þetta vafðist mikið fyrir mér þegar ég var krakki og nú mörgum árum síðan hef ég alldrei skilið af hverju einn og átta ?, afhverju ekki einn og tólf ?, eða bara einn og feitur. Með fyrir fram samþykki um heimsku mína
sko..
í gamla daga voru svokölluð "stór hundruð" í gildi, en í þeim voru 120 einingar.
Getur verið að það hafi líka verið einhverskonar "stórir einnar" sem hafa þá talist sem 1,2 í nútíma máli okkar?
1,2 * 9(einn og átta = 9) kemur út sem 10,8 sem er mjög jólaleg tala að mínu mati.
"jólasveeeeinar einn og tíukommaátta, farað kom´úr fjöllunum!"
nú, Einnig getur verið að höfundurinn hafi sagt eitthvað annað og fólk hafi breytt þessu í tímans rás. hér koma líklegar byrjanir:
"Jólasveinar, einn að þrátta.."
"jólasveinar, hreinn að hátta"
"jólasveinar, hreinn að þrátta"
"jólasveinar, einn að hátta"
"jólasveinar, er´að þátta"
"jólasveinar, einn að þátta"
"jólasveinar, hreinn að þátta"
o.fl.
Takk fyrir mig
upphaflega útgáfan var "einna nátta" og vísaði til þess að þeir komu með sína hrekki hver á fætur öðrum að næturlagi.
þetta þykir mér merkilegt að heyra, loksins fékk ég skynsamlega skýringu á hluta þessa vísuskrípis.
Kannski þú getir hjálpað mér með aðra hluta vísnanna Nykur.
Það sem helst hefur angrað mig er hvurn fjárann þessir Jón og Andrés eru að vilja í þessum jólasveinavísum, að ekki sé minnst á óbermið hann Ísleif sem þó virðist blessunarlega vera fallinn í gleymsku. Hverra manna eru þessar slettirekur sem sitja við hvert fótmál vesalings jólasveinanna?
þarna er um að ræða þjóðvísur sem hafa uppruna sinn úr einhverjum þjóðsögunum sem eru mönnum löngu gleymdar, samkvæmt minni bestu vitund er ekki vitað hverjir þessir herramenn voru. Hvað varðar Vellina sem hann Jón er kenndur við má nefna að Þingvellir hafa oft verið nefndir Vellirnir og er þá talað um Vellina við Öxará. Einnig er talað um Betlehemsvelli sem fæðingarstað Jesú í gömlum heimildum. En þessir menn eru eins og fyrr segir sennilega sögupersónur einhverra löngu gleymdra þjóðsagna. Elsta þekkta erindið af þessari þjóðvísu er á þessa leið:
Jólasveinar einn og átta
ofan koma af fjöllunum.
Í fyrrakvöld þá fór ég að hátta,
þeir fundu hann Jón á Völlunum.
En Andrés stóð þar utan gátta,
þeir ætluðu að færa hann tröllunum.
En hann beiddist af þeim sátta,
óhýrustu köllunum,
og þá var hringt öllum jólabjöllunum
þarna er t.a.m ekkert minnst á Hólakirkju og eins er söguþráðurinn sýnilegri. Þess má geta að endingu að Baggalútur er jólasveinanafn samkvæmt gömlum heimildum.
já... eða það brennir stærðfræðibókina
Jólasveinar þrír í öðru [veldi].
Ofan komu úr fjöllunum.
Í fyrrakvöld þeir fóru og börðu.
Bölvaðan Jón á völlunum.
Villingar eru þetta...
Villingakjöt á diskinn minn fyrst að rjúpan ratar ekki þangað.