Það tilkynnist hjer með opinberlega að í samræmi við hefðir þarf tímavjelin sem endranær endilega að vera alvarlega biluð einmitt núna rjett fyrir árshátíð Blótar herfilega og rífur hár sitt.
Veldur þetta því að oss er með öllu ókleift að kanna hvort árshátíðin verði ekki örugglega það skemmtileg að vjer ættum að mæta (í ljósi reynslunnar er reyndar hugsanlega óþarfi að kanna það). Afar ergilegt er einnig að bilanirnar koma að líkindum í veg fyrir að vjer getum slegið við Gestapóum á borð við Glúm og jafnvel fleiri og prófað að vera tvöfaldir, þrefaldir eða jafnvel margfaldari en þeir á árshátíðinni Ljómar upp (reyndar kann að vera að áfengisneysla gesta muni að valda því að einhverjir þeirra muni skynja oss og fleiri gesti sem tvöfalda eða þaðan af meira en það er önnur saga). Fram að þessu hefur verið stórhættulegt og í versta falli jafnvel getað leitt til eyðingar alls alheimsins að hitta sjálfan sig á tímaferðalagi. Líkur benda hinsvegar til að það sje að takast að þróa nýja aðferð til að eyða þeirri hættu. Það er hinsvegar mjög ergilegt að geta ekki sannreynt á árshátíðinni að sú aðferð virki.
Til að eiga sem mesta möguleika á að koma tímavjelinni í lag nánast strax vantar oss aðstoð við að útvega eftirfarandi strax:
Nokkur petawött af rafmagni
20 milljarða tonna af plútóníum
-132.000 tonn af 'exotic matter' (mínusinn framan við töluna er ekki villa)
600 milljarða tonna af kóbalti
Minnst 20 sinnum meira elipton en vjer höfum núna undir höndum
35 milljón tonn af járni
300.000 tonn af þungu vatni
Aðstoð við viðgerðir væri einnig vel þegin. Vjer óttumst hinsvegar að það sje of skammur tími til stefnu til að ná að koma tímavjelinni í lag. Eigi sakar þó að reyna.
Ég gæti verið þér innan handar með mjúklóðun og ef þú þarft að skrúa bolta með lyklastærð á bilinu 2 til 5,4 metra en annað kann ég ekki. Var epiloptinúíumið (afsakið) ekki liggjandi á glámbekk hér á Geltinum fyrir stuttu? Þú verður að passa þetta betur.
Ég ætti nú að vera aflögufær með eitthvað af járni - þó ekki sé annað...
Ég á öfluga diselrafstöð sem hægt væri að "tjúna" enn meira upp og ef einhver á olíufyrirtæki ætti að vera vandalaust að redda rafmagni
Afhverju finn ég hvergi nein almennileg axlarbönd?
Hvernig er með þetta eiginlega...
Er það ekki skrýtið?
Afhverju finn ég hvergi nein almennileg axlarbönd?
Hvernig er með þetta eiginlega...
Er það ekki skrýtið?
Tímavjelarþjófur ! Þjer eruð örugglega með einhverja hluti úr tímavjelinni - afhendið þá strax !
Svo tímavélin er knúin af axlaböndum?
-132.000 tonn af 'exotoc matter' (mínusinn framan við töluna er ekki villa)
Á ekki að standa exotic?
Skráir sjálfan sig listann góða
Ég er þrælvanur tímaflakki og get alveg tekið að mér reynsluaksturinn þegar vélin byrjar að virka aftur.
Leggur til nokkur olíuskip fyrir díselrafstöð feminista.
Veltir fyrir sér hvort 300.000 tonn af þungu vatni hljóti ekki að vera umtalsvert þyngri en 300.000 tonn úr því að vatnið er svona þungt.
Veltir því fyrir sér hvort forsetinn sé fullar a la Yeltsin.
Veltir fyrir sér hvort 300.000 tonn af þungu vatni hljóti ekki að vera umtalsvert þyngri en 300.000 tonn úr því að vatnið er svona þungt.
Þetta er augljóst. 300.000 tonn af þungu vatni tekur minna lagerpláss en 300.000 tonn af vatni. Forsetinn okkar er bæði skipulagður og hagsýnn.
-132.000 tonn af 'exotoc matter' (mínusinn framan við töluna er ekki villa)
Á ekki að standa exotic?
Skráir sjálfan sig listann góða
Jú, örlítil innsláttarvilla sem vjer höfum núna formlega lagað.
Veltir fyrir sér hvort 300.000 tonn af þungu vatni hljóti ekki að vera umtalsvert þyngri en 300.000 tonn úr því að vatnið er svona þungt.
Þetta er augljóst. 300.000 tonn af þungu vatni tekur minna lagerpláss en 300.000 tonn af vatni. Forsetinn okkar er bæði skipulagður og hagsýnn.
Mér finnst hann nú miklu frekar skipanaglaður og nærsýnn....
Hr. Vladimir Fuckov
Forseti Baggalútíu.
Allt það sem þér biðjið um er til á lager og verður sent yður um leið og innáborgun og bankaábyrgð er frágengin.
Afhendingarfrestur eru 3 virkir jarðdagar.
Verðið er FOB verð, 345.456.333.908.776.082.887.012.111,34 ags. (algeims gull staðall). Einnig getum við útvegað flutning og verðið er 144.567.00 ags.
Viðskiptabanki vor er Vega vbs. Bankanúmer 15479 6/92 og reikningsnúmerið er 3.
Upplýsingar um móttökuhöfn sem uppfyllir reglugerð ASS (Algeims stjörnusambandsins) No: 1248.3 um algeims stjörnuskipahafnir, og aðrar óskir ef einhverjar eru, óskast settar á þennan þráð, þar sem svo virðist vera að Gestapó í Baggalútíu sé eini staðurinn á jörðinni þar sem hægt sé að hafa samskipti við útgeim.
Með vinsemd og virðingu.
Fyrir hönd Huxi, útgeimssamsteypunnar.
Huxi forstjóri.
Þetta er okur Huxi!
Ég skora á forsetann að leita hagstæðari tilboða. Síðan er afgreiðslufresturinn alltof langur.
Það kann að vera að verðið sé örlítið hærra hjá okkur en sumum ónefndum samkeppnisaðilum, (sem aldrei geta látið vera að undirbjóða heiðarlega kaupsýslumenn), en gæði vöru okkar og aldalöng hefð í viðskiptum, tryggir bestu þjónustu sem völ er á. Afgreiðslufrestur keppinauta vorra er ávallt lengri en 3 jarðdagar. Ef þeir halda öðru fram er þá er það sami áróðurinn og lýgin og vanalega á þeim bænum.