremillinn....................... ‹Starir þregjandi út í loftið›

 • Svara • Vitna í •  Senda skilaboð Senda póst

Þetta er ekki allskostar rétt hjá ykkur, og er ég hreinlega móðgaður á þeim yfirlýsingum sem þið hafið hent hérna fram um hlutverk og nauðsyn nefndarmálaráðuneytisins. Þykir mér þetta lýsa fáfræði um gang stjórnunar í nútímasamfélagi á borð við Baggalútíu.

Vera má að nefndarmálaráðuneytið sjái um þau mál sem nefnd voru af hæstvirtum Fuckov, en best er að segja sem minnst um þau mál (maður veit aldrei hver er að hlusta). Starfsemi ráðuneytisins einskorðast hinsvegar ekki við svoleiðis smámál, það er mikill misskilningur.

Við höfum umjón og yfirvald yfir öllum nefndum sem starfa innan landamæra Baggalútíu, allt frá stjórnunarnefnd leikskólans Urriðaborgar, Mæðrastyrksnefnd, jafnréttisráð og margt fleira, að ekki sé talað um allar þær óteljandi nefndir sem starfa á vegum hins opinbera, t.d. á Alþingi og í öðrum stofnunum.
Í öllum þessum nefndum hefur nefndarmálaráðuneytið síðasta orðið og getur gripið inn í hvaða starfsemi sem er. Þessi starfi ráðuneytisins og réttur þess til hans er varðveittur í 108. grein stjórnarskrár. Meðal annars getur ráðuneytið haft mikil áhrif á störf Alþingis, lagasetningarstofnunar Baggalútíu.

Ekki þarf að tíunda fyrir ríkisstjórnarmeðlimum það gagn sem samfélagið hefur af yfirgengilegu skrifræði, með þeim ótal nefndum sem nefndarmálaráðuneytið sér um. Sauðir Baggalútíu, sem sumir vilja kalla þegna, geta ekki einu sinni keypt sér í matinn án þess að sú gjörð stjórnist af ráðuneytinu, enda er verði vörunnar ráðið í sérstakri nefnd, auk þess sem laun sauðsins þurfa að fara í gegnum sérstaka nefnd, að ekki sé minnst á það að stundaskrá krakkans sem sauðurinn þarf að sækja í skólann strax á eftir búðarrápinu er stjórnað af nefnd.

Skrifræðið er allt, og þó ekkert. Það hljótast gífurleg völd í því, sem mér er betur treystandi til að valda en mörgum öðrum. Afhverju? Því að ég er bjúrókrati af djöfulsins náð. Ég misnota nánast aldrei það vald sem ég hef í höndum (nema kannski þegar kemur að vitleysingum eins og Herbirni) og virði ávallt skoðanir annarra ríkisstjórnarmeðlima þegar þeir eru ekki fullkomlega sammála mér.

Ég ætlast því til þess að nefndarmálaráðuneytinu og hlutverki þess verði sýnd mannsæmandi virðing í framtíðinni.

Sir Bjargmundur Svarfdal frá Keppum KBE • Nefndarmálaráðherra og Utanríkismálaráðherra Baggalútíu • Stórriddari Baggalútíu
 • Svara • Vitna í •  Senda skilaboð Senda póst
Herbjörn Hafralóns 14/4/04 17:12

Svei mér þá ef þessi ríkisstjórn er ekki að liðast í sundur.

[Fær sér vænan sopa af messuvíni]

Verðlaunaður séntilmaður. HEIMSMEISTARI í teningakasti 2007 og 2008. BLÁR.
 • Svara • Vitna í •  Senda skilaboð Senda póst
Nykur 14/4/04 17:16

Svona svona Ruglubulli við erum mjög ánægðir með dugnað þinn og eljusemi. En við vildum aðeins rétta af kúrsinn þar sem við töldum þetta farið að stefna í óefni hjá þér. Nú jafnframt höfðum töluverðar áhyggjur af heilsufari þínu, við töldum að þú færir svo miklum hamförum að heilsa þín væri í stórhættu!
Alþingi, stjórnarskrá, lagasetningarstofnun þetta eru hugtök sem aldrei hafa átt uppá pallborðið hér í Baggalútíu hér ríkir Alræðisvald en öll þessi hugtök bera með sér þann lýðræðislega blæ sem tilheyrði hinu langþreytta Íslandi sem hefur ekkert með málefni Baggalútíu að gera.
En fyrir vel unnin störf Ruglubulli þá veiti ég þér fyrir hönd Ríkisins hér með Sokkabandsorðu Baggalútíu ‹Nælir orðunni í jakkaboðung Ruglubulla og læðir farseðli til Costa del sol í skyrtuvasann, dregur augað í pung, glottir og klappar á öxlina.›

Krónprins & Forsætisráðherra Baggalútíu • Baggalútíu allt!
 • Svara • Vitna í •  Senda skilaboð Senda póst

Nykur mælti:

