Fyrst varstu harla hnípin,
hrutu þér tár um hvarma.
En fundum loks flugnagrípinn,
fór þá um kæti hvarma. (ég stunda hv-mæli. Því er hér hvorki ofstuðlað né alrímað.)

Elskan mín, þú ert svo fim,
eigum við að „spela“?

Elskan mín, þú ert svo fim,
eigum við að „spela“?
Hrjótir þú með háum glym
háls þinn viltu fela.

Ég hálfur ligg á hlanddýnu
og hljóður læt mig dreyma.

Ég hálfur ligg á hlanddýnu
og hljóður læt mig dreyma;
með talsvert mikla tannpínu.
Tár um hvarma streyma.
---------------------------------
Maður, nefndur Theodor Adorno ,
var djúpspakur um ýmisskonar fræði

Maður, nefndur Theodor Adorno ,
var djúpspakur um ýmisskonar fræði.
En ef úr nös gat hámað í sig hor nóg,
hunsaði kallanginn önnur gæði.

Ástin mín, þig eina kýs,
annað má að dufti verða.

Ástin mín, þig eina kýs,
annað má að dufti verða.
Eftir lestur greinagerða
gefa skal þér rjómaís.
---
Böl og last er algert innlíf,
útileik er betra' að stunda.

Böl og last er algert innlíf,
útileik er betra' að stunda.
ekkert vín og ekkert kynlíf *
og ei skal borða hráan lunda.

(* Þetta hlýtur að mega.)

langar til að líta menn
og langar mynda raðir

langar til að líta menn
og langar mynda raðir.
Dönsum konga eitt kvöld enn,
ógurlega glaðir.

Núna fer mig einum of
eftir því að lengja.

Núna fer mig einum of
eftir því að lengja
bærilegu að beita klof-
bragði á urmul (glímu)drengja.
---
Á hver einasti hippi
ævi gleðiríka?

Á hver einasti hippi
ævi gleðiríka?
Glaðir á greinaknippi
gæfuna slíka.

------
Bæði erum komin í kross
kynlegt er að bíða.

Bæði erum komin í kross
kynlegt er að bíða.
Eitt er þó sem aumkar oss:
eilíf veðurblíða.

Kröftugrar finn ég til kenndar
hvenær sem þú ert mér nær.

Kröftugrar finn ég til kenndar
hvenær sem þú ert mér nær,
náðugrar njóti ég verndar
nálægt þér, Drottinn minn kær.

Útreiðar stöðugt ég stunda
stóðlíf er jafnan mér kært.

Útreiðar stöðugt ég stunda
stóðlíf er jafnan mér kært.
Og helst þá tek merin'ans Munda
og met þá að allt sé mér fært.

Hertist upp, er hingað leistu
og hálfvegis svo glottir,

Hertist upp, er hingað leistu
og hálfvegis svo glottir,
Heyrðu, sko, hérna, veistu,
hrikalega eru poolararnir flottir!

Þegar Viggu gömlu á Völlunum,
vantaði í sultuna hleypiefni,

Þegar Viggu gömlu á Völlunum,
vantaði í sultuna hleypiefni,
sótt'ún frá sæðaraköllunum
svolítið af þeirra sleypiefni.

Leynast víst á Tomma tám
tattú af Stapafelli.

Leynast víst á Tomma tám
tattú af Stapafelli.
en táin þessi dregur dám
af dverg sem lést úr elli

ég vildi ég ætti stærri stubb
og stórum væri ríkur

ég vildi ég ætti stærri stubb
og stórum væri ríkur.
Fagran þrái Farmal Kubb,
fák sem engan svíkur.

Slefandi um víðan völl
vonglaður ég æði

Slefandi um víðan völl
vonglaður ég æði.
Ég hata digur diffurföll,
en dýrka efnafræði.
---
Sjúkan tölvu- sá ég -póst
(er sumir kalla e-mail);

Sjúkan tölvu- sá ég -póst
(er sumir kalla e-mail);
Sút mér fló af „bréfi'“ í brjóst
(bullan var með g-mail).

Í brjósti mér kynlegar kveikja
kenndir þín óræðu glott.