Nokkuð sterkur leikur að hefja dvöl sína á Baggalút með kvæði. En vertu velkomin. Næsta vers er svo að finna innflytjendahliðið, þ.e.a.s. ef þú ert ekki þegar búin að því.

Þá ætti að vera stutt í Sómastað fyrir þig.‹Ljómar upp› Þú ert semsagt bara hinumeginn við skarðið í litlu Mosku.

Ég veit auðvitað ekkert hvar þetta innflytjendasvæði er, ég á eftir að gefa mér tima í að fara í skoðunarferð um Baggalútsumhverfið, það væri nú nokkuð gott að fá leiðsögn.

En ég fór í pulsusjoppuna í hádeginu og þar heyrði ég eina góða sögu,
mæðgin voru að spjalla saman þ.e., móðir og ungur sonur hennar, og var móðirin eitthvað að kvarta yfir dýrtíð (skil ekkert í henni) og segir þá sá stutti, já mamma, við förum þá bara í Bónus, því "Krónan" er ónýt!!!

já "bragð er að þá barnið finnur"

En takk fyrir komment og góðar viðtökur og umræður vítt og breytt

ja það er styttra þaðan til Færeyja heldur en úr Höfuðborginn til Færeyja, eða svo er mér sagt

Innflytjendasvæði átti auðvitað að vera innflytjendahliðið (að ég held)

hef ekki hugmynd um hvar Sómastaðir eru

en þetta lærist allt saman

‹Flissar gríðarlega›

Hvað annars með Euroshopper? Er ekki best að kaupa það, orðið?

hvaða eign skyldi vera í því? (farin að klóra mér ákaft í höfðinu)

Ah ég sé að það á eftir að kenna þér sviðslýsingar!
Þegar þú ætlar að setja inn innlegg þá geturu valið takka sem á stendur „Svið“
Þú getur ýmist skrifað eitthvað, valið yfir það og ýtt svo á takkann, eða ýtt á takkann, skrifað e-ð og ýtt svo aftur á hann.
Sama hvort þú gerir verður útkoman ‹svona›

Einnig eru sviðslýsingar hægramegin við reitinn þar sem þú skrifar inn innleggið og þá koma beint inn einhverjar fyrirfram ákveðnar sviðslýsingar eins og ‹Stekkur hæð sína› eða ‹Ljómar upp›
Endilega prófaðu þig áfram og fiktaðu í þessu.

Já og endilega taktu eftir tökkum sitt hvoru megin á lyklaborðinu þínu sem eru myndskreyttir með ör sem vísar uppávið, jafnvel merktir Shift. Ef þú þrýstir öðrum þeirra varlega niður á meðan þú ýtir á fyrsta staf þeirrar setningar sem þú ætlar að skrifa, mun stafurinn birtast sem hástafur. Við erum mjög hrifin af því!

Velkomin Imba. Þú kemur alldeilis öflug inn.

Annars: fjagra ára sonur minn spurði líka um daginn, eftir að hafa heyrt tal foreldra sinna í marga daga:
Isä, af hverju eiga Íslendingar enga peninga?

Sómastaðir eru á milli Eskifjarðar og Reyðarfjarðar. Það er verið að gera upp húsið núna og ég fékk inni á Eskifirði meðan viðgerð stendur yfir.

Er Isä þá pabbi? Ef ég man rétt þá er Äitii mamma, ekki satt?

Vér munum eigi betur, en að litlanorn hafi aldregi ritað með hástöfum, og kvartaði enginn yfir því. Hið eina, sem vér viljum koma til Imbu er, að hún verður að ákveða sig, hvort hún noti hástafi eður lágstafi, og haldi sig þá við það, og að auki taka upp punkta í lok málsgreina.

litlanorn var spurð út í þetta jú... en hún gerði þetta viljandi og tók það fram þegar hún var spurð. Hún skrifaði líka nafnið sitt einungis með litlum stöfum.

Vjer bjóðum Imbu hjer með formlega velkomna með hefðbundnum og nauðsynlegum fyrirvörum.

Satt er það. Imba virðist þó rita öll eiginnöfn hástöfum. Verið gæti, að þetta sér sérstakt höfundareinkenni hjá henni, ef svo mætti segja.

Jahá, þetta er bara rétt hjá æskuslóðunum, þannig að ég hlýt að ramba á þetta einn daginn

Ja ég er búin að hægja ferðina á lyklaborðinu og næ því frekar að styðja á Shift-takkann. En það er svo annað mál, að þegar hafst hefur verið við á stöðum, þar sem óvandaðri Íslenska viðhefst að þá hreinlega kostar það töluverða æfingu að rifja upp stafsetningarreglur, setningarreglur, já og fleira og fleira.

En þetta er skemmtilegt, því ég hef alltaf haft mikið dálæti á Íslensku máli og þótt mikið til þess koma og lagt mig fram um að tala rétt mál og skírt og hef oft vitnað í fyrrum forseta vor Vigdísi Finnbogadóttur, sem að mínu mati hefur ávallt vandað sitt mál og virðist gera það áreynslulaust.