Vestræn borg í ríkjum banda.
Bragðast mér í munni létt.
Heimsókn fékk frá helgum anda.
Höldin frægu þóttu rétt.
Sömu gömlu reglurnar, svörin eiga að vera rökstudd
Vestræn borg í ríkjum banda.
Bragðast mér í munni létt.
Heimsókn fékk frá helgum anda.
Höldin frægu þóttu rétt.
Sömu gömlu reglurnar, svörin eiga að vera rökstudd
Gæti þetta verið borgin Sacramento?
Vestræn er hún, bæði í þeim skilningi sem við oftast leggjum í hugtakið og svo er hún líka á vesturströnd Bandaríkjanna, eða ríkja banda..
Oblátur eru léttar í munni og „heimsókn fékk frá helgum anda“ gæti vísað til sakramentisins, samanber að meðtaka heilagan anda þegar gengið er til altaris.
Höldin frægu veit ég hinsvegar ekkert hvað eru eða hvers þau eiga að vísa til.
Er þetta kannski Nýja Jórvík, stóra eplið? Mér finnast epli svo góð.
Salt Lake City! Þar eru fjölmennir fylgjendur Joseph Smith sem fékk heimsókn frá helgum anda og stofnaði Kirkju hinna síðari (seinni?) daga heilögu eða Mormónasöfnuðinn. Salt er létt í munni (ef maður lætur ekki mikið af því upp í sig) og höldin munu vera öll framhjáhöldin sem mormónar stunda, þrátt fyrir að eiga margar kellingar.
Detroit??
Maryland.
Fylkið, kexið góða, jesúsarmamma og Maryland-réttarhöldin yfir leyniskyttunum (reyndar haldin í Virginíu).
Nei, þetta er ekki Salt Lake City, Detroit, eða Maryland. Áfram heldur því leikurinn.
Vestræn borg í ríkjum banda. Marylin
Bragðast mér í munni létt. Marylin súkkúlaði
Heimsókn fékk frá helgum anda. María mey
Höldin frægu þóttu rétt. 90-60-90 ummál Marylin
Nokkuð góð ágiskun Nykur, en ekki það sem ég hafði í huga. Áfram er haldið.
Vestræn borg í ríkjum banda. Los Angeles
Bragðast mér í munni létt. Englar eru léttir
Heimsókn fékk frá helgum anda. Englar eru útsendarar
Höldin frægu þóttu rétt. Réttarhöld eru mörg fræg þar í bæ.
Er þetta kannski borgin Salem?
Bandarísk, full af oftækistrú (enda bandarísk), tónakið Salem er af léttu gerðinni og höldin frægu og réttu munu vera réttarhöldin yfir nornunum sem þar áttu að vera.
Glæsilegt, mjög glæsilegt Haraldur. Heimsókn fékk frá helgum anda var tilvísun í Jesú og endalok hans. Salem Lights eru náttúrulega víðfrægar sígarettur og þar er tilvísun í létt bragð í munni.