Svona svona Ruglubulli við erum mjög ánægðir með dugnað þinn og eljusemi. En við vildum aðeins rétta af kúrsinn þar sem við töldum þetta farið að stefna í óefni hjá þér. Nú jafnframt höfðum töluverðar áhyggjur af heilsufari þínu, við töldum að þú færir svo miklum hamförum að heilsa þín væri í stórhættu!
Alþingi, stjórnarskrá, lagasetningarstofnun þetta eru hugtök sem aldrei hafa átt uppá pallborðið hér í Baggalútíu hér ríkir Alræðisvald en öll þessi hugtök bera með sér þann lýðræðislega blæ sem tilheyrði hinu langþreytta Íslandi sem hefur ekkert með málefni Baggalútíu að gera.
En fyrir vel unnin störf Ruglubulli þá veiti ég þér fyrir hönd Ríkisins hér með Sokkabandsorðu Baggalútíu ‹Nælir orðunni í jakkaboðung Ruglubulla og læðir farseðli til Costa del sol í skyrtuvasann, dregur augað í pung, glottir og klappar á öxlina.›

Jah...ég veit ekki hvað ég á að segja...
Maður er kannski örlítið langþreyttur orðinn og hugsunin óskýrist oftast við það. Ég vildi bara ítreka mikilvægi og fjölþætta starfsemi ráðuneytisins míns.
Maður lítur samt óneitanlega betur út með þessa orðu.

‹Lifnar yfir honum og þenur út á sér brjóskassann. Lítur út eins og hefðarmaður með Sokkabandsorðuna›

Sir Bjargmundur Svarfdal frá Keppum KBE • Nefndarmálaráðherra og Utanríkismálaráðherra Baggalútíu • Stórriddari Baggalútíu
 • Svara • Vitna í •  Senda skilaboð
klettur 14/4/04 18:22

Far well Ruglunbulli

 • Svara • Vitna í •  Senda skilaboð Senda póst
Nykur 15/4/04 11:43

Tilvitnun:

Maður lítur samt óneitanlega betur út með þessa orðu.

Já finnst þér ekki! ‹Nælir annarri orðu á Ruglubulla í þetta sinn Stórriddara krossi Baggalútíu.› Sko þig, Sir Ruglubulli! ‹Ljómar upp, kemur svo auga á Klett og sigar hundunum á hann›

Krónprins & Forsætisráðherra Baggalútíu • Baggalútíu allt!
 • Svara • Vitna í •  Senda skilaboð Senda póst

Nykur mælti:

Tilvitnun:

Maður lítur samt óneitanlega betur út með þessa orðu.

Já finnst þér ekki! ‹Nælir annarri orðu á Ruglubulla í þetta sinn Stórriddara krossi Baggalútíu.› Sko þig, Sir Ruglubulli! ‹Ljómar upp, kemur svo auga á Klett og sigar hundunum á hann›

Je minn eini! Ég veit ekki í hvorn fótinn ég á að stíga. Þetta er þrusumikill heiður, það get ég sagt ykkur. Ég get vart orða bundist...ég held ég segi bara; Þakka ykkur öllum, þakka ykkur öllum...

‹Kyssir Nykur á báðar kinnar með tár í augum›

Sir Bjargmundur Svarfdal frá Keppum KBE • Nefndarmálaráðherra og Utanríkismálaráðherra Baggalútíu • Stórriddari Baggalútíu
 • Svara • Vitna í •  Senda skilaboð Senda póst
Hilmar Harðjaxl 15/4/04 22:13

Nykrar hafa ekki kinnar.

Það er ekkert sem getur ekki stöðvað mig!
 • Svara • Vitna í •  Senda skilaboð Senda póst
Skabbi skrumari 15/4/04 23:59

Hann hlýtur að hafa verið að tala um rasskinnar...

 • Svara • Vitna í •  Senda skilaboð Senda póst

Hilmar Harðjaxl mælti:

Nykrar hafa ekki kinnar.

Ég ætla nú ekki að fara að halda fyrirlestra hérna, hvorki um sameiginlega útlitseiginleika hesta og manna né tilgang smámunasemi í baggalútísku þjóðfélagi, og læt því þar við sitja.

Kinnar, vangar, haushliðar...þetta skiptir öngvu máli.

Sir Bjargmundur Svarfdal frá Keppum KBE • Nefndarmálaráðherra og Utanríkismálaráðherra Baggalútíu • Stórriddari Baggalútíu
 • Svara • Vitna í •  Senda skilaboð
Virgill Bali 16/4/04 15:04

Enn vinna þá ekki bara báðir? meina mér finnst bara bæði betra!

Víkið fyrir Ruslameistara Ríkisins
 • Svara • Vitna í •  Senda skilaboð Senda póst
Nykur 16/4/04 16:51

Hvaða andsk. vitleysa er þetta! Auðvitað höfum við Nykrar kinnar og það fjórar eins lög gera ráð fyrir! Svona sjú sjú... ‹ýtir viðstöddum útaf þræðinum með strákústi › fariði út að leika það er greinilega allof lítið að gera hjá ykkur fyrst þið getið verið að eyða tíma ykkar í spekulósjónir um rasskinnar og aðrar kinnar Forsætisráðherrans.

Krónprins & Forsætisráðherra Baggalútíu • Baggalútíu allt!
 • Svara • Vitna í •  Senda skilaboð Senda póst

Heyr, heyr, nykri minn...

Sir Bjargmundur Svarfdal frá Keppum KBE • Nefndarmálaráðherra og Utanríkismálaráðherra Baggalútíu • Stórriddari Baggalútíu
» Gestapó   » Baggalútía   » Hvað er nýtt?
Innskráning:
Viðurnefni:
Aðgangsorð: