Heil og sæl kæru vinir.
Ég veit að ekki er vel séð að vera með áróður hér, en nú bara verð ég.
Í dag er svokölluð kreppa í svokölluðum raunheimum og því aldrei eins mikilvægt og nú að sýna samkennd og hlýhug í garð náungans.
Jólatréin sem standa í Kringlunni og Smáralindinni eru samkomustaður fyrir pakka handa þeim börnum sem minna mega sín í samfélaginu, örlítill vottur af þeirri manngæsku sem þjóðin er fær um að sýna sínum minni bróður.
Ég veit að margir hér eru í sömu stöðu og ég, peningarnir hrökkva ekki alla leið fram að næstu mánaðarmótum, bílalánið hefur hækkað, húsnæðisskuldbindingarnar eru komnar fram úr hófi og matur er á góðri leið með að verða munaðarvara.
En ég á samt fyrir jólagjöfum handa minni fjölskyldu.
Svo í stað þess að kaupa dýrar jólagjafir þetta árið hef ég ákveðið að skera við nögl til Ewings og Bebe en í staðinn kaupa 2 gjafir og setja undir jólatréð í Kringlunni/Smáralindinni.
Er nú þegar búin að kaupa eina og hún kostaði mig ekki lifur og lungu, en er engu að síður skemmtileg og á vonandi eftir að vekja lukku hjá strák á aldrinum 5-9 ára.
Því hvet ég ykkur, kæru vinir, til að gefa maka ykkar og/eða börnum gjöf sem er 400 krónum ódýrari, skreppa í einhverja búð og gefa barni sem á minna en þið jólagjöf þetta árið.
Það verða sennilega færri pakkar undir þessum trjám þetta árið en það síðasta og því er ennþá mikilvægara að minna á þessi tré.
Aðventukveðjur frá heiðingjanum.
Ég ætla að gefa! Ljómar upp
Leggur umslag undir tréð með bréfi sem á stendur "andvirði kostnaðar þess að grafa brunn í Sómalíu hefur verið gefið í þínu nafni til Hjálparstofnunar Kirkjunnar"
Svona nær maður tvöfaldri gleði út úr gjöfinni.
Ljómar upp
Já veistu, ég held barasta að ég gefi eitthvað undir tréð líka þetta ár. Takk fyrir að minna mig á það!
Ég vil líka minna á okkur gamalmennin. Okkur leiðist og það þarf ekki mikið til að gleðja okkur.
Starir þegjandi út í loftið
Þetta er góð hugmynd. Það er líka svo auðvelt að velja gjafir handa börnum. Fullorðnir þurfa svo flókið og mismunandi dót.
Hmmm, fyrrum vinnustaðurinn minn gerir þetta á hverju ári, veit ekki hvort ég sé í aðstöðu til að gera þetta í ár en ég man allavega að fyrir einhver jólin stóð ég heila kvöldstund að pakka inn gjöfum sem fylltu risa sendibíl af pökkum.
Sem og þá vil ég minna á eitt, og það er að vera ekki að pakka of vel inn, því allir pakkar sem fara undir tréð eru opnaðir og
"ritskoðaðir".
Það er gert vegna þess að það hefur komið fyrir að í pökkunum hafa verið tóm drykkjarílát, tómir kassar og allskonar rusl.
Það er ekki jólaandi og get ég ekki ímyndað hvernig það er að horfa á afkvæmi sitt opna pakka frá "jólasveininum" og í honum er
kassi með tómri bjórflösku.
Blótar herfilega og rífur hár sitt
Tréin?
Annars getur vel verið að ég taki til í "neyðargjafa"hrúgunni...
Ég hef nú gert þetta undanfarin tvö ár. Vonandi finnur maður eitthvað sniðugt að gefa þetta árið.
Vegna aðstæðna ætla ég bara að gefa börnunum í fjölskyldunni gjafir en þar sem ég hef örlítið rýmri auraráð nú í desember en síðustu mánuði ætla ég að setja eina eða tvær undir tréð í Kringlunni. Takk fyrir áminninguna kæra Norn, þú ert hetja og fyrirmynd þegar kemur að mannúð og manngæsku! Knúsar Nornu
Það þarf að hugsa um "hina"! - Annars fannst mér á sínum tíma að hefði átt að finna sökudólgana að tómu pökkunum og stjaksetja þá!
Það þarf að hugsa um "hina"! - Annars fannst mér á sínum tíma að hefði átt að finna sökudólgana að tómu pökkunum og stjaksetja þá!
Það gerist ekki oft... en núna er ég fullkomnlega sammála Finngálkn!
Ég er ekki alveg sammála. Mér finnst að það hefði átt að krossfesta þá. Stjaksetning er ögn skjótvirkari dauðdagi.
Er ekki nóg að gasa þá?
Of skjótvirkt ...
Takk fyrir áminninguna elsku Norna mín! Ég ætla að reyna að muna eftir þessu og láta Prímadonnu og Dívu gefa sitthvorn pakkann undir tréð. Ljómar upp
Ég er ekki alveg sammála. Mér finnst að það hefði átt að krossfesta þá. Stjaksetning er ögn skjótvirkari dauðdagi.
Nærtækast hefði verið að ræða við jólasveininn og komast að samkomulagi um að allir jólapakkar sem sökudólgarnir fá í framtíðinni breytist í samskonar pakka og þeim sjálfum fannst svo sniðugir.
Já, það er skáldlega réttlátt - og ekki jafn ofbeldisfullt. Ofbeldi á ekki heima á jólunum, heldur páskunum, þegar menn velta sér upp úr pínu Krists.